1 Endagembogut 15:21 - Ala Wone Peenok Peebi Mbanak

²¹ Tebenogo piinet wogogwaarak nogo, at Mbayeta nen konengge nagagerik, o Arama omaawi eerogo pit nage nogo teppunuk, o Tirata ari nanuk, time aret wonagagerak.

1 Endagembogut 15:21 ပူးပေါင်းရင်းမြစ်များ

1 Endagembogut 14:17

Yoge mbareegi, at Yerobeyam akwe nogo mi'nage nagagerik, o Tirata agagerak. Nage nagagerik, awo arungga paga iyok pi unggwage kagak, aagaluk nogo aret kambeegerak.

1 Endagembogut 15:17

it Iterali inowe endagembogut Mbayeta nogo nen it Yekura inom wim eerikit nduk, Yekura inowe endagembogut Ata inarum menggim nogome yinggwi-unggwogwe eekwi iyo, o Arama nogome omaawi eerogo pereegerak.

1 Endagembogut 16:23

Ti agagerak nogo ti, aap Ata nogo it Yekura inowe endagembogut wonage kagak, tahun 30 abu eeppunuk, ambi age paga at Omiri nogo it Iterali inowe endagembogut age nagagerik, wone lengganogo yorage kagak, tahun 6 eeke, ndi, ame Tirata logonet, Iterali wone lengganogo yorage kagak, tahun 6 eeke, eereegerak. Ndi, lambuk togon ti, tahun 12 aret Iterali wone lengganogo yorage nagagerak.

1 Endagembogut 16:6

At Mbayeta nogo, ombomini kambunuk nogogwam inom yonggonggola nage mbareegi, at eebe o Tirata kanggwi piya unggwogo menggam nogome pi unggwogogwaarak. Pi unggwogo mbareegwa, obaane'me aput Ela endagembogut aret agagerak.

2 Mbinineegwaarak 16:5

Tebenogo piinet wogogwaarak nogo, at Mbayeta nen konengge nagagerik, o Arama omaawi eerogo pit nage nogo tayoppunuk, nage kagak,

Ndawi Iya 6:4

Kat ti, kota Tirita kwak abu kigirikwe nore abu aberogon wonage, Kota Yerutalem kwak keebe abu amini mbanak tawe wonage, Eerak me, Aap ineegin warak nen ndiimbu ogop mendaarak ineenggime wonok nogwe iinok, “Wi,” irogo mengga kwak, Keebe togop aret keenok, “Iya,” yinuk, pi wakkake agarik o.