1 Endagembogut 16:31 - Ala Wone Peenok Peebi Mbanak

³¹ At Omiri aput Akap nen aap Nebat aput Yerobeyam maluk eeke nagagerak nogo, eerit nage logonet, “Abu eeki,” mbaka'lek aakumi Tiron mendek inowe endagembogut Etebaan aput kolaga Iteben nogo wagangge, kugi Mba'an mugurok nage logonet alut eeke, eeke nagagerak.

1 Endagembogut 16:31 ပူးပေါင်းရင်းမြစ်များ

Wakkagagerak 30:15

Yoge mbareegi, at Leya nen ari logonet, “An kunduk nogonggelo aret kwe, kat mban kimbirak a'nuk wonage ti meek eeppunuk, yogondak naagaluk nen elege ndaganaka iri'ngga kwaakerak nogo inom mban wokkiriyak nduk nggino yo'negen ya?” Yoge mbareegi, at Araken nen, “Togop kenok, kaagaluk nen elege ndaganaka iri'ngga wokkiri wagaarak ti, an ambi wo'nege kenok, onggo yogondak oonikiya Yakup kimbirak nogo yenok o,”

Wakkagagerak 6:2

Ndi, it Ala apuri nen it endekem mendek inapurilogwe komologwe amuni mbanak kigirikwe iinok, iniki nen uugwe mbako nagaatik, we ugun aret wogonako nogogwaarak.

1 Endagembogut 18:18

Yoge mbareegi, at Eliya nen at yoge logonet, “An nen Iterali naalop-kaalop eerogo piigeelik o. Ata, at Aliku ALA nen, Yogop ee'nu ndogop ee'nu, wone yugu taganogo punuk, kugi Mba'an nogo mugurok nogwe paga kat inom, kowe-kawot inom, kit nen aret Iterali naalop-kaalop eerogo piigo monggotak me,

1 Endagembogut 18:19

it aakumi Iterali abok aret puut Karemen ti paga nowagam kuwak eeri nawak nduk yorage, ndi, kwe Iteben inom mbi nonggo menggaarak kugi Mba'an awone unde ineebe empat ratus lima puluh inom, kugigwe Atiyera awone unde ineebe empat ratus inom, it kunduk wogoren nage, eeruo,” yoreegerak.

1 Endagembogut 18:4

Ti eyom paga kwe Iteben nen aap Aliku ALA nen yorage kagak yoraga ambik inoorit nage kenok, at Obaya nen it aap Ala wone yoraga nogo ineebe 100 wogoren ndo ambime 50 kumaappiige, ndi, ndo ambime 50 kumaappiige, eeke nagagerik, inambi-inagi wogorage nagagerak.

2 Endagembogut 10:18

Ti inoorogo piige nagagerik, at Yeku nogo nen it aakumi Tamariya mendek abok aret kuwak eeppiinok wone yorage logonet, “At Akap nogo nen kugi Mba'an mugurok nage logonet, alut eeke nagagerak ti we mbuuluk negen eeke nagagerak kwe, an perak, abu iya negen aret eeke logogin me,

2 Endagembogut 17:16

At Aliku inogoba Ala nen, “Yogop ee'nu ndogop ee'nu,” yoragagerak nogo, abok aret taganogo mbo punuk, inagugiwak kwak mbuti paga tapi inogut mbere ogobakkigikwi, kugigwe Atiyera ageyo arelen yinogo pugwi, inendobanggun yindumbunuk laaluguragan abok aret inayuk wukwi, kugi Mba'an alut eekwi, eeko nogogwaarak.

