1 Endagembogut 15:17 - Ala Wone Peenok Peebi Mbanak

¹⁷ it Iterali inowe endagembogut Mbayeta nogo nen it Yekura inom wim eerikit nduk, Yekura inowe endagembogut Ata inarum menggim nogome yinggwi-unggwogwe eekwi iyo, o Arama nogome omaawi eerogo pereegerak.

1 Endagembogut 15:17 ပူးပေါင်းရင်းမြစ်များ

1 Endagembogut 12:26

Eeke nagagerik, aap Yerobeyam nogo inikime mban mbake logonet, “O yogondak yi paga it aakumi yi, o Yerutalem Aliku ALA awi wurik me ake warogo wogori nogo logomenggaarik, it Yekura mendek inowe endagembogut Erekabeyam nogo, Ninowe endagembogut aret logowako, yinuk, an nooppunuk, at ka nogwe iinok, it aakumi an nabu'me piinok wonage minggim yi, Ndawut ombooluk abu'me ari nagun mbaki,”

1 Endagembogut 15:27

Maluk eerit nage kagak, aap Itakat paga wiganak mendek Akiya aput Mbayeta nogo nen at Narap wariyak oreewi inom wone mbangge nagagerik, aap Narap nogo it Iterali mendek abok aret inom aakumi Pilitin inawi kota Nggibeton oonda mbani unggwogwe me, at Mbayeta nen Narap nogo warogo pereegerak.

Yeremiya 31:15

Aliku ALA nen yegerak nogo yi aret. “O Arama time nen iniki abu puru aago logonet, leenggu maake, Oone nggwok paga ai-ao ari, Eeke konenggaarak nogo ti, Kwe Araken aagalogwe ineebe lek agaarak me, Le mbannaburak mondok neebi o, mbake logonet, Inale ari ti aret,” yegerak o.

Yeremiya 41:9

At Netaniya aput Itimayen nogo nen aap Nggeraliya wake logonet inom inoorogo piyareegerak ineebe abok aret niyo nggween kabunik me mbo wuppiyareegerak nogo ti, aap endagembogut Ata nogo nen aap Iterali inowe endagembogut Mbayeta awuri inom inoori unggwogwe iyo, o maan nggween nggwok kabunogo pereegim nogome aret aakumi inoorak nogo time yagabit eerogo wuppiyareegerak.

Yotuwa 18:25

ndi, kota Nggibeyon, Arama, Mbeerot,

1 Tamuwen 15:34

Warogo pege nagagerik, Tamuwen nogo o Arama nage, ndi, at Tawun nogo ame o Nggibeya nage, eereegwaarak.