1 Endagembogut 12:11 - Ala Wone Peenok Peebi Mbanak

¹¹ An nogoba obate ti, nggwok aret kwe, mbuuluk negen. An neenggi anopa yi perak, nggwok lombok me, eyo aaninggin tapi uut paga kwippunuk, wonok nugwi kokwak, nogoba aaninggin kinoba pinagareegerak nogo ti, teeluk negen aret kwe, an nen aaninggin abunuk nggwok lombok kinoba pinagage, nogoba nen muun ya'mbiran nggora eerogo kinooke nagagerak kwe, an nen perak, poondo alok paga ngguurik-ndaganak eerogo kinooke, eerigin, yoraanu o,” yinuk, yoreegwaarak.

1 Endagembogut 12:11 ပူးပေါင်းရင်းမြစ်များ

1 Endagembogut 12:10

Yorage mbareegi, it aap inom ndak-ndak tawe ogogwaarak nogo nen at yogo logonet, “Eyo aaninggin tapi uut paga kwippunuk, wonok nugwi kokwak, kogoba nen aaninggin ninoba pinaneegerak nogo, teeluk eerogo pinanu o, yinuk, yokkugwi nogo wone yogop yoret o.

1 Endagembogut 12:12

Ndi, aap endagembogut nen, “Nogo kenagan yinuk, ko'lu neya woraabagip o,” yoragagerak nogo ndak-ndak, nogo kenagan yinuk, ko'lu aap Yerobeyam inom, it aakumi Iterali abok aret inom, nen aap Erekabeyam ka wogo mbareegwa,

2 Mbinineegwaarak 16:10

Aap abinggaanggo kaga nen wone yoreegerak paga at Ata anini lombok age nagagerik, eebe keele maarogo mambiigo menggam mambereegerak. Mambege nagagerik, ne ti eyom paga mban anini nen it aakumi ando aaninggin mondok alik negen inoba piyareegerak.

Wundeegwaarak 5:18

yogondak aret yabu eeri nanip! An wiiringga wokkiraagin mondok lek me, kinalik nen kwaarogo, Ne ambi paga yugum yi kuli worariyak, yugu nogo ndak-ndak aret worako logonip o,” yinuk, yoragagerak.

Wone Alom Kibingga 10:16

Kat o yi wae. Kat kowe endagembogut ti, it aakumi ugun inaput wonage, It karum menggaarak nagawan-nagawan nen kubondendok kagak laago lappunuk, nunggo logonet, ugun-ugun eekwi, Eekwi iinok, kat kabuwa o!

Yetaya 58:6

It aakumi maluk eerulik iigak mbutigeele maarogo piigaarak nogo piinogo piigwi, Tapi eyo aaninggin inuut paga piigo mengga kwak it aakumi togop eeppiinok wonogwe nogo piinogo wumbiya wogwe, It aakumi tebembiinok wonogwe nogo wondet eerogo piigwi, Aaninggin-paaninggin inoba wonage nogo teeluk eerogo piigwi, Eeriyak nogo ti, Aakumi inambe mage negen logonet eeko logorak koonogo pereegirak ti aret nogo lek a?

Yeremiya 27:11

It aakumi ambi mendek nen eyo tapi inuut paga pogo mengga kwak, Aap Mbaben inowe endagembogut aaninggin ninoba pinanege ti kagak piyanggo logowok o, yinuk, oone konembunuk eekwi iinok perak, it inanggween paga time teppiyaminggirak wonogo logonet, ineyabu waganogo yakko'net nogo logogun o, yinuk, Aliku ALA nen inogobamini yora nawak nduk, Yoret, yo'negerak me, yokkiragi o,” yinuk, nappiyareegirak.

Yetikiyen 2:6

Aakumi nen ndarak kat yi wae. It ineebe paga inom, inoone yokkugwi paga inom, kagabiti mbake, An muun alok inom, nggonggoondu alok inom, enggela'me wonage, nggitamuru awi mbanak me wonage, eeke agarik, mbarumunggun kwe, kagabiti mbake, it an yorage ineebi mbaka mendek aret me, it inoone yogwe paga kagabiti mbake, kiniki ma'nage, eerubok o.

1 Tamuwen 8:18

Aap endagembogut mippumonggotak nogo nen aaninggin-paaninggin togop aret eeppinagit wage ti eyom paga kit nen Aliku ALA yogo logonet, Aap endagembogut mippogoorak nogo nen yogobi eeppinanege me, yeenggwa niret o, yorumonggotak kwe, kinoone at Aliku ALA konenigin mondok lek aret mbako logonip o,” yinuk, yoragagerak.