1 Endagembogut 11:43 - Ala Wone Peenok Peebi Mbanak

⁴³ Eeke nagagerik, ombomini kambunuk nogogwam inom yonggonggola nage mbareegi, ogoba Ndawut agota kanggwi piya unggwogo menggam nogome eebe pi unggwogogwaarak. Pi unggwogo mbareegwa, obaane'me at aput Erekabeyam inowe endagembogut aret agagerak.

1 Endagembogut 11:43 ပူးပေါင်းရင်းမြစ်များ

1 Endagembogut 1:21

Kat wone amburu mbanogo yo'nirumunggun lek kenok, kombomini kambunuk nogogwam kinom tat yonggonggolaanok nduk, nage keegak, an naagaluk Talomo nimbirak aap inobaabut maluk kenok eeppiigo mengga kwak, eerogo pinanogo logogun o,” yinuk, yoreegerak.

1 Endagembogut 14:31

Ti eeko nogogwaarik, at Erekabeyam nogo ombomini kambunuk nogogwam inom yonggonggola nage mbareegi, ombomini kambeegwaarak Ndawut agota piya unggwogogwam nogome inom pi unggwogogwaarak. At agalo ti, kwe Amon mendek endage Naama aret. Ndi, at Erekabeyam obaane'me aput Abiyam nogo inowe endagembogut agagerak.

1 Endagembogut 15:24

Ndi, Ata nogo, ombomini kambunuk nogogwam inom yonggonggola nage mbareegi, eebe nogo, ombomini kambeegwaarak ombo Ndawut Agota piya unggwogogwam nogome inom pi unggwogo mbareegwa, obaane'me aput Yotapat inowe endagembogut agagerak.

1 Endagembogut 15:8

Ndi, at Abiya nogo, ombomini kambunuk nogogwam inom yonggonggola nage mbareegi, ombomini kambunuk, piya unggwogogwam ogoba Ndawut agota nogome eebe pi unggwogo mbareegwa, obaane'me aput Ata inowe endagembogut agagerak.

1 Endagembogut 16:6

At Mbayeta nogo, ombomini kambunuk nogogwam inom yonggonggola nage mbareegi, at eebe o Tirata kanggwi piya unggwogo menggam nogome pi unggwogogwaarak. Pi unggwogo mbareegwa, obaane'me aput Ela endagembogut aret agagerak.

1 Endagembogut 2:10

At Ndawut nogo aap endagembogut age nagagerik, Iterali wone lengganogo yorage kagak, tahun 40 eereegerak. O Keboron wone lengganogo yorage kagak, tahun 7 eeke, ndi, o Yerutalem wone lengganogo yorage kagak, tahun 33 eeke, eereegerak. Eeppunuk, kangge nagagerik, ombomini kambunuk nogogwam inom yonggonggola nage mbareegi, at Agota kanggwi piya unggwogo menggam nogome eebe pi unggwogogwaarak.

1 Endagembogut 22:40

Ndi, aap Akap nogo ombomini kambunuk nogogwam inom yonggonggola nage mbareegi, obaane'me aput Akatiya inowe endagembogut agagerak.

2 Endagembogut 16:20

Ndi, at Akat nogo ombomini kambunuk nogogwam inom yonggonggola nage mbareegi, ombomini kambeegwaarak Ndawut Agota piya unggwogogwam nogome inom tabonogo pi unggwogogwaarak. Pi unggwogo mbareegwa, obaane'me at aput Kitikiya endagembogut agagerak.

2 Endagembogut 20:21

Ndi, at Kitikiya nogo, ombomini kambunuk nogogwam inom yonggonggola nage mbareegi, obaane'me at aput Manate nogo endagembogut agagerak.

2 Endagembogut 21:18

Ndi, at Manate nogo ombomini kambunuk nogogwam inom yonggonggola nage mbareegi, at awi o nggwok abe wurik oore'nggam aap Uta eyabume nogome eebe nggween taambogo mbareegwa, obaane'me aput Amon endagembogut agagerak.

2 Endagembogut 21:26

Ndi, at Amon nogo, aap Uta eyabume Amon kabunogo pateegim nogome eebe taambogo mbareegwa, obaane'me at aput Yotiya nogo aret endagembogut agagerak.

