1 Endagembogut 15:8 - Ala Wone Peenok Peebi Mbanak

⁸ Ndi, at Abiya nogo, ombomini kambunuk nogogwam inom yonggonggola nage mbareegi, ombomini kambunuk, piya unggwogogwam ogoba Ndawut agota nogome eebe pi unggwogo mbareegwa, obaane'me aput Ata inowe endagembogut agagerak.

1 Endagembogut 15:8 ပူးပေါင်းရင်းမြစ်များ

1 Endagembogut 14:1

Ne ti eyom paga Yerobeyam aput Abiya nogo andi eereegerak.

1 Endagembogut 14:31

Ti eeko nogogwaarik, at Erekabeyam nogo ombomini kambunuk nogogwam inom yonggonggola nage mbareegi, ombomini kambeegwaarak Ndawut agota piya unggwogogwam nogome inom pi unggwogogwaarak. At agalo ti, kwe Amon mendek endage Naama aret. Ndi, at Erekabeyam obaane'me aput Abiyam nogo inowe endagembogut agagerak.

1 Endagembogut 15:9

At Yerobeyam nogo Iterali inowe endagembogut wonage kagak, tahun 19 eeppunuk, ambi age paga at Ata nogo Yekura inowe endagembogut age nagagerik,

1 Endagembogut 2:10

At Ndawut nogo aap endagembogut age nagagerik, Iterali wone lengganogo yorage kagak, tahun 40 eereegerak. O Keboron wone lengganogo yorage kagak, tahun 7 eeke, ndi, o Yerutalem wone lengganogo yorage kagak, tahun 33 eeke, eereegerak. Eeppunuk, kangge nagagerik, ombomini kambunuk nogogwam inom yonggonggola nage mbareegi, at Agota kanggwi piya unggwogo menggam nogome eebe pi unggwogogwaarak.

1 Mbinineegwaarak 3:10

At Talomo nen aput Erekabeyam ndake, Erekabeyam nen aput Abiya ndake, Abiya nen aput Ata ndake, Ata nen aput Yotapat ndake,

1 Mbinineegwaarak 3:9

Akuwi ayeloman mini mendek wogo nogo, inaagalogwe aap linggininabulik. At apuri kumi abe wogo inaagalogwe aap mban lingginik ti aret. Ndi, at kolaga Tamat ti, wologwe ti iniriluk aret.

2 Mbinineegwaarak 14:1

Aap Abiya nogo ombomini kambunuk nogogwam inom yonggonggola nage mbareegi, aap Ndawut agota paga kanggwi iinok, piya unggwogo menggam eebe pi unggwogo mbareegwa, obaane'me aput Ata endagembogut age nagagerik, wone lengganogo yorage kagak, o ti abolok lek obeelom mban wonagagerak. Wonage kagak, tahun 10 aret eereegerak.