2 Endagembogut 21:3

Eeke logonet, at ogoba Kitikiya nen puut-puut paga inagugi inake eeko menggam lek eerogo pereegerak nogo, obaane'me ogobakkigirogo pege, kugi Mba'an ake warogo wogogo logorak ogobakkigirogo pit nage, it Iterali inowe endagembogut Akap nen kugigwe Atiyera ageyo arelen mippereegerak kokwak, at togop aret eerogo pege, laaluguragan yigin abigan abok inabu'me tebe yinuk, inalut eeke,

2 Endagembogut 3:2

Ndi, at Yoram nogo nen Aliku ALA enegen kagak, maluk mban eeke nagagerak kwe, at agalo-ogoba imbirak maluk eeko nogogwaarak ndak-ndak eeke logolik. At ogoba nen yugum paga kugi Mba'an alut eeko logowak nduk, ogut eerogo mippereegerak nogo, langgunogo pit nagagerak kwe,

2 Mbinineegwaarak 21:13

it Iterali inoweewi inendagembogut iniyok mugurok eerit nage logonet, aap Akat paga wiganak eerit nogo nogogwaarak kwak, it Yekura mendek Ala mbo punuk, nomoninuk nogwe, kwe mbabi eeke menggi kwak it Yerutalem mendek Ala mbo punuk, alik mendek mugurok nogwe, ndi, kat kobaabut maluk lombok logonet, kogoba apuri kat kawuri nogo inobaabut obeelom wonogwe iigak kwe, inoorogo piige, eereegindak me,

Yetaya 7:13

Yoge mbareegi, Yetaya nen at yoge logonet, “Kit Ndawut paga wiganak yi, kinaruk liirogon konenggo logonip o. Aakumi iniki yungguppunuk, wonogwe inabut mbanggwi nogo kiname'lek kundugu kenok, nogoba Ala iniki yungguppunuk menggerak kunduk, abut mbaniyak mbako ogotik ya?

Yetikiyen 16:20

Ti eeke logonet, at nen at aagalogwe wologwe inom, komologwe inom, ndaganake nagagerik, It yi kunduk, at Ala apuri aret o, yinuk, yereegerak kwe, agugi inambi negen nawak nduk inoorogo inake wogorage nagagerak. Kwe yawukak negen eerit nage ti, maluk aret me, Yi kuli aret, yuurak kagak, eerit nage ti, iya lek, yinuk, eeke agaarik ya?

Yetikiyen 16:47

It eerit nugwi nogo, at mugurok nage, it maluk ogole warak mendek eekwi nogo at ndak-ndak eeke, eeke nagagerak. It maluk eerit wundi wogo logonet, irip paga maluk nggwok lombok eeko nogogwaarak kwe, at perak, ne ambit maluk mondok iya lombok eereegerak o.

Yetikiyen 34:18

Iri'ngga abu abe lombok lek eerogo nenet nogo logonet, Abu aret nonggo o, yinuk, puk ariyak op aret kagak kwe, puk aga'lek eegu nonggop nduk iniyok aan lebenogo pit nogwe, ndi, niyo mili-mili lombok nonggo logonet, Abu aret nonggo, yinuk, puk ariyak op aret kagak kwe, puk aga'lek nonggop nduk iniyok paga nggut eerogo pi unggwogwe, eeko agaarik?

Yetikiyen 8:17

Iige mbareegi, at nen an yo'nege logonet, “Aakumi nen ndarak yi wae. Ti eekwi kenegen iigen ilik? It aakumi Yekura mendek nen maluk ogole warak lombok eekwi ti, iya lek we aret eeko agaarik mbaken? Ti eerit nugu logonet, iniki worokot nen ugun eerit nugwi paga, o nggween paga yime maluk mban ndak wa'narit nage kenok, nanini mi'nagak eeke yi, op mbaken? Kat abu meek o, yinuk, noba peyak wurogo panugwi yi iyet o.

Oteya 2:15

Time nen eyabu anggur yarak waganeegirak nogo obaane'me wogoge, O Aaninggin Eeppiiga Kobappaga nogo ti, obeelom eerogo piiga iniki lunik logowak nduk eerogo pege, Eerigin o. Ti eeke neenok, time nen at tawe logonet, Eo, yinuk, iniki kunik ee'nake, At o Metit nen wundi wage logonet iniki kunik nen noone liirogon konengge, Eeke nagagi kwak Togop aret eeke logogin o,” yinuk, yereegerak o.

