1 Endagembogut 12:18 - Ala Wone Peenok Peebi Mbanak

¹⁸ Ti'nuk, aap endagembogut Erekabeyam nogo nen aap Aroram oone omaawi paga yabu lengganinake logorak mippereegerak nogo, it Iterali iniki yanggoninabuwak nduk, nappege mbareegi, it aakumi Iterali nen yugum paga wareegwaarak aret kambeegerak. Warogo punuk, aap endagembogut Erekabeyam wariyak nduk eeko mbareegwa, mbaganit woroorak meek aret kwe, kagak, mbet-mbet aret anggweendo paga lagangge nagagerik, mbaganit o Yerutalem wagagerak.

1 Endagembogut 12:18 ပူးပေါင်းရင်းမြစ်များ

2 Tamuwen 20:24

aap Aroram ti, aap yabu eeriyak oone omaawi paga lengganogo yorage, aap Akilut aput Yotapat ti, Ndawut ame nogome wone ambi age kenok liiru mbangge,

1 Endagembogut 4:6

At Akitat ti, aap endagembogut awi o nggwok abe wurik arum wonage, Ndi, at Abara aput Aroniram ti, it aap yabu eekwi oone omaawi paga wone lengganogo yoraga wonage, eeko nogogwaarak.

1 Endagembogut 5:14

Leenogo piyareegerak nogo yabu eekwi iigak, tut ambit penengge, ndi, iname wa'nuk wonogwe iigak, tut mbere penengge, eeko logowak nduk, ineebe sepuluh ribu mban nappiigak eeke nagagerak. Ti eekwi iigak, oone omaawi paga lengganogo yorage logorak inowe Aroniram aret mippereegerak.

2 Mbinineegwaarak 10:18

Ti'nuk, aap endagembogut Erekabeyam nogo nen aap Karoram oone omaawi paga yabu lengganinake logorak mippereegerak nogo, aakumi Iterali iniki yanggoninabuwak nduk, nappege mbareegi, it aakumi Iterali nen yugum paga wareegwaarak aret kambeegerak. Warogo punuk, aap endagembogut Erekabeyam wariyak nduk eeko mbareegwa, mbaganit woroorak meek aret kwe, kagak, mbet-mbet aret anggweendo paga lagangge nagagerik, mbaganit o Yerutalem wagagerak.

2 Mbinineegwaarak 24:21

Wone ti yoragagerak paga, “Waruwok o,” yinuk, iniki ambit eeppunuk, aap endagembogut yogo mbareegwa, “Wariyak aret o,” yorage mbareegi, Aliku ALA awi wurik oore'nggam taati aret yugum paga warogo pereegwaarak.

Wundeegwaarak 17:4

Yogo mbareegwa, Muta nen Aliku ALA yoge, “It aakumi yi, yugum paga nooriyak eekwi me, it inake an nonggop eeppiya o?”

Amot 2:16

It aap wim kalu-kalu mondok wakaa'ngget aret wonogwe kwe, ne ti eyom paga inagabeewak nggonenak mbaganugun o, yinuk, Aliku ALA nen wone yi abok aret yegerak me yokkiragi o,” yinuk, yoragagirak.

Linggineegwaarak 14:10

Yorogo mbareegwa, it aakumi Iterali mendek abok nen it aap ineebe mbere nogo yugum paga inooriyak nduk wone mbanggwi iigak, Aliku ALA inom lambungge menggim awooliya wurik nogo paga abinak pindanogo pege kogogwaarak.

Nappiigak 5:26

Yorage mbareegi, aap Ala awi wurik inarum menggaarak inowe awuri inom nen it nappiigak nogo wogonabi nogo nogogwaarik, “Aakumi nogo nen yugum paga ninookwi iyo,” nduk, inagabiti nen inoorulik enaani aret wogoren wogogwaarak.