1 Endagembogut 13:18 - Ala Wone Peenok Peebi Mbanak

¹⁸ Yoge mbareegi, aap anggok Ala nen yoge kagak yoraga nogo nen wone pilit aret yoge logonet, “An kunduk Ala nen yo'nege kagak yoraga kat pogom aret me, Aliku ALA ayonggo malayikat nappi wagaarak nogo nen an yo'nege logonet, Aap ti, oroti inom, niyo inom, nawak nduk wonok kame kimbirak nak, yo'negerak o.”

1 Endagembogut 13:18 ပူးပေါင်းရင်းမြစ်များ

Wakkagagerak 27:24

ambinom kin wakkage logonet, “Kat abet Etawu aret ilik?” yoge mbareegi, at Yakup nen, “Ebi, an aret o.”

Wakkagagerak 3:13

Yoge mbareegi, at Aliku Ala nen kwe nogo yoge, “Kat nonggop nduk togop eekendak?” Yoge mbareegi, at kwe nogo nen, “At waalo nen nambokan laganogo yo'nege mbaki, mbanogo ninggirak o,” yoreegerak.

1 Endagembogut 13:19

Yoge mbareegi, aap Ala wone liirogon eeka nogo imbirak iniyokan at ame nogo nogogwaarik, mbi inom, niyo inom, nunggugwaarak.

1 Endagembogut 20:35

Aap Ala nen yorage kagak yoraga inenggela'me nen ore ambi yoge logonet, “At Aliku ALA nen, Kooruwak o, yinuk, yo'negerak me, Nooru o,” yoreegerak kwe, warulik teppereegerak.

1 Endagembogut 22:22

Yoge mbaki, at Aliku ALA nen at kugi nogo yoge, Nano paga nduk-nduk irit namunggun o? Yoge mbaki, at kugi nogo nen, At eeriyak wone aap endagembogut yoga nogo nen pilit wone yogo logowak nduk, an wambi nage logominggirik, inikime lik yit nagin o. Yoge mbaki, Aliku ALA nen, Togop eeke keenok, nduk-nduk irit namunggun aret me, eeri nak, yoge kagarak o.

Kini Wuppiige 12:19

Inoone abet mban agan nugwi ti, mondok aret wonage menggerak kwe, Inoone pilit agan nugwi perak, ne ambiriluk wonagaatik, lek age menggerak.

Kini Wuppiige 12:22

Inoone pilit agan nugwi ti, Aliku ALA eebi lombok inombake menggerak kwe, Inoone abet mban agan nugwi iinok perak, inikilom inombake menggerak.

Kini Wuppiige 19:5

Aap ambi eeke enegen kegetak kwe, piliret, “Eeke koolik o,” ari nogo ti, onggo oba arigin lek ti lek, oba aret age, Ndi, aap ambi oone pilit mban pugunit nege kenok kunduk, onggo eeppigin lek lek, aret eeppege, Eerigin o.

Yetaya 36:10

Ndi, o ti, oba kwi'nari unggunuk, pup eerogo puurak nogo, At Aliku ALA yoga'lek kagak eerigin, nombake agaarik ya? At Aliku ALA lombok nen, O ti oba kwi'nari unggwage logomenggendik, pup eerogo punu o, yinuk, yo'negerak me, yokkiragi o,” yinuk, yoragagerak.

Yetaya 9:15

Inanobak kwak ti, aap inoweewi inom, aap inengga warak inom, ti aret. Ndi, inakom kwak ti, Ala yorage kagak yoraga kwe, pilit pugunogo mamuninaka ti aret.

Yeremiya 23:14

Ndi, it an yorage neegak yoraga Yerutalem mendek inamineeri ne agan noorak mendek eerit nugwi iyareegerak ti, Aap akwe mbo punuk, ugun eerit nege menggi kwak, Ninogoba Ala o, yogwe kwe, inobaabut alik eerit nugwi, It aap maluk eeko menggaarak nogo inomaluk mbo punuk, obeelom eekwi iyo, iniki omaawi eerogo piinet nugwi, Eekwi iyareegirak mban me, It togop eerit nugwi nogo ti, o Torom kwak wonogwe, It o Yerutalem wonogwe nogo it o Nggomora mendek kwak wonogwe, Eerak aret agaarik,” yegerak o.

Yeremiya 23:17

It aakumi an noone koneniyak ineebi mbaka nogo yorogo logonet, Aliku ALA nen, Kineebe op aret logomunggup, yegerak o, yinuk, yorogwe, Ndi, it aap inogogumbuk nen koonggwi mugurok nogwe nogo yorogo logonet, Aaninggin mendek kit kinoba ari woraagin lek o, yinuk, yorogwe, Eeko menggaarak me, It yorogwe ti, inoone inaruk konenugwaarik o.

