1 Endagembogut 16:21 - Ala Wone Peenok Peebi Mbanak

²¹ Ne ti eyom paga it aakumi ando nen aap Ngginat aput Tibini mippuurak yogwe, ndi, it ando nen Omiri mippuurak yogwe, eeko logonet, Iterali oolo mogonggologogwaarak.

1 Endagembogut 16:21 ပူးပေါင်းရင်းမြစ်များ

1 Endagembogut 15:25

At Ata nogo aakumi Yekura inowe endagembogut wonage kagak, tahun ambiret eeppunuk, ambi age paga at Yerobeyam aput Narap nogo, Iterali inowe endagembogut age nagagerik, Iterali wone lengganogo yorage kagak, tahun mbere eereegerak.

1 Endagembogut 15:28

At Mbayeta nen Narap warogo pereegerak nogo ti, aap Ata Yekura inowe endagembogut wonage kagak, tahun mbere eeppunuk, ambi age paga warogo pereegerak. Warogo punuk, obaane'me at Mbayeta aret inowe endagembogut agagerak.

1 Endagembogut 16:20

Ndi, at Timiri nogo aap endagembogut a'nuk wone lengganogo yorage logonet, eeke nagagerak ando inom, ndi, aap Ela wariyak nduk, oreewi inom wone mbambunuk eereegerak inom, ando abok it Iterali inoweewi inendagembogut eeko nogogwaarak liiru mbanak paga, inom liiru mbanak wonage nogo lek a?

1 Endagembogut 16:22

Mogonggologo nogogwaarik, at Omiri inom ogogwaarak nogo inomaawi tiyak yogo logonet, it Ngginat aput Tibini inom ogogwaarak nogo tebenogo piyareegwaarak aap Tibini nogo kangge mbareegi, aap Omiri nogo inowe endagembogut agagerak.

1 Endagembogut 16:29

Aap Ata nogo aakumi Yekura inowe endagembogut wonage kagak tahun 37 eeppunuk, ambi age paga aap Omiri aput Akap nogo aakumi Iterali inowe endagembogut a'nuk, o Tamariya logonet, Iterali wone lengganogo yorage kagak tahun 22 aret eereegerak.

1 Endagembogut 16:8

At Ata nogo aakumi Yekura inowe endagembogut wonage kagak, tahun 25 eeppunuk, ambi age paga at Mbayeta aput Ela nogo, aakumi Iterali inowe endagembogut a'nuk, o Tirata logonet, wone lengganogo yorage kagak, tahun mbere eereegerak.

Kini Wuppiige 28:2

Aakumi o ambime nen wone yugu nogo, “Eeriyak nineebi,” mbakwi iinok, aap inarum menggaarak ambi mi'nagak eeko menggaarak kwe, Aap inarum menggerak iniki warak logonet, eenu nen eeppiinet nage kenok perak, at unde menggim mondok nu'lek menggerak.

Yetaya 19:2

“O Metit it-it aret ogooppunuk wim eeruwak nduk eerogo piyaminggirak paga It inoweewi nen inawuri inom aret wim nambukwi, It inoreewi inom wonogwe nen inom wonogwe aret inom wim nambukwi, O kota ambi nen o kota ambi inom wim nambukwi, At ambi abu'me piinok menggim nen at ambi abu'me piinok menggim inom wim nambukwi, Eerugun o.

Matiyut 12:25

mbakwi at Yetut nen yelok iige nagagerik, it yorage logonet, “Aap inowe ambi at abu'me menggaarak inom it-it ogookko'nok ma'nogwe iigak, at abu'me piige menggim omaawi lek aret arigin o. Ndi, o kota ambi a, kunu ambi a, it-it aret ogooppunuk, mbaganggwi iinok ti, inawi ti wuum lu agan nage logogin o.