1 Mbinineegwaarak 3:10

At Talomo nen aput Erekabeyam ndake, Erekabeyam nen aput Abiya ndake, Abiya nen aput Ata ndake, Ata nen aput Yotapat ndake,

2 Mbinineegwaarak 13:7

aap iniki lek a'nggan wogonaka inom a'nuk, aap Talomo aput Erekabeyam awo tawe me iniki kwippunuk ko wakak yuurak meek kenok, Kat ninowe endagembogut logorak lek o, yinuk, inom ogookkologogwaarak.

2 Mbinineegwaarak 21:20

At Yekoram nogo ndarak kagak tahun 31 eeppunuk, ambi age paga endagembogut a'nuk, o Yerutalem logonet, wone lengganogo yorage kagak tahun 8 eereegerak. Eeppunuk, abuwa mbaka'lek iigak, kangge mbareegi, eebe Ndawut agota time pi unggwogogwaarak kwe, it aap inendagembogut piya unggwogo menggam inom tabonogo pi unggulik. Alik me aret pi unggwogogwaarak.

2 Mbinineegwaarak 26:23

Ndi, at Utiya nogo ombomini kambunuk nogogwam inom yonggonggola nage mbareegi, it aakumi nen, “At awin aaga'ne kumbunuk kanggerak o,” yogo nogogwaarik, at ombomini kambeegwaarak piya unggwogogwam inom tabonogo pi unggulik. Ata, it aap togop kenok piya unggwogo logorak aap inendagembogut inanggween mbanak me tayorogon time pi unggwogogwaarak. Pi unggwogo mbareegwa, at obaane'me aput Yotam endagembogut agagerak.

2 Mbinineegwaarak 28:27

Ndi, at Akat nogo ombomini kambunuk nogogwam inom yonggonggola nage mbareegi, o kota Yerutalem it Iterali inoweewi inendagembogut kanggwi iinok, piya unggwogo menggam nogome inom pi unggulik. Ata, o Yerutalem alik me pi unggwogogwaarak. Pi unggwogo mbareegwa, obaane'me aput Kitikiya endagembogut agagerak.

2 Mbinineegwaarak 9:30

Aap Talomo nen o Yerutalem logonet, aakumi Iterali abok aret inowe endagembogut a'nuk, wone lengganogo yorage kagak, tahun 40 eereegerak.

2 Mbinineegwaarak 9:31

Eeke nagagerik, ombomini kambunuk nogogwam inom yonggonggola nage mbareegi, ogoba Ndawut agota kanggwi piya unggwogo menggam nogome eebe pi unggwogogwaarak. Pi unggwogo mbareegwa, obaane'me at aput Erekabeyam inowe endagembogut aret agagerak.

Wone Alom Kibingga 2:19

Aap nobaane'me arigin ti, iniki warak ilik, iniki lek wi a, neenggo'lek kwe kagak, oonegen abu'me logonet ligak wuundamo eereegirak inom, niniki warak logonet eerit nage nagagirak inom, abok aret at nen aret unde arigin me, ti kunduk, we aanom warogo mban aret eeriyak kagagirak.

Yeremiya 22:19

Ata, nggeewo kanggetak niik eerogo mbo wumbogo mengga kwak, at eebe niik eerogo o Yerutalem tu unggwogo menggam endekem time mbo wumbugun o,” yinuk, yegerak o.

Matiyut 1:5

ndi, Talomo nen kwe Arakap kolage nagagerik, Mbowat ndake, at Mbowat nen kwe Urut kolage nagagerik, Obet ndake, Obet nen Itayi ndake,

Matiyut 1:7

Talomo nen Erekabeyam ndake, Erekabeyam nen Abiya ndake, Abiya nen Ata ndake,

Pelaareegerak 31:16

Muta yoge logonet, “Kat kombomini kambunuk nogogwam nggwogoba wonogwe me, kinom tat yonggonggolage logonok nduk, namunggun me, kwe ambi ogonggelo mbo punuk, aap alik kwaarit nege menggi kwak, it aakumi yi, an mbo panugo logonet, ninom wone abuk nggaruk togon koonogo pereegurak nogo taganogo punuk, o it logowam time an nalut eekwi nobaane'me aakumi time wonogwe inagugi ayuk wuko logonet, eerit nogo logogun o.