Yeremiya 23:32

Aliku ALA nen ari logonet, “It aap, Nabi ndogop kagarak o, yinuk, pilit agan nugwi ti kunduk, neebi mbake minggirak. Wone yoraawak nduk, an nen lengganogo yorage, an nen nappiige, eerulik kwe, wone yuurak lek mendek kagak inoone ugun-ugun pilit agan nogo logonet, Nabi ndogop kagarak o, yinuk, yoranet nugwi paga it an napuri nomoniren nogo menggaarak me, it aap ti, aakumi yi, obeelom ambi eeppiyoorak lek kagak we aanom warogo agan nugu menggaarak,” yegerak o.

Yeremiya 29:31

“Kat nen wone agago it aap kugun wogo mendek wonogwe me abok aret nappiyoorak nogo yi aret. At Aliku ALA nen aap o Nekelam mendek endage Temaya eeppuurak yegerak nogo yi o. An nen nappulik kagak at nen pilit wone it abet mbaruwak nduk, Ala nen yegerak o, yinuk, yorage nagagerak me,

Yeremiya 29:32

Naliku ALA nen, Aap Nekelam mendek endage Temaya ti nen, Aliku ALA ari nogo woorak, Nineebi, mbako logonip o, yinuk, yorage nagagerak paga, at inom, at paga wiganak inom, aaninggin abet aret inoba kwippiyaagin me, it aap inanobak ti mendek ambi it inenggela'me time iigak, an napuri obeelom eeppiyaagin nogo, inigen kaagun abu lek aret o, yinuk, Aliku ALA nen aret yegerak me, Wone yogop yegerak o, yinuk, wone eerogo nappiyet o,” yinuk, yoreegerak.

Yeremiya 5:12

It aakumi ti nen Aliku ALA eeppiige menggerak kagak pilit pugunogo alik agan nugu logonet, “At nen ambi eeppinanigin lek aret o. Nit aaninggin ninoba kwi'nage, wooluwak ninoba age, mbi noogelo ninoba age, Eerigin lek o.

Yeremiya 5:31

It aap an nen wone yorage neegak yoraga nogo nen, Ndogop eeke kaamunggup o, yinuk, we pilit pugunit nugwi, It aap an neebe unde nogo nen it iniki mbakwi mban mamuninabit nugwi, Ndi, it ti eekwi nogo it an napuri kunduk, inikilom mbako logonet konenggwi, Eekwi ti aret me, O age yobok panggoni wage kenok it nano eerugun o?” yinuk, yegerak me, yokkiragi o.

Yetikiyen 13:22

An nen iniki aaninggin eeppiiga'lek neegak, it pilit pugunit nogwe paga aap iniki abe koonak nogo, iniki aaninggin ndugu eerogo piinet nogwe, ndi, it aap maluk eeka nogo, it maluk eerit nugwi mbo punuk, inagap ndakkologwe iyo, iniki nomonogo piigwi, eeko nogogwaarak me,

Yetikiyen 13:8

Togop aret me, Naliku Nitok Minggirak an ALA nen it yoroorak nogo yi aret. It pilit wone yogwe, piliret, Nabinggaanggo kagarak o, yorogwe, eekwi paga an ninom ogookkolagagirak wonage agarik o, yinuk, Naliku Nitok Minggirak an ALA nen aret yagi o.

Linggineegwaarak 22:35

Yoreegerak kwe, at Aliku ALA ayonggo malayikat nogo nen Mbileyam yoge, “It aap keya wagaarak ti, kinom noorak op aret kwe, an yokkege neenok mban yoraamunggun o.” Yoge mbareegi, at Mbileyam nogo Mbalak awuri nogo inom aret wogogwaarak.

Matiyut 24:24

It ando nen we piliret, Keritut nogo an aret o, ndi, Ala nen yo'nege kagak yokkiraga mendek ti, an aret o, yinuk, agan wogo logomenggaarik, it aakumi ugun iniki nomoninakwi, ndi, it Ala apuri miirogo leeninabeegerak nogo, iniki nomoninaburak op kaamun ilik? yinuk, nomoninakwi, eeruwok nduk, inagabiti warak mendek inom, eerubok mendek inom, eeremenggaarak kwe, it agan woraagun ti, kiniki abet mbarubok o.

Matiyut 7:15

Yorage nagagerik, ambinom yorage logonet, “It aap Ala wone pilit pugunogo yokkirogo menggaarak nogo nen kinambokan laganggwi iyo, tum wako logonip o. It aap ti, inetenggen ndomba enete negen kunggo'nok kinowagam wogwe kwe, iniki ti, mba'ngge anini warak pogom wonogwe o.

