1 Endagembogut 12:16 - Ala Wone Peenok Peebi Mbanak

¹⁶ It aakumi Iterali abok aret nen aap endagembogut yoreegwaarak nogo, koneniyak eebi mbake kogo nogogwaarik, aap endagembogut nogo yogo logonet, “At Ndawut nen nit ambi eeppinanege, Aap Itayi aput nen nineyate wo'nirage, Eerigin lek aret me, Aakumi Iterali yi wae. Kinalitak lombok kinawooliyana nogwe, Ndi, kit Ndawut apuri-ombowologwe yi wae. O yogondak kinobaalombok koonggologwe, Eeko logonip o,” yinuk, it Iterali mendek iname nogogwaarak.

1 Endagembogut 12:16 ပူးပေါင်းရင်းမြစ်များ

2 Tamuwen 15:13

Aap ambit-ambi wone wonok Ndawut owagam wage nagagerik, yoge logonet, “Aap Iterali mendek abok aret Abatalom inom ariyak mban mbako agaarik o.”

2 Tamuwen 16:11

Yorage nagagerik, at Abitayi inom, at awuri inom yabu eeko menggaarak inom, yorage logonet, “Napuluk nen kwe, nooriyak ari me, at aap Mbeniyamin mendek yi, nooriyak ari paga iya mbarugup o. Aliku ALA nen togop yogerak paga nen pulunogo panege kagak yukwak, teppinip o.

2 Tamuwen 20:1

Ti eekwi eyom paga aap Mbeniyamin mendek Mbikiri aput ndugwi iyak wuka endage Teba, time wonage me, at nen oone nggwok eeka trompet nogo, oone pu eeke nagagerik, wone ari logonet, “At Ndawut nen nit ambi eeppinangge, Aap Itayi aput nen nineyate wo'nirage, Eerigin lek aret me, Aakumi Iterali yi wae. Kinalitak lombok kinawooliyana nanip o.”

1 Endagembogut 11:11

Anini oba punuk, yoge logonet, “Wone lengganak inom, wone ninom koonogo pereegurak nogo inom, kat liirogon woppunuk eerulik kobaabut maluk logonet, yokkereegirak taganggendak me, kabu'me piinok wonage menggenom nogo, An unde logokit, mbake keegak, ndik togon eerogo kinom eeke menggendak kawot ambi wogorigin o.

1 Endagembogut 11:13

Wogoriyak nogo ti, kaput abu'me piinok wonage menggim ti, abok aret ndinogo wogorigin lek o. Ata, nayeloman Ndawut niniki kunik eeke, ndi, o Yerutalem miirogo pake, eereegirak me, anebunu ambiriluk ambi at porogo wonage kagak, inanebunu Iterali mendek abok aret kawot ambi unde logowak nduk, wogorigin o,” yinuk, yoreegerak.

1 Endagembogut 11:34

Togop aret eerigin kwe, at abu'me piinok wonage menggim abok aret eenggime nen ndinigin lek o. An miireegirak nayeloman Ndawut, Yogop ee'nu ndogop ee'nu, wone yugu inom, eeko logorak wone yugu inom, liirogon eeke nagagerak paga Talomo kangga'lek eenik awo wonage kagak wone lengganogo yorage logorak mippereegirak me, mbet-mbet ndinigin lek o.

1 Endagembogut 11:35

Ata, ndi wuninik menggi kwak nendage time mondok-mondok ki logorak miireegim o Yerutalem nenggaanom paga an nayeloman Ndawut endage ki logowak nduk, at Talomo kangge kagak aput obaane'me mi'naremenggerak nogo, anebunu ambiret unde wonage kagak, eenggime nen inanebunu 10 nogo ndinogo kat wokkirigin o.

1 Endagembogut 11:39

Ndi, at Talomo maluk eerit nage paga Ndawut ombowologwe tebenogo piyaagin kwe, mondok-mondok tebenak logogun lek, yegerak o,” yinuk, yoreegerak.

1 Endagembogut 22:17

Yoge mbareegi, at Mika nogo nen wone onggo yoge logonet, “Ndomba inanggembala lek pogom it aakumi Iterali mendek abok aret puut-puut paga mak aago wonogwe iige mbaki, Aliku ALA nen ari logonet, It aakumi ti, inogoba lek me, iniki ugun inalitak lombok iname nayok ari, kagarak o,” yinuk, yoreegerak.

1 Endagembogut 22:36

Oonegen kilu yi nage kagak, it aap ineegin warak nogo nen, “Wologwe wae. Ninowe endagembogut wakaarak me, ninawi kota lombok nogwe, niname lombok nogwe, eeruwok o,” yinuk, noone-koone agan iname wogogwaarak.

