1 Endagembogut 15:4 - Ala Wone Peenok Peebi Mbanak

⁴ Togop aret eeke nagagerak kwe, at Ndawut eerit nage nagagerak paga, Ndawut ogoba Aliku ALA nen ndi wuninik kwak Ndawut endage o Yerutalem time ki logowak nduk, obaane'me aput wiganak mendek ambi mippege, ndi, o Yerutalem omaawi eerogo pege, eereegerak.

1 Endagembogut 15:4 ပူးပေါင်းရင်းမြစ်များ

Wakkagagerak 12:2

Time namenggendak me, Nale'nggen koba pagage logonet, Kat paga nen kanebunu nggwok wigak yuwak nduk eeppagage, Kendage nggwok aruwak nduk tiyappagage, Eeriminggirak paga Aakumi ambik obeelom eeppiige logomunggun o.

Wakkagagerak 19:29

At Ala nen o kobappaga tini Torom Nggomora imbirak pup eerogo inooreegerak nogo ti, o tini mbere Lot wonagagim nogo nippegak-wuppegak eeke logonet, wone Abarakam yoreegerak nogo abeke nagagerik, at Lot inom warukwak nduk, nggiginogo wumbereegerak.

2 Tamuwen 21:17

at kwe Teruya aagaluk Abitayi nogo nen Ndawut yeenggwaari wage nagagerik, pilak ari logonet, aap Pilitin mendek ti wareegerak. Wake mbareegi, ne ti eyom paga at Ndawut awuri nogo nen Ndawut yogo logonet, “Nit Iterali mendek ninandi noguk yukwak, kat nit ninom wim namburi wogo logorak mondok mage o, yinuk, kumbuk mbanogo yokkogo o,” yoreegwaarak.

1 Endagembogut 11:12

Ti eerigin ti, kat paga nen eerigin lek o. Ata, kogoba Ndawut niniki kunik wonagagirak me, kat kaput unde wonage kagak aret kwe, ndik togon eerogo kawot ambi mendek nogo wogorigin o.

1 Endagembogut 11:32

At Aliku ALA nen, Ti eerigin kwe, nayeloman Ndawut niniki kunik eeke, ndi, aakumi Iterali inanebunu abok aret inawi kota-kota kagak, o Yerutalem mban miirogo pake, eereegirak me, at Talomo anebunu ambit mban unde logowak nduk, teppigin o.

2 Mbinineegwaarak 21:7

At togop aret maluk eeke nagagerak kwe, Aliku ALA nen, “Ndi mondok-mondok wuninik menggi kwak, Ndawut inom, apuri-ombowologwe inom, inendage mondok-mondok ki logowak o,” yinuk, wone abuk nggaruk togon yoreegerak me, Ndawut paga wiganak nogo pup eerogo piyoorak meek mbareegerak.

Ndawi 132:17

O yime aap Ndawut nogo Endage nggwok wigak ari logowak nduk eerogo pege, An amburu eerogo mippereegirak ndi wuninik kwak At endage ki logowak nduk, eeppege,

Ndawi 18:28

Kaliku ALA wae. Nandi wuninik logowak nduk eerogo panege, An o apit paga wonage neenok, Kat nogoba Ala nen eya eerogo panege,

Ndawi 87:5

Ndi, it aakumi nen kunduk yogo logonet, “At yi, o Tiyon nda'nage, At ti kunduk, o Tiyon mban nda'nage, Eereegwaarak o,” yinuk yogwe, Ndi, “At Tiyanak Lombok Menggerak nen O ti nu'lek eerogo pigin o,” yinuk, yogwe, Eeko logogun o.

Yetaya 14:32

It eeppiyamenggaarak nogo aakumi ambi nen, Pegiya nanip o, yinuk, Yoramenggaarak it yora wogwe iinok, It nen onggo ngge yoraagun? Lek o. Aliku ALA nen o Tiyon alom kwippereegerak me, nit at apuri yagan wako nogogurak nogo O time nineebe op logowok nduk, eeppinanggerak, yorogo logogun o, yinuk, ari kagarak me, yokkiragi o,” yoragagerak.

