1 Endagembogut 11:7 - Ala Wone Peenok Peebi Mbanak

⁷ Eeke logonet, it Mowap mendek inagugi ogole warak Kamot inom, it Amon mendek inagugi ogole warak Molok inom, inaanggo warogo wogoragak o Yerutalem oonegen lagi wage menggim pa'nggwe puut paga time ogobakkigirogo pi nage,

1 Endagembogut 11:7 ပူးပေါင်းရင်းမြစ်များ

Wakkagagerak 33:2

it kumi mbere ayeloman nogo inaagalogwe inom inaa'nduk piige, ti'nuk, Leya aagalogwe inom it inambo'me piige, ndi, Araken aagaluk Yutup imbirak inambo'me peebi lombok piige, eereegerak.

2 Tamuwen 15:30

Ndi, at Ndawut nogo iyok ogut nggoorogo pege, ayum anobak paga nobakkolage, ee'nuk, le agan puut Tayitun lagi nage mbareegi, it aakumi inom nogwe nogo kunduk, abok aret togop mban inayum inanobak paga nobappunuk, le agan lagi nogogwaarak.

1 Endagembogut 11:5

Ata, it aakumi Tiron mendek inagugigwe Atitoret inom, it Amon mendek inagugi ogole warak Molok inom, mugurok nage nagagerak.

1 Endagembogut 11:6

Talomo nogo ogoba Ndawut iniki inom, eebe inom, Aliku ALA oba panggombunuk, mugurok nage nagagerak nogo ndak-ndak eeke logolik. Ata, Aliku ALA enegen kagak maluk lombok eeke nagagerak.

1 Endagembogut 11:8

ndi, at akuwi kumi Iterali mendek lek aakumi alik mendek wogonabeegerak inagugi inaanggo warogo wogorogwe, obari abe kaga nogo mendek inake kani kunggwi, eeko menggaarak nogo nen eeko logowak nduk, inake togop aret ogobakkigirogo piige, eereegerak.

1 Endagembogut 15:12

Eeke logonet, it aap mban-mban wut-wut yogo logonet, inagugi eeko nogogwaarak nogo o time nen wumbiige, at mi'naga'lek kagak ombomini nen kugiwak ogobakkigirogo pit nogogwaarak nogo, mondok lek eerogo pege,

2 Endagembogut 23:10

Ti eeke nagagerik, aakumi nen inapuri wologwe ilik, komologwe a, kugi Molok ake ineenik ngge-ngge kani kuninakwi iyo, ake warogo wogogo menggam Topet kobappaga Mben-Kinom wonagagerak nogo, “Ogole o,” yogo logowak nduk, maluk eerogo pege,

Ndawi 78:58

Ala anini mbake kagak, Puut-puut paga warogo wogorogo logorak ogobakkigikwi, “Inogoba nalik aret neegak eekwi yi, neebi o,” Mbake kagak inagugiwak ogobakkigirogo punuk alut eekwi, Eeko nogogwaarak.

Yetaya 44:19

It aap ti nen, “Eyo eegu ti paga togwi worakkolaawok nduk kani kunggwi, Kani anggen paga inambi worakkologwe, Wam enggaanggum inom worappunuk nunggwi, Eeko monggoorak kwe, Eegu ti paga ogole warak kugi ogut ogobakkigirogo pakwi, Eyo mbanak kagak abu'me tebe yinuk, ayuk wukwi, Eeriyak ti op ilik?” yinuk, iniki koonggwi, Yelok kogwe, liippugwi, eeka'lek aret agaarik o.

Yeremiya 32:31

O kota yi, aa'nduk lombok wureegwaarak ne ti eyom paga nen nok, yogondak yi kuli, it aakumi yi, maluk mban eekwi paga nanini mi'naruwak nduk eekwi, nanini kani kunik negen wunduwak nduk eeppanugwi, eerit wundi wogogwaarak me, nenegen iyoorak neebi nen mondok lek eerogo piyaakit mbake agarik o.

Yeremiya 32:35

It inapurilogwe wologwe inom, komologwe inom, kugi Molok ake inoorogo kani kunggo logowok nduk, inagugi Mba'an ake warogo wogogo logowam o Mben-Kinom Kobappaga time tiyarogon ogobakkigirogo pugwi, eereegwaarak. It ti eeruwak nduk, an nen wone lengganogo yorage, It ogole warak ti mendek eekwi iinok, aakumi Yekura maluk eerugun kagi, yinuk, mbake, mondok eerulik o,” yinuk, yo'nereegerak.

Yeremiya 48:13

Eekwi iinok, it Iterali mendek inagugi o Mbeten mippugu paga iniki panggonak wonogogwaarak kwe, Inenggali ogogwaarak kwak, it Mowap mendek inagugi Kamot yeenggwaarage lek kenok, inenggali arugun o, yinuk, Aliku ALA nen yegerak o.

Yeremiya 48:46

It Mowap mendek inagugi Kamot ayuk wukwi nogo ineebe lek eerogo piigwi, It inapuri wologwe ti, wogoren mbo piya nogwe, It inapuri komologwe ti kunduk, keele maageren nogwe, Eerugun me, o Mowap ti, abuwa o!

