1 Endagembogut 16:18 - Ala Wone Peenok Peebi Mbanak

¹⁸ O Tirata nogo abu aret tebeneegwaarak aap Timiri nen enegen kage nagagerik, aap endagembogut awi o nggwok abe wurik ko ogoorak ambi akem time unggunuk, awi kani inom pateegerak.

1 Endagembogut 16:18 ပူးပေါင်းရင်းမြစ်များ

2 Tamuwen 17:23

Ndi, at Akitoben nen wone koonogo yoragagerak nogo eeka'lek iige nagagerik, keledai amborowak paga kwi'nagak nogo ndoonogo punuk, ti paga kwi'na'nuk, at awi alom paga kota nogome aret nage nagagerik, aaganapuri koonogo piinok, alik nen enggaanok keele yilunggolagagerak kangge mbareegi, at ogoba nggween taanak me nogome aret taambereegwaarak.

1 Endagembogut 16:17

Mippogo mbareegwa, aap Omiri nogo aakumi Iterali inom abok aret o Nggibeton mbo punuk, o Tirata nogome oonda mbaninabi unggwogogwaarak.

2 Endagembogut 15:25

Eerit nage kagak, at inom eeko menggaarak inowe ambi Eremaliya aput Peka nen wariyak oreewi inom wone mbambunuk, aap Nggileyat mendek ineebe 50 inom o Tamariya aap endagembogut awi o nggwok abe wurik ko tiyarogon ogoorak me nogome aap Pekaya nogo wako logonet, aap Arogop, Ariye inom aret inoorogo piyareegwaarak.

2 Endagembogut 9:31

at Yeku nogo o kota tu unggwogo menggam ari nage mbareegi, kwe Iteben nogo keek kunik ari logonet, “Kogoba waka kat Timiri yi, kiniki ugun wagan ilik?”

Matiyut 27:5

Yogo mbareegwa, at Yurat nen wu mbuti perak nogo Ala awi wurik me time yubunik-telenak eerogo mambege nagagerik, wundi nanuk, enggaanok keele yilunggola nage nagagerik, kambeegerak.

Owak Loongga 9:54

Telak ari mbareegi, at Abimelek nogo nen aap at awooluwak wonok nege nogo yoge logonet, “Aakumi nen, Abimelek nogo kwe nen waki o, yukwak me, kat nen mbet-mbet aret nooru o.” Yoge mbareegi, awooluwak nogo paga ndanuk togon warogo pereegerak aret kambeegerak.