Yetaya 37:35

At Aliku ALA nen ari logonet, An nendage maluk age, Ndi, nayeloman Ndawut nimbirak wone koonogo pereegirak nogo mbeyok ari, Eerukwak, An nen aret o kota yi, ambi age kero arum wonage, ili ari, Eeke logogin, yegerak o,” yinuk, yoreegerak.

Yetaya 62:7

O Yerutalem aa'nduk wonagagi kwak eerogo pege, It aakumi yi o ndi o abok aret nen Yerutalem tiyappuwak nduk, eeppege, Eeka'lek kagak, Kurumbi yoga'lek ugun puk logorak mage o.

Yetaya 9:7

At wone lengganogo yorage logowam nggwok wiganinuk nage, Aakumi inom lambunik iniki ugun tayenak wonogwe nogo lek aga'lek kundugu wonage, Eeke logogin o. At Ndawut paga wiganak aret me, At wone lengganogo yorage menggim mi'na'nuk, At abu'me piige menggim wone lengganogo yorage logogin o. At obeelom mban eeppiinet nage, a'me nggelok mban inawone mbangge, Eeke logomenggerak paga At abu'me piige menggim akom kwippiige, Omaawi nu'lek eerogo pege, Eerogo pege kenok, Mondok-mondok aret logogin o. At Omaawi Lombok Menggerak Aliku ALA nen, “Mondok eerikit aret,” mbarit unggwage me, aret eeke logogin o.

Yeremiya 33:2

“O nggween yi ogobakkigirogo pege, o yi nenaarogo pit nage, nggween alom kwippege, eereegerak endage Aliku ALA aret me, Aliku ALA nen an yo'nege logonet,

Matiyut 16:18

Kat Peterut aret me, yugum ti paga an napuri kuwak eeppiinok, o pogom wukkolaminggirak me, kanggwi alom nen an napuri nogo tebenogo piyaagin mondok lek o.

Yaya 8:12

Yorage nagagerik, ti'nuk, at Yetut nen aakumi ambinom yorage logonet, “Aakumi o nggween paga menggaarak eya eeginake minggirak an aret o. Kit an ninom nogwe kiinok, ineenik eeginake minggirak eya an nogo nen kiniki eya eekkinabigin me, o apit paga nogo logomunggup lek o.”

Oroma 11:28

It aakumi Iterali nogo nen “Obeelom wone woorak, nineebi o,” mbako mbareegwa, Ala inom ogoorak wonage paga kit endekem konenggulik mendek obeelom wone aret waganggo ogotik kwe, Ala nen Iterali miirinake nagagerik, it aap Abarakam inom, Itak inom, Yakup inom, eeppiyoorak wone abok yoragagerak nogo paga nen perak, inom iniki kunik wonage agaarik o.

Pelaareegerak 4:37

Kit kinanebunu inom, kinomaawi inom, ndak-ndak lek it aakumi inanebunu ambik inomaawi nggwok lombok kit kinigen kiigak mugogo wumbiinok, it menggam time yate kwak kit unde arumunggup nduk, kinombomini iniki kunik aganake nagagerik, inapuri nda'narit wundi wogogwaarak nogo miirogo piinok, at lombok omaawi ambik paga o Metit nen wogoren wundi wagagerak me, yogondak yi paga aret nggween ti unde arumunggup o.

Wayu 22:16

Kit an napuri yi awi ndi awi kuwak eerit nogo monggotak nogo, peebi eeriyak wone yi, paganogo yokkira woraawak nduk, nayonggo nege menggerak malayikat ambi nappi wagarak nogo ti, an Yetut nen aret o. O weerikit nduk eeke kagak, laaluguragan ambiret kere ari nogo pogom anebunu Ndawut paga wiganak agarip ndarak nogo an aret o,” yinuk, yo'negerak.