1 Endagembogut 12:24 - Ala Wone Peenok Peebi Mbanak

²⁴ At Aliku ALA nen ari logonet, Aakumi Iterali ando ti, it mendek aret me, inom wim namburi noorak abu mage o. Wone yi agaarak nogo ti, an nen aret eerogo piigirak me, inalitak lombok iname nawak, yegerak, yora nak o,” yinuk, yoreegerak nogo yora nage mbareegi, konembunuk, Aliku ALA nen wone lengganogo yoragagerak ndak-ndak aret iname nogogwaarak.

1 Endagembogut 12:24 ပူးပေါင်းရင်းမြစ်များ

Wakkagagerak 24:50

Yorage mbareegi, it Laban Mbetuwen imbirak nen yogo logonet, “Wone arit wagaarak yi abok aret ti, at Aliku ALA nen mban koonit wagaarak me, nit nen wone maluk-obeelom ambi kat yokkirugun mondok lek o.

1 Endagembogut 12:15

It aakumi nen aap endagembogut wone yogwi liippega'lek wonagagerak nogo ti, Aliku ALA nen eerit nogwe nogo, ena koonogo pege logonet, aap Tilo mendek Akiya yoge mbareegi, aap Nebat aput Yerobeyam yoreegerak nogo, a'me nggelok yuwak nduk, wone ti, liippega'lek aret wonagagerak.

1 Endagembogut 12:25

Ti'nuk, aap Yerobeyam nogo nen o Eparayim puut nggelok-nggobok me kota Tikem nogome omaawi eerogo punuk, wonagagerik, wundi nanuk, kota Penuwen kunduk omaawi eerogo pereegerak.

1 Endagembogut 14:30

Erekabeyam Yerobeyam imbirak wim mondok-mondok kunik aret eeko nogogwaarak.

2 Mbinineegwaarak 11:4

Aliku ALA nen ari logonet, It aakumi Iterali ando ti, inoreewi it mendek aret me, inom wim namburi noorak abu mage o. Wone yi agaarak nogo ti, an nen aret eerogo piigirak me, inalitak lombok iname nawak, yegerak, yora nak o,” yinuk, yoreegerak nogo yora nage mbareegi, konembunuk, aap Yerobeyam inom wim eeri noolik Aliku ALA nen wone lengganogo yoragagerak ndak-ndak aret iname nogogwaarak.

2 Mbinineegwaarak 22:7

At Akatiya nen aap Yoram pekka nage eyom ti paga Ala nen enggaawak lek eerogo puurak kooneegerak me, aap Akatiya nen aap Yoram pekka nage nagagerik, aap Akap akuwi-apuri inom, owe-awot inom, inenggaawak lek eerogo piyaawak nduk, Aliku ALA nen amburu eerogo mippereegerak Yeku nogo wage me, inom lambunuwok nduk, at Akatiya Yoram imbirak wundi woraanuk, wogwe me,

2 Mbinineegwaarak 25:10

Yoge mbareegi, at Amatiya nen it ineegin warak o Eparayim nen at inom wim eeriyak nduk wogogwaarak nogo, iniyokan iname nappiige mbareegi, inanini agaket aap Yekura mendek inombarit inanini kani omoonuk negen eerit iname nogogwaarak.

Oteya 8:4

An, Eo, yaga'lek neegak, inoweewi inendagembogut mippiigak eekwi, An nen, Op aret o, yinuk, mbaka'lek neegak, it inoweewi nagawan-nagawan leenogo piigwi, Eeko menggaarak o. Ndi, inambuti perak paga, inambuti emas paga, inagugi ogut eerogo mippako menggaarak ti paga ineebe lek eerogo pako agaarik o.

Linggineegwaarak 14:42

At Aliku ALA kinom namunggup lek mbo pinagagerak me, kit kinawim nen wundi wogo logonet, tebenogo pinagukwak, nagup o.

Owak Loongga 14:4

Timoton akwe ti mendek koloorak nogo ti, it aakumi Pilitin mendek nen Iterali mendek inabu'me tebembiirogo wonogwe iinok, at Aliku ALA nen ti paga, “Yilimbunuk, inoorikit,” mba'nuk, eeke kagak, agalo-ogoba ineenggo'lek me, yoreegwaarak.