Linggineegwaarak 16:9

Aliku ALA awooliya wurik me yabu eekwi, it Iterali inake eeko logorak unde wonogwe, eeko logobagip nduk, it aakumi Iterali mendek abok aret wonogwe iigak kwe, Iterali inogoba Ala nen kit aret leenogo pinaganuk, at owagam logorak op mbake kagak ti we meek mba'nuk yogo ogotik ya?

Pelaareegerak 7:1

Yorage nagagerik, at Muta nen aakumi Iterali ambinom yorage logonet, “At Aliku kinogoba Ala nen o kit unggwi nogo logomonggotik, unde a'nuk logowam time wokkiren pinagi nage logonet, at aa'nduk a'nuk, it aakumi inanebunu ambik inomaawi nggwok aakumi Ket mendek, Nggiragati mendek, Amori mendek, Kanan mendek, Perit mendek, Kewi mendek, Yebut mendek, inanebunu 7 aret

Wayu 2:20

mbuuluk ambi ninggin eekwi iigirak me, yoraawak nduk, yoriyak, yokkiri o. Kwe Iteben nogo nen, An Ala wone yorage minggirak mendek aret o, yinuk, an nayeloman mini ineebe ambik nomoniren nage logonet, kumi ugun-ugun wurinabit nogwe, ndi, kugi aanggo warak nunggwi, eerit nogo logowak nduk, mamunirage kagak kwe, mberega'lek, Op aret o, yinuk teppugwi iigirak me, abu neebi lombok ee'nake kenok yagi o.

Owak Loongga 1:31

Ndi, inanebunu Atet mendek nogo nen it aakumi o Ako inom, Tiron inom, Akalap inom, Akitip inom, Kelaba inom, Apek inom, Erekop inom, it aakumi o time wonogwe nogo abok aret mugogo wumbiyoolik me,

Owak Loongga 10:12

Tiron mendek inom, Amalek mendek inom, Mawon mendek inom, it apit nen kit tebembinagago wonogwe iinok, kit nen, Yeenggwa niret o, yo'nogo mbareegup, kinagap ndarulik mbo pinagage neyareegutak mbakop?

Owak Loongga 10:6

It aakumi Iterali nogo at Aliku ALA enegen kagak, maluk ambinom eeko logonet, kugi Mba'an inom, kugigwe Atitoret inom, aakumi Aram mendek inagugi inom, aakumi Tiron mendek inagugi inom, aakumi Mowap mendek inagugi inom, aakumi Amon mendek inagugi inom, aakumi Pilitin mendek inagugi inom, apit aret Ala obaane'me mippunuk, inayuk wuko logonet, mugurok nogo nogogwaarak. At Aliku ALA nogo mugurok naga'lek, inambokan monogo punuk, wonogo mbareegwa,

Owak Loongga 18:7

Yorage mbareegi, it aap 5 nogo, nogo nogogwaarik, o Layit ari nanuk, wonogo logonet, aakumi Layit mendek nogo ti, aakumi o Tiron mengga kwak logonet, iniki nu'lek ugun tayenak obeelom aret wonogwe, o time yi mendek ndi mendek obeelom mban wonage me, it ineenggi abu warak lombok logonet, yi mendek ndi mendek uugwe mbaka'lek aret wonogwe, ndi, aakumi o Tiron mendek ti, o nda lombok me, it inom ariyak abu lek iigwi, eereegwaarak.

Owak Loongga 2:11

Wonogo logonet, Aliku ALA enegen kagak maluk mban eerit nogo logonet, aakumi ti mendek inagugi Mba'an mban inayuk wuppunuk, mugurok nogo nogogwaarak.

Owak Loongga 3:7

It aakumi Iterali nogo nen at Aliku ALA enegen kagak maluk mban eerit nogo logonet, at Aliku inogoba Ala inee'nggot a'nuk, aakumi Kanan mendek inagugi endage Mba'an inom, inagugigwe Atiyera inom, inayuk wuppunuk, mugurok nogo nogogwaarak.