1 Endagembogut 13:4 - Ala Wone Peenok Peebi Mbanak

⁴ Aap Ala wone liirogon eeka nen warogo kani kunggak ogobakkigirik o Mbeten yoge nogo, aap endagembogut Yerobeyam aruk konengge nagagerik, warogo kani kunggak eenggi pippunuk wonagagerak nogo, yungguk togon aap nogo titik ege logonet, “Aap ti pigaanip o,” ari kagak, eenggi titik ari nogo mbuuluk arit unggwage logonet, mbaro-mbaro eerogo pereegerak me, yunggukkoorak mondok meek aret agagerak.

1 Endagembogut 13:4 ပူးပေါင်းရင်းမြစ်များ

Wakkagagerak 19:11

Tu nggelok togon nappogo nogogwaarik, it aap endekem oonggu'me wonogwe nogo aap tawe inom, aap inanggok inom, abok tigitogon inigen mbuk eerogo piigo mbareegwa, tungga nogo inigen abu kaga'lek aret wonogogwaarak.

1 Endagembogut 12:29

Yorage nagagerik, tapi ogut ogobakkigirik ambi o Mbeten pi nage, ndi, ambi o Ndan pi nage, eereegerak.

1 Endagembogut 13:3

Ne ti eyom paga mban aap Ala wone liirogon eeka nogo nen ineenu agak ambi eeriyak nduk ari logonet, “Aliku ALA nen, Ineenu agak eerigin, yegerak nogo yi o. Warogo kani kunggak ogobakkigirik ti, yangguk ari logonet, wun a'nggan yumbu-yumbu wambigin, yegerak o,” yinuk, yoreegerak.

1 Endagembogut 13:5

Ndi, at Aliku ALA nen ineenu agak eeriyak aap Ala wone liirogon eeka yoge kagak, yoreegerak nogo ndak-ndak, warogo kani kunggak ogobakkigirik nogo kunduk yangguk ari logonet, wun nogo a'nggan yumbu-yumbu wambeegerak.

1 Endagembogut 22:27

Aap endagembogut nen, Aap yi keele maarogo mambiigo menggam time mambogo logomenggaarik, oroti inom, niyo inom, mbuuluk wogoremenggaarak ti mban nengge kagak, an obeelom aret woroorak kuli ari nawak, yegerak, yoraamunggup nduk, eebe pigaanip o.”

2 Mbinineegwaarak 16:10

Aap abinggaanggo kaga nen wone yoreegerak paga at Ata anini lombok age nagagerik, eebe keele maarogo mambiigo menggam mambereegerak. Mambege nagagerik, ne ti eyom paga mban anini nen it aakumi ando aaninggin mondok alik negen inoba piyareegerak.

Ndawi 105:15

“It aap an nen leenogo piinok, amburu kilippiyareegirak yi, kineenggi mbaaniigwi, It aap an yorage neegak yoraga yi, Maluk eerogo piigwi, eerugup o,” yinuk, yorage, Eereegerak.

Matiyut 25:40

Yo'nogo mbaremengga, an nendagembogut nogo nen it nogo yorage logonet, Lek o. Kit nen an nawuri maluk-malak eeginabeegutak nogo ti, an aret ee'nabeegutak o, yinuk, abet aret yokkiragi, yoraagin o.

Matiyut 26:57

Kole mbaganggo mbareegwa, it Yetut pigaganeegwaarak nogo nen eebe wonok aap Ala unde inowe nggwok Kayapat owagam it aap Ala wone liiru mbanak unde inom, it Yakuri inogobamini inom, kuwak eerak wonogwe me, nogogwaarak.

Lukat 6:10

at enegen pegiinet nage nagagerik, aap nogo yoge logonet, “Keenggi nggingget o.” Yoge mbareegi, ngginggage nagagerik, eenggi abu obeelom aret agagerak.

Yaya 13:20

Kit ambi nen it an nappiya wage minggirak nogo wogonakwi kiinok, an aret wo'nakwi, ndi, an wo'nakwi kiinok, at nappani wagagerak nogo aret waganggwi, eeko logomunggup o, yinuk, mondok abet aret yokkiragi o,” yoragagerak.

Yaya 18:6

“Ti an aret o,” yorage mbareegi, inakom niruk nogo logonet, nggween paga ngginnarit nogogwaarak.

Wayu 11:5

It aap mbere ti, inambeme nen kani wunuk agan wundi wage logonet, it inom ogoorak wonogwe nogo inooko menggaarak me, “Aap mbere ti, inooruwi o,” yinuk, inooriyak nduk eekwi iigak, it inambeme nen kani wunuk agan wundi wage logonet, it inooriyak eekwi ineebe nogo kani wunuk togon nunggwi iigirak o.