Oroma 16:18

It aap togop eerit nugu menggaarak mendek nogo ti, ninowe Keritut ayeloman logonet, ake eerit nugwi lek o. Ata, inaanogum ake mban kwaarit nogo logonet, “Yogop eeruwok, ndogop eeruwok,” yinuk, inoone yanggorogon amburu ndik-ndik paga pilit pugunogo it aap iniki ugun mendek nogo inambokan laganit nogo menggaarak me, kinom ogoorak aret logonip o.

2 Korindut 11:3

Waalo oone amburu ndik-ndik kwe Kawa yoge logonet, at ambokan laganeegerak pogom, it aap alik nen inoone amburu ndik-ndik yokkirogwe iinok, “Keritut oone mban konenggo logowok o,” yinuk, abet aret miireegutak nogo mbo punuk, nomonggiren nogwe iyo, nagabiti mbake logonet, yokkirage agarik o.

Nggalatiya 1:8

Togop me, nit obeelom wone yaga ambi nen ilik, it mbogut paga nugu menggaarak malayikat ambi nen a, wone aa'nduk yokkirogogurak waganeegutak nogo kagak, alik ambi yokkira wogwe iinok ti, Ala nen pulunogo piyamenggerak aret kambuwak o.

1 Timotiyut 4:1

At Aberiniki nen kin paga ari logonet, “O age yobok kuli paga it aap ando nen aakumi inambokan laganuwok nduk, pilit pugunogo yorogwe, Ibilit nen yorage kagak mamunirogwe, eekwi wone nogo liippunuk, mugurok nogo logonet, Ala wone abet mbareegwaarak nogo kobak eerogo mbo aret pugun o,” yinuk, ari menggerak.

1 Timotiyut 4:2

It aap wone ti mendek agan nugwi nogo ti, aakumi inambokan laganuwok nduk, pilit pugunogo yorogo menggaarak aret. Ninagabolo togum agaatak me, kani nengge kagak andi lek menggi kwak, it aap ti, inikime togop aret me, wone yoragaatak kwe, konengga'lek inogogumbuk aret menggaarak o.

2 Peterut 2:1

Maan aa'nduk it aap wone pilit pugunogo yorogo menggaarak mendek nogo nen aakumi Iterali inenggela'me unggwi wogo nogogwaarik, pilit pugunogo yorogo nogogwaarak nogo ndak-ndak, peebi it aap ti mendek nogo nen, kit maluk eerogo pinagawok nduk kinenggela'me unggwi woraagun o. Ndi, unggwi wogo logomenggaarik, aakumi ambik iniki nomoninabuwok nduk, yi wone ndi wone abe mendek lek kagak, pilit pugunogo kinikime manabit wogo logonet, “At amiya paga ninonggo mbaneegerak Aliku ninowe Yetut aret o, yinuk, yogwe nogo ti, nit nineenggo'lek o,” yinuk, agan wogo logomenggaarak paga abera'lek me, Ala nen it inenggaawak lek eerogo piyaagin o.

1 Yaya 4:1

Noreewi niniki kunik yi wae. “Aberiniki nen yo'nirage kenok, yokkira wogo o,” yogwe iinok, inoone abet mba'nuk ugun woorak mage o. It pilit wone yoraga nogo nen yi awi ndi awi abok aret yoranet nugwi me, “At Ala nen abet aret nappiya wagaarak agan wogwe ilik, it iniki koombunuk nen agan wogwe a?” yinuk, inabut mbambunuk inoone konenggo logomunggup o.

Wayu 19:20

Ti eekwi iigak kwe, at nggeewo anini warak aa'nduk lagi wagaarak eebe nogo inom, ndi, it aakumi inenggaawak paga nggeewo aa'nduk lagi wagaarak endage liiru mbanak wonok nugwi, at ogut eerak nogo alut eekwi, eeruwak nduk, awone kilirik paga inagabiti warak mendek eerit nage logonet, inambokan lagangge menggerak nggeewo peebi lagi wagaarak eebe nogo inom, imbirak ineenik ngge-ngge pigogo kani omoonuk wunuk mban ari menggim nogome nappiige kagarak.

Owak Loongga 13:3

Wonage me, Aliku ALA ayonggo malayikat ambi kwe nogo wonage me, kin ari wage nagagerik, yoge logonet, “Kat kwe yi, kaagaluk ndaka'lek wubili abet aret wonage kwe, kabila age logomenggendik, kaagaluk aap aret ndarumunggun o.