1 Endagembogut 15:26 - Ala Wone Peenok Peebi Mbanak

²⁶ At Narap nogo ogoba eerit nage logonet, maluk eeke nagagerak paga Iterali maluk eeko nogogwaarak nogo ndak-ndak, at Narap nogo togop aret Aliku ALA enegen kagak, maluk aret eerit nage nagagerak.

1 Endagembogut 15:26 ပူးပေါင်းရင်းမြစ်များ

Wakkagagerak 20:9

Inagabiti mbakwi iigak, at Abimelek nen Abarakam wiireegerak wage mbareegi, yoge logonet, “Kat nonggop eerogo pinani wagandak? An inom, it aakumi nabu'me menggaarak inom, maluk nggwok lombok eeppinani wagandak nogo ti, nit nen ngge eeppagagoorak paga maluk eeppinani wagandak? Togop eekulik kagak eeppinani wagandak.”

1 Endagembogut 14:16

At Yerobeyam nen maluk eerit nage paga it aakumi Iterali mendek maluk eerit nogwe me, Aliku ALA nen it Iterali mbo piyaagin o,” yinuk, yoreegerak.

1 Endagembogut 15:34

Inarum wonage logonet, aap Yerobeyam eerit nage nagagerak paga Iterali maluk eeko nogogwaarak nogo ndak-ndak, at Mbayeta kunduk, Aliku ALA enegen kagak, maluk mban aret eeke nagagerak.

1 Endagembogut 16:19

Aap Yerobeyam obaabut maluk logonet, eerit nage nagagerak paga it Iterali mendek abok maluk eeko nogogwaarak nogo ndak-ndak, at Timiri nen Aliku ALA enegen kagak maluk togop aret eerit nage nagagerik, o kani inom pateegerak ti aret.

1 Endagembogut 16:30

Aap Omiri aput Akap endagembogut aga'lek kagak it aakumi Iterali inoweewi inendagembogut maluk eeko nogogwaarak nogo ti, nggwok aret eeko nogogwaarak kwe, aap Omiri aput Akap perak, Aliku ALA enegen kagak maluk mondok iya lombok eeke nagagerak.

1 Endagembogut 16:7

At Mbayeta nen Aliku ALA enegen kagak maluk ambik eerit nage paga Aliku ALA anini mbaruwak nduk, eeppereegerak kenok, aap Yerobeyam paga wiganak inom maluk eerit nogwe iinok, Aliku ALA nen inenggaawak lek eerogo piyareegerak nogo ndak-ndak, aap Mbayeta paga wiganak inom eeppiyoorak Aliku ALA nen aap Kanani aput Yeku yoreegerak nogo ndak-ndak, inenggaawak lek eerogo piyareegerak ti aret.

1 Endagembogut 21:22

ndi, maluk eerit nage paga Iterali kunduk, maluk eerit nogwe iinok, nanini mbareegirak me, aap Nebat aput Yerobeyam paga wiganak inom, aap Akiya aput Mbayeta paga wiganak inom, eeppiyareegirak kokwak, Akap paga wiganak inom togop aret eeppiige, eerigin, yegerak o.

1 Endagembogut 22:52

Aap Yotapat it Yekura inowe endagembogut wonage kagak, tahun 16 eeppunuk, ambi age paga aap Akap aput Akatiya nogo, o Tamariya Iterali inowe endagembogut age nagagerik, Iterali wone lengganogo yorage kagak, tahun mbere eereegerak.

2 Endagembogut 21:11

“Aap Manate nogo it Yekura inowe endagembogut aga'lek kagak it aakumi Amori mendek nen maluk eerit wundi wogo nogogwaarak ti, nggwok aret eeko nogogwaarak kwe, at Manate perak, abunuk maluk ogole warak lombok eerit nage logonet, kugiwak ogobakkigirogo punuk, tiyappit nage paga it Yekura mendek kunduk, maluk aret eerit nogo nogogwaarak me,

2 Endagembogut 23:15

Ti eeppunuk, aap Nebat aput Yerobeyam nen Iterali maluk eeruwak nduk, eeke logonet, o Mbeten nogome inagugi inake warogo wogoragak mippereegerak inom, puut paga inagugi inake wogorogo menggam inom, minogo punuk, inagugi inake warogo wogorogo menggaarak ogobakkigirik nogo kani kungge nagagerik, yigirogo wun negen eerogo pege, kugigwe Atitoret ageyo arelen yinik nogo kani kungge, eereegerak.

2 Endagembogut 3:3

at Nebat aput Yerobeyam nen maluk eerit nage nagagerak paga Iterali maluk eeko nogogwaarak nogo, at mbo puulik inom aret eerit nage nagagerak.

Wundeegwaarak 32:21

Wogorage nagagerik, Muta nen Karun mberege logonet, “It aakumi yi nen nano eeppagagwi iinok, it maluk nggwok lombok eeruwak nduk, E, yagandak?”

Yeremiya 32:35

It inapurilogwe wologwe inom, komologwe inom, kugi Molok ake inoorogo kani kunggo logowok nduk, inagugi Mba'an ake warogo wogogo logowam o Mben-Kinom Kobappaga time tiyarogon ogobakkigirogo pugwi, eereegwaarak. It ti eeruwak nduk, an nen wone lengganogo yorage, It ogole warak ti mendek eekwi iinok, aakumi Yekura maluk eerugun kagi, yinuk, mbake, mondok eerulik o,” yinuk, yo'nereegerak.

Oroma 14:15

Kinoreewi nen, “Noorak lek,” mbakwi iigak, kit nunggwi paga iniki andi eerogo piigwi kiinok, “Inoreewi inabuwa mbaka'lek nunggwi iigo,” kinombarugun o. Togop me, kinoreewi nogo ti, Keritut it togon inake kambeegerak aret me, kit nunggwi paga maluk eerogo piyoorak ti mage o.

1 Tamuwen 2:24

Kit eerit nugwi paga Aliku ALA apuri nen, Nit maluk togop aret eerit nogo logowok o, yinuk, wiganit nogwe konenggirak me, Togop ambinom eerugup o, napuri!