1 Endagembogut 15:29 - Ala Wone Peenok Peebi Mbanak

^29-30 Endagembogut a'nuk, wone lengganogo awo yorage logonet, at Yerobeyam maluk eeke nagagerak paga it aakumi Iterali abok aret maluk eeruwak nduk, eeke, ndi, Aliku Iterali inogoba Ala anini wunduwak nduk, eeke, eereegerak nogo paga, Aliku ALA nen ayeloman aap o Tilo mendek endage Akiya yoreegerak nogo ndak-ndak, aap Mbayeta nen at Yerobeyam owe-awot inapuri wiganak inom ambiriluk ambi ineenik logowak nduk teppiyoolik tigitogon lek eerogo piyareegerak.

1 Endagembogut 15:29 ပူးပေါင်းရင်းမြစ်များ

2 Endagembogut 19:25

At eerit nage ti, awo eeka'lek kagak Maan togon Aliku ALA nen punogo piige, O aa'nduk togon at eeke logorak koonogo piige, Eereegerak kwe, At liippega'lek agaarik ya? Aliku ALA nen koonogo pereegerak ti, O yogondak aret a'me nggelok ari logonet, Kota-kota yugum pak wurik me Langgunogo pegerak kalo logonak wonage,

2 Endagembogut 10:31

at Yeku nen eeko logorak Aliku Iterali inogoba Ala wone yugu nogo iniki panggombunuk, liirogon eerit noolik. Yerobeyam nen maluk eerit nage nagagerak paga Iterali maluk eerit nogo nogogwaarak nogo, at Yeku kunduk ndak-ndak eerit nage nagagerak.

1 Endagembogut 13:34

At Yerobeyam nogo nen maluk ti eerit nagagerak paga at apuri wiganak inom inendage lek arit wambi nogo logonet, o nggween paga yime nen inenggaawak mondok lek aret ogo nogogwaarak.

1 Endagembogut 15:28

At Mbayeta nen Narap warogo pereegerak nogo ti, aap Ata Yekura inowe endagembogut wonage kagak, tahun mbere eeppunuk, ambi age paga warogo pereegerak. Warogo punuk, obaane'me at Mbayeta aret inowe endagembogut agagerak.

1 Endagembogut 16:3

an nen at Mbayeta paga wiganak inom apit aret inenggaawak lek eerogo piyaakit mbakirak me, aap Nebat aput Yerobeyam paga wiganak inom lek eerogo piyareegirak kokwak, it togop aret inenggaawak lek eerogo piyaagin o.

1 Endagembogut 16:7

At Mbayeta nen Aliku ALA enegen kagak maluk ambik eerit nage paga Aliku ALA anini mbaruwak nduk, eeppereegerak kenok, aap Yerobeyam paga wiganak inom maluk eerit nogwe iinok, Aliku ALA nen inenggaawak lek eerogo piyareegerak nogo ndak-ndak, aap Mbayeta paga wiganak inom eeppiyoorak Aliku ALA nen aap Kanani aput Yeku yoreegerak nogo ndak-ndak, inenggaawak lek eerogo piyareegerak ti aret.

1 Endagembogut 16:11

At Timiri nogo abu aret endagembogut age nagagerik, wone lengganogo yorage menggim ari laganuk, aap Mbayeta owe-awot inom, oreewi inom, aap ambi yumbunogo teppiyoolik abok wundugun-naagun aret inoorogo piyareegerak.

1 Endagembogut 21:22

ndi, maluk eerit nage paga Iterali kunduk, maluk eerit nogwe iinok, nanini mbareegirak me, aap Nebat aput Yerobeyam paga wiganak inom, aap Akiya aput Mbayeta paga wiganak inom, eeppiyareegirak kokwak, Akap paga wiganak inom togop aret eeppiige, eerigin, yegerak o.