1 Endagembogut 11:40 - Ala Wone Peenok Peebi Mbanak

⁴⁰ Yoreegerak nogo konengge nagagerik, at Talomo nen Yerobeyam wariyak nduk, eereegerak mendek, Yerobeyam nogo mbaganit aap Metit mendek inowe endagembogut Titak o Metit wonage me nage nagagerik, time wonage kagak Talomo nogo aret kambeegerak.

1 Endagembogut 11:40 ပူးပေါင်းရင်းမြစ်များ

1 Endagembogut 11:39

Ndi, at Talomo maluk eerit nage paga Ndawut ombowologwe tebenogo piyaagin kwe, mondok-mondok tebenak logogun lek, yegerak o,” yinuk, yoreegerak.

1 Endagembogut 12:2

Ndi, aap Nebat aput Yerobeyam nogo, aap endagembogut Talomo wonage me nen mbaganit o Metit ari nagagerak wonage me, ti kuwak eekwi nogo, aruk konembunuk wonage me, at woraawak nduk, yonggo yori nogo mbareegwa, o Metit nen iyokan wagagerak. Wage nagagerik, Iterali kuwak eerak nogo inom nen aap Erekabeyam nogo ka nogo nogogwaarik, wone yogo logonet,

2 Mbinineegwaarak 10:2

Ndi, aap Nebat aput Yerobeyam nogo, aap endagembogut Talomo wonage me nen mbaganit o Metit ari nagagerak wonage logonet, ti kuwak eekwi nogo, aruk konembunuk wonage me, at woraawak nduk, yonggo yori nogo mbareegwa, o Metit nen iyokan wagagerak. Wage nagagerik, it Iterali wonogwe abok aret inom nen aap Erekabeyam nogo ka nogo nogogwaarik, wone yogo logonet,

2 Mbinineegwaarak 16:10

Aap abinggaanggo kaga nen wone yoreegerak paga at Ata anini lombok age nagagerik, eebe keele maarogo mambiigo menggam mambereegerak. Mambege nagagerik, ne ti eyom paga mban anini nen it aakumi ando aaninggin mondok alik negen inoba piyareegerak.

Kini Wuppiige 21:30

“Aliku ALA tebenogo puwok o,” yinuk, aap iniki warak nogo nen at yogwi, Aap yelok kaga nen, Wone ndogop yogwi niinok, “E o,” yuurak yelok kagarak me yogwi, Aap wone koongga nen iniki liirogon koombunuk yogwi, Eeremenggaarak kwe, meek aret kaagun o.

Yetaya 46:10

Wone eeriyak nogo awo warengga'lek kagak, “Age yobok ndogop eeke kaamunggup o,” yinuk, yokkirage, Ee'nariyak nogo awo eeka'lek kagak aa'nduk togon abok yokkirage, Eeke minggirak o. An eeriyak koonogo pigitak ti, mbeyok arilik o. Ata, eeriyak niniki mbake ti, a'me lik togon aret eeke minggirak.

Leendawi 3:37

Ninogoba Ala nen eeriyak wone lengganogo wumbenetak lek en aap ta nen, “Togop aruwak o,” ari kenok, a'ne mbakop?

1 Tamuwen 20:33

Yoge mbareegi, at Tawun nen Yonatan mondok warikit nduk, awooluwak paga wondep wureegerak. Wondep wureegerak ti paga at Yonatan nen, “Nogoba nen Ndawut abet aret wariyak mbake kagi,” yinuk, eenu agagerak.