1 Endagembogut 12:10 - Ala Wone Peenok Peebi Mbanak

¹⁰ Yorage mbareegi, it aap inom ndak-ndak tawe ogogwaarak nogo nen at yogo logonet, “Eyo aaninggin tapi uut paga kwippunuk, wonok nugwi kokwak, kogoba nen aaninggin ninoba pinaneegerak nogo, teeluk eerogo pinanu o, yinuk, yokkugwi nogo wone yogop yoret o.

1 Endagembogut 12:10 ပူးပေါင်းရင်းမြစ်များ

1 Endagembogut 12:11

An nogoba obate ti, nggwok aret kwe, mbuuluk negen. An neenggi anopa yi perak, nggwok lombok me, eyo aaninggin tapi uut paga kwippunuk, wonok nugwi kokwak, nogoba aaninggin kinoba pinagareegerak nogo ti, teeluk negen aret kwe, an nen aaninggin abunuk nggwok lombok kinoba pinagage, nogoba nen muun ya'mbiran nggora eerogo kinooke nagagerak kwe, an nen perak, poondo alok paga ngguurik-ndaganak eerogo kinooke, eerigin, yoraanu o,” yinuk, yoreegwaarak.

1 Endagembogut 12:9

“Eyo aaninggin tapi uut paga kwippunuk, wonok nugwi kokwak, kat kogoba nen yabu aaninggin ninoba pinaneegerak nogo, teeluk eerogo pinanu o, yo'nugwi yi, wone onggo ngge yoroorak mbakop? Yoroorak nogo yo'ninip o.”

Kini Wuppiige 10:14

Aap iniki warak nogo nen yi wone ndi wone ineenu a'nuk porogo menggaarak kwe, Aap iniki lek wi inoone agan nugwi paga perak, it aret maluk eerogo pako menggaarak o.

Kini Wuppiige 28:25

Aap, “An mban kolaakit,” mbaka nen wone wariyak eerogo piinet nage menggerak kwe, Aap ambi iniki Aliku ALA oba panggombunuk wonage kenok perak, amendek ambik aret age menggerak.

Kini Wuppiige 29:23

Aap iniki tiyappatit nage nogo aap nen tebenogo pogo menggaarak kwe, Aap iniki tebenak wonage kenok perak, endage tiyappogo menggaarak.

Yetaya 47:6

It an napuri nanini inoba piige, Yate kwak niniki kundugu kwe, maluk eerogo piige, Eeke logonet, waganogo keenggime piige mbareegi, kat nen inabuwa mbaka'lek aaninggin inoba piige, Aap inanggok kunduk, eyo mbanak tapi enggaanok me kwippogo mengga kwak, aaninggin mondok iya inoba kwippiige, Eereegindak o.