1 Endagembogut 14:4 - Ala Wone Peenok Peebi Mbanak

⁴ Yoge mbareegi, at Yerobeyam akwe wone yoreegerak nogo ndak-ndak eeke nagagerik, at Akiya nogo, abu anggok a'nuk, enegen ogut agagerak yi mendek ndi mendek enegen koorak meek, ame o Tilo wonage me nagagerak.

1 Endagembogut 14:4 ပူးပေါင်းရင်းမြစ်များ

Wakkagagerak 27:1

At Itak nogo abu aret anggok age nagagerik, enegen ogut agagerak logonet, at aput manggu Etawu nogo wiireegerak wage mbareegi, yoge logonet, “Naput Etawu wae.” Yoge mbareegi, “Yu o, nogoba.”

Wakkagagerak 48:10

At Iterali nogo aakelo age logonet, enegen ogut agagerak me, yi mendek ndi mendek enegen kaga'lek aret wonage kwe, at Yutup nen at apuri wogoren Iterali owagam piya wage mbareegi, panggeppiinok, inagandin eyak mbaninabeegerak.

1 Endagembogut 11:29

Mippege mbareegi, o ne ti eyom paga at Yerobeyam nogo o Yerutalem nen wundi nage me, aap Ala nen yoge kagak yoraga awi Tilo mendek endage Akiya nen ayum nggorek ngget mendek yi'nuk tu paga wage imbirak abuk a'nuk, o aakumi lek me inalik wonogo logonet,

1 Endagembogut 14:2

Eeke mbareegi, Yerobeyam nen akwe nogo yoge, “It aakumi nen, Yi at Yerobeyam akwe, yelok kwaakkeegwi iyo, kayum-kenete nobakko'nok, oroti 10 worarak inom, kuwe inom, nggiin amburu togolowa'na toolak inom, wagangge logomenggendik, It aakumi Iterali inowe kendagembogut arumunggun o, yo'nereegerak aap Ala nen yoge kagak yoraga Akiya o Tilo wonage me, pekka nak o. Pekka nage keenok, wulaga Abiya yi nonggop arigin nogo yokkege kaamunggun o.”

Ndawi 90:10

Nit ndarak nineenik niigak tahun eeriyak ti, Tahun 70 aret kwe, Ninomaawi ee'ninake kenok perak, Ndarak niigak tahun 80 aret age menggerak o. Ti ee'ninake paga ninale'nggen mbarumonggoorak kwe, Aaninggin-paaninggin ninoba kwi'nage, Anggon-panggon ee'ninabit unggwage, Eeke kagak, Nda'nogogurak mbet-mbet lek ari nanuk, Nineenggi-niniyok lek aret, lek ogo monggoorak.

Wone Alom Kibingga 12:3

It o arum menggaarak nogo inaganak lele yaga'lek kagak, Aap inomaawi ambik kwe, inamborowak yomongga'lek kagak, Kumi anggen yigika nogo ineebe mbereeret me, yigika'lek puk ariyak eyom aga'lek kagak, Pugagi ambe mbanak me, inigen pekkoorak yumaak aga'lek kagak,

Pelaareegerak 34:7

At Muta nogo ndarak kagak tahun seratus dua puluh aret eereegerak kwe, omaawi lek age, enegen ogut age, eeka'lek aret kagak kambeegerak.

Yotuwa 18:1

Aliku ALA nen nggween wogoragagim tebenggo'nok wonogo logonet, aakumi Iterali wonogwe abok aret o Tilo paga kuwak eeko nogogwaarik, Ala inom lambungge menggim awooliya nogo mippereegwaarak kwe,

1 Tamuwen 3:2

Aap Eli nogo abu anggok enegen ogut agagerak me, ne ambi oonikiya paga nogo yege menggim nogome nogo yege,