1 Endagembogut 12:13 - Ala Wone Peenok Peebi Mbanak

^13-14 it Iterali inoweewi nen, “Yogop yoraamunggun o,” yoreegwaarak nogo aap endagembogut Erekabeyam nogo nen mbo punuk, it aap tawe nen yoreegwaarak nogo aret oone omaawi paga yorage logonet, “Eyo aaninggin tapi uut paga kwippunuk, wonok nugwi nogo kokwak, nogoba nen aaninggin kinoba pinagareegerak nogo ti, teeluk negen aret kwe, an nen aaninggin abunuk nggwok lombok kinoba pinagage, ndi, nogoba nen muun ya'mbiran nggora eerogo kinooke nagagerak kwe, an nen perak, poondo alok paga ngguurik-ndaganak eerogo kinooke, eeke logogin o,” yinuk, yoragagerak.

1 Endagembogut 12:13 ပူးပေါင်းရင်းမြစ်များ

Wakkagagerak 16:6

Yoge mbareegi, at Abaram nen akwe Tarayi yoge logonet, “Kayeloman ti, kat kabu'me aret wonage me, kat nen eeppuurak mbakendak nogo ti aret eeppu o,” yoge mbareegi, at Tarayi nogo nen oone andiigwi mban yogak eeke mbareegi, at Agat nogo kole mbaganeegerak.

Wakkagagerak 42:30

“At aap o Metit unde menggerak nogo ka nogo mbako, Kit o yime nonggop kaamun? nduk, yombooni wogotak kiigi o, yinuk, nggaganagalo negen eeppinaninuk, oone panggok togon yo'nirage mbaki,

Wakkagagerak 42:7

At Yutup nen oweewi aret wogwe yelok iyareegerak kwe, aakumi inambik negen a'nuk oone panggok togon kin wogiige logonet, “Kit ngga nen wogotak?” Yorage mbareegi, it nen, “Nit o Kanan nen mbato koba onggo mbanuwok nduk wogo o.”

2 Tamuwen 19:43

Yorogo mbareegwa, it Iterali mendek nen wone onggo Yekura mendek nogo yorogo logonet, “Kit kineebe ambit paga nen wiganak. Ndi, nit nineebe 10 paga nen wiganak nogo lek a? Aap endagembogut ti, nit ninaput korotok aret me, nonggop nduk nit meek agago pinanggo ogotik? Nit aa'nduk lombok yogo logonet, Aap endagembogut ti, iyokan wonok pi woraawok o, yinuk, yogoorak nogo lek a?” yinuk, yorogogwaarak kwe, it Yekura mendek nogo inoone omaawi lombok me, it Iterali yogwe nogo taganogo pereegwaarak.

1 Endagembogut 12:12

Ndi, aap endagembogut nen, “Nogo kenagan yinuk, ko'lu neya woraabagip o,” yoragagerak nogo ndak-ndak, nogo kenagan yinuk, ko'lu aap Yerobeyam inom, it aakumi Iterali abok aret inom, nen aap Erekabeyam ka wogo mbareegwa,

Wundeegwaarak 10:28

Muta yoge logonet, “Kat kenggaawak keyoorak abu neebi me, wundi nak o! Ndi, peebi nen nowagam wage keenok, mondok koorigin o.”

Wundeegwaarak 5:2

Yogo mbareegwa, Pirawun nen ari logonet, “Aliku ALA ti, ta me nduk at oone konembunuk it Iterali ti nappiyoorak yogop? Aliku ALA ti, an abu neenggo'lek o. Ndi, aakumi Iterali nawak nen teppiyaagin mondok lek mban.”

Kini Wuppiige 10:11

Aap iniki abe koonak inoone agan nugwi ti, aakumi ineenik logorak alom it aret menggaarak kwe, It aap maluk mendek kenok perak, aakumi maluk eeppiyoorak inikime kumaarak kagak inoone paga mban abe-abe agan nugu menggaarak o.

Kini Wuppiige 10:32

Aap iniki abe koonak nen aakumi inale'nggen mbariyak wone ineenu logonet, agan nogo menggaarak kwe, It aap maluk mendek perak, pilit wone yuurak mban ineenu logonet, agan nogo menggaarak o.

Kini Wuppiige 13:20

Aap ambi nen aap iniki warak imbirak kunggolage kenok, at iniki warak aret age, Ndi, aap ambi nen aap wi negen imbirak kunggolage kenok perak, at eebe aret maluk eekkolage, Eeko menggaarak.

Kini Wuppiige 15:1

Wone onggo yanggorogon ari paga at anini wungge nogo tebenogo pege menggerak kwe, Oone omaawi paga wone onggo ari kenok perak, anini nogo abunuk mi'nage menggerak.

Kini Wuppiige 18:23

Aap eenggi lek nogo nen, “Nabuwa ket o,” yinuk, yoranet nege menggerak kwe, It aap ineenggi warak nogo nen perak, wone onggo panggok togon yorogo menggaarak.

Wone Alom Kibingga 10:12

Aap iniki warak nen inoone yogwe ti, aakumi koneniyak inikilom mbako menggaarak kwe, Aap iniki lek wi nen agan nogwe paga perak, it ineebe aret lek eerogo pako menggaarak.

Wone Alom Kibingga 2:19

Aap nobaane'me arigin ti, iniki warak ilik, iniki lek wi a, neenggo'lek kwe kagak, oonegen abu'me logonet ligak wuundamo eereegirak inom, niniki warak logonet eerit nage nagagirak inom, abok aret at nen aret unde arigin me, ti kunduk, we aanom warogo mban aret eeriyak kagagirak.

Yakobut 3:17

At agi iniki warak menggerak nogo nen koonogo pinanege nogo ti, nit kikak naka'lek obeelom mban wonogwe, ugun logowak nduk, “Mage,” yorogwe, niniki yanggonak paga yorogwe, yo'nirogwe iinok, “E o,” yinuk, eekwi, aakumi inabuwa nen obeelom eeppiigwi, eyoonggen abe yi'nage menggi kwak, nit togop aret obeelom eerit nugwi, aap ambi obeelom eeppugwi, ambi maluk eeppugwi, eeka'lek ndak-ndak eeppiigwi, niniki laakot logonet yoraga'lek abe paga mban yorogwe, eeko logowak nduk, ee'ninake menggerak aret o.

1 Tamuwen 20:10

Yoge mbareegi, at Ndawut nen Yonatan yoge logonet, “Kat kogoba yoremenggendak wone onggo, oone omaawi yokkege kenok, ta nen an yo'nirigin o?”