2 Mbinineegwaarak 10:16

It aakumi Iterali abok aret nen aap endagembogut yoreegwaarak nogo, koneniyak eebi mbake kogo nogogwaarik, aap endagembogut nogo yogo logonet, “At Ndawut nen nit ambi eeppinanege, Aap Itayi aput nen nineyate wo'nirage, Eerigin lek aret me, Aakumi Iterali yi wae. Kinalitak lombok kinawooliyana nogwe, Ndi, kit Ndawut apuri-ombowologwe yi wae. O yogondak kinobaalombok koonggologwe, Eeko logonip o,” yinuk, it Iterali mendek abok aret iname nogogwaarak.

Ndawi 132:17

O yime aap Ndawut nogo Endage nggwok wigak ari logowak nduk eerogo pege, An amburu eerogo mippereegirak ndi wuninik kwak At endage ki logowak nduk, eeppege,

Ndawi 76:10

Kat kanini aakumi inoba piige nogo, Aakumi inigen kenok, kendage tiyappugwi iigak, Kanini ando nogo ti, kagabee'le kwak yikkolage menggendak o.

Kini Wuppiige 15:1

Wone onggo yanggorogon ari paga at anini wungge nogo tebenogo pege menggerak kwe, Oone omaawi paga wone onggo ari kenok perak, anini nogo abunuk mi'nage menggerak.

Yetaya 7:17

O Eparayim nen Yekura inom ogookkologo mbareegwa, Aliku ALA nen aaninggin inoba piyareegerak kuli nen o yogondak kuli aaninggin inoba piigulik mendek ambi kat inom, aakumi inarum menggendak inom, kogoba paga wiganak mendek inom, kinoba pinagagin o. Kinoba pinagarak nogo ti, it aap Atiyut mendek inowe endagembogut nen aaninggin kinoba kwippinagi woraawak nduk, yorigin o.

Yetaya 7:2

Meek aret age mbareegi, aakumi Aram nen it Eparayim inom lambunna'nuk time inawooliya wuppatinuk wonogo mbareegwa, aakumi nen at Ndawut paga wiganak nogo yora nogogwaarak. Yora nogo mbareegwa, aap Akat apuri inom inaruk konembunuk, o wiya wake logonet, eyo wonok na-wa eeke menggi kwak, inaganak wareegerak.

Yeremiya 33:21

an nen nayeloman Ndawut nimbirak wone koonogo pugwi, it an nenggaanom paga nake eeka Lewi mendek ninom wone koonogo pugwi, eereegurak nogo lek eerogo punuk, at Ndawut wone lengganogo yorage menggim at paga wiganak lek aap alik mendek ambi nen wone lengganogo yorage logorak meek aret o.

Yetikiyen 37:16

“Aakumi nen ndarak yi wae. Kat nen eyo mbanak ambi wagangge logomenggendik, At Yekura inom, Iterali mendek at inom ogogwaarak nogo inom, inake o, yinuk, eyo ti paga liiru mbanogo pege, ti'nuk, eyo alik ambi wagangge logomenggendik, Eyo yi ti, Eparayim mendek me, at Yutup inom, Iterali mendek at inom ogogwaarak nogo inom, inake o, yinuk, eyo ti paga liiru mbanogo pege,

Marakut 3:24

It aap inabu'me menggaarak it-it ogooppunuk ma'nogwe kenok ti, it inabu'me piigo menggam nogo omaawi logogun lek o.

Lukat 19:14

Yorage nagagerik, nagagerak. Nage kagak, it at abu'me menggaarak nen at ineebi lombok ombako logonet, Kat yi, ninowe kendagembogut a'nuk, ninarum logorak nineebi o, yinuk, yori nawak nduk, inawuri nappiyareegwaarak.

Lukat 19:27

Ndi, it ninom ogoorak logonet, At ninowe endagembogut a'nuk, ninarum logorak, Nineebi o, yagaarak nogo perak, wogoret wogo logomonggotik, nenegen neegak, inoo'nip, yoragagerak o,” yinuk, Yetut nen aakumi nogo yoragagerak.

Yaya 13:8

Yoge mbareegi, at Peterut nen, “Kat nen an niyok koo'naburak mondok lek o.” Yoge mbareegi, at Yetut nen, “An kiyok kookkaburak lek kenok, kat an noone waganggwi nogo mendek logorak lek aret o.”

Owak Loongga 8:35

ndi, at Yeru-Mba'an, endage ambi Nggireyon nogo nen, it Iterali abu obeelom togon eeppiige nagagerak kwe, apurilogwe nogo, “Wa,” yinuk, obeelom eeppiyoorak op kagak mari eerogo piigwi, eereegwaarak.

Owak Loongga 9:28

Pulunogo pogo logonet, aap Ebet aput Nggaan nogo nen, “Aap Abimelek inom, it aap Tikem mendek inom, ti taani me, nduk, nit inabu'me logorak mbakop? At Abimelek nogo ti, Yeru-Mba'an apuluk nogo lek a? Ndi, at obaane'me wone yaga nogo ti, aap Tebun nogo lek a? Togop aret me, at Tikem ogoba aap Kemot mendek inabu'me logorak op aret kwe, aap Abimelek abu'me nit nonggop togon logorak?