1 Endagembogut 14:20 - Ala Wone Peenok Peebi Mbanak

²⁰ At Yerobeyam nogo Iterali inowe endagembogut logonet, wone lengganogo yorage kagak, tahun 22 eeke nagagerik, ombomini kambunuk nogogwam inom yonggonggola nage mbareegi, obaane'me aput Narap inowe endagembogut aret agagerak.

1 Endagembogut 14:20 ပူးပေါင်းရင်းမြစ်များ

1 Endagembogut 11:43

Eeke nagagerik, ombomini kambunuk nogogwam inom yonggonggola nage mbareegi, ogoba Ndawut agota kanggwi piya unggwogo menggam nogome eebe pi unggwogogwaarak. Pi unggwogo mbareegwa, obaane'me at aput Erekabeyam inowe endagembogut aret agagerak.

1 Endagembogut 14:19

At Yerobeyam nogo endagembogut logonet, wone lengganogo yorage nagagerak inom, wim eeke nagagerak inom, ando abok ti, it aakumi Iterali inoweewi inendagembogut eeko nogogwaarak liiru mbanak nogo paga inom liiru mbanak wonage o.

1 Endagembogut 14:21

Aap Talomo aput Erekabeyam nogo ndarak kagak tahun 41 age paga aakumi Yekura inowe endagembogut age mbareegi, at Aliku ALA nen endage ki logowam aakumi Iterali inawi kota-kota abok aret wonogwe iigak, at leenogo pereegim kota Yerutalem nogome logonet, it Yekura mendek wone lengganogo yorage kagak, tahun 17 eereegerak. At agalo ti, kwe Amon mendek endage Naama aret.

1 Endagembogut 2:10

At Ndawut nogo aap endagembogut age nagagerik, Iterali wone lengganogo yorage kagak, tahun 40 eereegerak. O Keboron wone lengganogo yorage kagak, tahun 7 eeke, ndi, o Yerutalem wone lengganogo yorage kagak, tahun 33 eeke, eereegerak. Eeppunuk, kangge nagagerik, ombomini kambunuk nogogwam inom yonggonggola nage mbareegi, at Agota kanggwi piya unggwogo menggam nogome eebe pi unggwogogwaarak.

2 Mbinineegwaarak 13:2

o Yerutalem logonet, it Yekura wone lengganogo yorage kagak, tahun kenagan eereegerak. At agalo nogo ti, aap Nggibeya mendek endage Uriyen apuluk kwe Mikaya aret. Ne ambi paga aap Abiya Yerobeyam imbirak wim nggagambunuk,

2 Mbinineegwaarak 13:20

Tebenggolage nagagerik, at Abiya endagembogut wonage kagak, at Yerobeyam endage tiyanak wonagagi kwak logolik, endage lek aret agagerak wonage me, Aliku ALA nen warogo pege mbareegi, kambeegerak.

Ayup 14:12

Aakumi winna'nuk, ti'nuk, mi'nogolik o. Aakumi winnagaatak nogo ineenik ogwe, Nogo yugwi me ineenik eeppiigwi, Eeka'lek iigak, Mbogut nogo lek ari nagin o.

Ndawi 3:5

An nogo yikit nduk winnage, ti'nuk, neenik age, Eeke neegak, Kaliku ALA nen niniki eyak wappanege menggendak o.

Ndawi 4:8

Togop aret me, Kaliku ALA wae. Niniki ugun tayenak logokit nduk, Kat nen mban eeppanege menggendak me, Niniki ugun aret winna'nuk nogo yege logogin o.