1 Endagembogut 14:22 - Ala Wone Peenok Peebi Mbanak

²² It aakumi Yekura mendek inombomini maluk nggwok aret eeko nogogwaarak paga Aliku ALA eebi mbake logonet, iniki laakot inombake nagagerak kwe, it inombowologwe mendek yi perak, Aliku ALA enegen kagak maluk mondok iya lombok aret eeko nogogwaarak.

1 Endagembogut 14:22 ပူးပေါင်းရင်းမြစ်များ

1 Endagembogut 14:9

At endagembogut awo aga'lek kagak it aa'nduk inendagembogut ogogwaarak nogo nen maluk eeko nogogwaarak ti, nggwok aret eeko nogogwaarak kwe, at perak, abunuk maluk mondok alik negen eerit nage logonet, At iniki wakkolaawak, nombake nagagerik, ambokan mbo paninuk, nobaane'me kugi inogut mbuti paga ogobakkigippatinuk, alut eerit nage agaarik o.

1 Endagembogut 16:30

Aap Omiri aput Akap endagembogut aga'lek kagak it aakumi Iterali inoweewi inendagembogut maluk eeko nogogwaarak nogo ti, nggwok aret eeko nogogwaarak kwe, aap Omiri aput Akap perak, Aliku ALA enegen kagak maluk mondok iya lombok eeke nagagerak.

2 Endagembogut 17:19

it Yekura kunduk, Aliku inogoba Ala nen, Yogop ee'nu ndogop ee'nu, wone yugu nogo taganogo mbo punuk, it Iterali maluk eeko nogogwaarak nogo eerit nogo nogogwaarak.

2 Endagembogut 21:11

“Aap Manate nogo it Yekura inowe endagembogut aga'lek kagak it aakumi Amori mendek nen maluk eerit wundi wogo nogogwaarak ti, nggwok aret eeko nogogwaarak kwe, at Manate perak, abunuk maluk ogole warak lombok eerit nage logonet, kugiwak ogobakkigirogo punuk, tiyappit nage paga it Yekura mendek kunduk, maluk aret eerit nogo nogogwaarak me,

2 Mbinineegwaarak 12:1

It Iterali nen aap Erekabeyam inowe endagembogut mippogo mbareegwa, wone lengganogo yorage kagak, at abu'me piinok wonage me omaawi age, endage tiyak ari, eeke kagak, at inom, Iterali abok inom, eeko logorak Aliku ALA nen yoragagerak liiru mbanak nogo mbo pereegwaarak.

2 Mbinineegwaarak 12:14

At Erekabeyam nogo nen, “Aliku ALA mugurok nage logokit o,” yinuk, iniki nggaruk togon koonulik me, maluk aret eerit nage nagagerak.

Ndawi 78:58

Ala anini mbake kagak, Puut-puut paga warogo wogorogo logorak ogobakkigikwi, “Inogoba nalik aret neegak eekwi yi, neebi o,” Mbake kagak inagugiwak ogobakkigirogo punuk alut eekwi, Eeko nogogwaarak.

Yeremiya 52:2

Aap Yoyakim nogo maluk eeke nagagerak ndak-ndak, at Terekiya nen Aliku ALA enegen kagak maluk eeke nagagerak.

Yeremiya 7:26

an yorage nogo inaruk konenggwi, iniki liippugwi, eeka'lek inogogumbuk logonet, inombomini maluk eeko nogogwa kwak lek it yogondak wonogwe yi, abunuk nggwok lombok eeko menggaarak,” yegerak me, yokkiragi o.

1 Korindut 10:22

Nit ninowe anini eeppuurak op mbakop? Nit ninomaawi ambik, ndi, at omaawi lek mbakop? Lek aret o.

Owak Loongga 3:12

Ti'nuk peebi nen, it Iterali mendek nogo Aliku ALA enegen kagak maluk ambinom eerit nogwe iinok, at Aliku ALA nen aap Mowap mendek inowe endagembogut Egolon nogo, aakumi Iterali mendek tebenogo piyaawak nduk, omaawi eeppege mbareegi,

Owak Loongga 3:7

It aakumi Iterali nogo nen at Aliku ALA enegen kagak maluk mban eerit nogo logonet, at Aliku inogoba Ala inee'nggot a'nuk, aakumi Kanan mendek inagugi endage Mba'an inom, inagugigwe Atiyera inom, inayuk wuppunuk, mugurok nogo nogogwaarak.

Owak Loongga 4:1

Aap Ekut kangge mbareegi, it aap Iterali mendek nen Aliku ALA enegen kagak maluk ambinom mban eerit nogo mbareegwa,