Yetikiyen 18:12

Aap aaninggin inoba wonogwe, aap ineenggi lek wonogwe, eerak nogo wi-wi aganake, Awu luulu wogorage logonet, inamendek wagangge nogo iyokan wogoraga'lek kolage, Kugiwak nen yeenggwaaruwak nduk ayuk wuke, Maluk ogole warak lombok eeke,

Ndaniyen 11:31

It ti obeelom eeppiige logonet kwe, at awuri ineegin warak pilak yinuk, Ala awi wurik yugum pak wurik wonage nogo, abeelik-abeelek eerogo pugwi, ko'lu-kii'me Ala ake warogo wogogwi nogo, Wogoriyak mage o, yinuk, yorogwe, ndi, Ala awi wurik me maluk eerogo puurak mendek ogole warak lombok ambi mippugwi, eerugun o.

Ndaniyen 12:11

Ala ake ambinom warogo wogoriyak mage o, yinuk yoramenggerak kuli nen nok, Ala awi wurik maluk eerogo puurak mendek ogole warak lombok ambi mippuurak kuli ti, ne seribu dua ratus sembilan puluh aret arigin o.

Ala Unde 26:30

Ndi, puut paga inagugi aanggo warogo kani kunggo menggam lek eerogo pege, obari abe kaga nogo kani kunggo menggam eerak kalenak-pugunik eerogo pege, it ineebe kanggwi iinok, inagugiwak ogobakkigirik nogo imbirak lambunogo piige, ineebe peyak wurogo negen nambo'me piige, eeke logogin o.

Mika 1:5

Ti apit eeke nogo ti, at Yakup nen Ala wone taganogo pereegerak paga, Iterali paga wiganak inomaluk paga, aret eeke agaarik o. At Yakup nen Ala wone taganogo pege menggim nogo ngge o? Lek o. O Tamariya aret nogo lek a? Ndi, it Yekura mendek inomaluk eeko menggam tiyarogon nogo ngge o? Lek o. O kota Yerutalem aret nogo lek a?

Takariya 14:4

Ne ti paga at iyok o Yerutalem oonegen wundi wage menggim pa'nggwe puut Tayitun paga pi wambi wage kagak, puut Tayitun ti, oonegen wundi wage menggim pa'nggwe nen nok, oonegen kilu yi nage menggim pa'nggwe nggoguk ari mbaremenggi, puut peenok nggaganak langgo narok o omarip paga pa'nggwe ari nage, peenok nggaganak nogo langgo narok o ame pa'nggwe ari nage, eeke kagak, oolo time kobak kole aret nonggologo pigin o.

Linggineegwaarak 33:52

it aakumi o time wonogwe nogo, mugogo wumbiinet nogo logonet, inagugiwak yebibit inom, inagugi ogot mbuti paga eerak inom, yigirogo pugwi, puut-puut paga inagugi aanggo warogo pogo menggam abok aret minogo pugwi, eeko logomenggaarik,

Matiyut 26:30

Yorage nagagerik, ndawi wappunuk, wundi nogo nogogwaarik, puurom Tayitun paga lagi nogogwaarak.

Nappiigak 1:12

Yorogo mbareegwa, it Yakuri tamban eekwi paga tu nda noorak kenok, “Ti kuli mban ari nogo logorak,” yugu nogo ndak-ndak aret it puut Tayitun paga nen o Yerutalem iniyok paga wambi wogogwaarak.

Nappiigak 1:9

Wone ti yorage nagagerik, ina nigagik iigak, wonok lagi nage mbareegi, ameraakot enggela'me nobareegerak o.

Nappiigak 7:43

Lek kwe, inagugiwak ogut ineenggi paga ogobakkigireegwaarak kugi inowe Molok nogo inom, Laaluguragan ayuk wukwi kugi Erepan inom, Tiyappit wonok nugwi iyareegirak me, An nen wogoren o Mbaben kagak nda time mbo piya nagin o, yinuk, yereegwaarak liiru mbaneegwaarak nogo ndak-ndak aret munogo nappiyareegwaarak.

Pelaareegerak 13:14

kit nen wone onggo kin wonok mben wonok yorogwe, wone ti etenggen liirogon maloppugwi, eeko logomonggotik, maluk Ala eebi mbake menggerak mendek ti, kinenggela'me time abet aret eeremenggerak kin age kenok,

Pelaareegerak 27:15

At Aliku ALA alut eekwi obaane'me kugi ogut at eebi mbake menggerak nogo mendek it aakumi ineenggi amburu paga yugum mendek a, eyo mendek a, nogo paga ogobakkigirogo pugwi, mbuti mendek paga longgo warogo pugwi, eeppunuk, kote alut eekwi iinok, pulunik aret logowak o, yogwe iinok, It aakumi abok aret nen, Abet aret o, yogwe,

Owak Loongga 11:24

Kat kagugi Kamot nogo nen iniki koombunuk, wokkege nogo, Op aret o, yinuk, wagangge menggendak nogo lek a? Nogo ndak-ndak at Aliku ninogoba Ala nen ndinogo wo'niragagerak nogo nit kunduk, unde eeppatinuk, logogun aret.