1 Endagembogut 14:6 - Ala Wone Peenok Peebi Mbanak

⁶ Yoreegerak wonage me, aap Akiya nen kwe nogo, iyok oone agan awo tungga paga ungguurak nduk eeke konengge nagagerik, kwe nogo yoge, “Yerobeyam akwe yi wae. Kat nonggop nduk, kwe alik negen eeppatinuk wagan o? Mbet unggwi omok o!” Yoreegerak unggwi wage mbareegi, yoge logonet, “Wone aaninggin mendek yoru, yo'negerak kenok, an yokkiri o.

1 Endagembogut 14:6 ပူးပေါင်းရင်းမြစ်များ

1 Endagembogut 14:2

Eeke mbareegi, Yerobeyam nen akwe nogo yoge, “It aakumi nen, Yi at Yerobeyam akwe, yelok kwaakkeegwi iyo, kayum-kenete nobakko'nok, oroti 10 worarak inom, kuwe inom, nggiin amburu togolowa'na toolak inom, wagangge logomenggendik, It aakumi Iterali inowe kendagembogut arumunggun o, yo'nereegerak aap Ala nen yoge kagak yoraga Akiya o Tilo wonage me, pekka nak o. Pekka nage keenok, wulaga Abiya yi nonggop arigin nogo yokkege kaamunggun o.”

1 Endagembogut 14:5

Nage kagak, Aliku ALA nen aap Akiya yoge logonet, “At kwe Yerobeyam akwe ti, aagaluk wulaga andi eekerak kenok, yogop-ndogop yorenok nduk, kwe alik mbaruwak eeppunuk, keya wage agaarik o,” yoreegerak.

1 Endagembogut 14:7

At Aliku Iterali inogoba Ala yegerak nogo, aap Yerobeyam yori nanok nduk, yokkiri o. Aakumi Iterali inenggela'me nen an napuri Iterali inarum logowak nduk, at Yerobeyam mippege nagarik,

1 Endagembogut 20:42

Kage mbareegi, at nen aap inowe endagembogut nogo yoge, “At Aliku ALA nen wone yegerak nogo yokkiri o. Aap an wariyak mbakirak kagak, warulik teppegerak me, obaane'me at aret wake, ndi, at awuri ineegin warak inobaane'me at awuri ineegin warak ti aret inooke, eerigin, yegerak me, yokkigi o,” yinuk, yoreegerak.

1 Endagembogut 22:8

Yoge mbareegi, it Iterali inowe endagembogut nen onggo Yotapat yoge logonet, “Ninake Aliku ALA yoriyak aap Yimila aput Mika wonage kwe, Wone yo'niru o, yoge neenok, at wone obeelom yo'nege lek maluk mban yo'nege kage me, aap ti mondok neebi o.” Yoge mbareegi, at Yotapat nen, “Kat kendagembogut aret me, togop yugun o.”

Ayup 5:13

Iniki ngget paga maluk eeriyak koonggwi nogo, Awo koonggwi iigak, nggerok togon wagangge, Iniki penenak paga koonggwi nogo, Melak togon lek aruwak nduk eeppiige, Eeke kenok,

Ndawi 33:10

Yi aakumi ndi aakumi eeriyak koonogo pegaatak nogo At nen lek eerogo pege, It aakumi inanebunu lombok nen, “Ndogop eeruwok,” mbakwi nogo At nen non mbanogo piige, Eeke menggerak kwe,

Kini Wuppiige 21:30

“Aliku ALA tebenogo puwok o,” yinuk, aap iniki warak nogo nen at yogwi, Aap yelok kaga nen, Wone ndogop yogwi niinok, “E o,” yuurak yelok kagarak me yogwi, Aap wone koongga nen iniki liirogon koombunuk yogwi, Eeremenggaarak kwe, meek aret kaagun o.

Marakut 14:21

An aap aret nda'nagagirak nogo, an eeriminggirak nabok wone liiru mbaneegerak nogo ndak-ndak aret arigin kwe, at nooruwak nduk aakumi yoraagin ti perak, abuwa o! Eebe nda'nariyak lek mendek, nda'nagagerak o,” yinuk, yoragagerak.

Iberani 4:13

Nit aakumi inom, yi mendek ndi mendek ogobakkigirik inom, abok aret at Ala enegen kage menggerak me, ambit-ambi at enegen neega'lek me nduk, kumaa'nariyak abu meek o. At enggaanom paga yi mendek ndi mendek abok aret kin paga wonage me, at abok aret enegen kage menggerak o. Togop aret me, nit eeko monggoorak nogo ambi kumaappugun lek abok aret mbininogo at yorugun o.

1 Tamuwen 15:16

Yoge nogo at Tamuwen konengge nagagerik, Tawun yoge logonet, “Koone puk aru! Oonikiya paga at Aliku ALA wone yo'negerak nogo yokkiri o.” Yoge mbareegi, “Yu o,” yoreegerak.

1 Tamuwen 15:26

Yoreegerak kwe, at Tamuwen nen Tawun yoge, “Kat Aliku ALA oone mbo pegendak paga at Aliku ALA nen aakumi Iterali inowe kendagembogut logorak lek mbo pagagerak me, kat an nimbirak noorak mondok lek o,” yoreegerak.

1 Tamuwen 28:18

At Aliku ALA anini kani kunik negen age logonet, Aakumi Amalek mendek ndogop inoba piyaagin o, yinuk, koonogo yokkereegerak nogo konengga'lek mbo pereegindak ti paga Aliku ALA nen o yogondak eeppagage yi aret o.