1 Endagembogut 11:39 - Ala Wone Peenok Peebi Mbanak

³⁹ Ndi, at Talomo maluk eerit nage paga Ndawut ombowologwe tebenogo piyaagin kwe, mondok-mondok tebenak logogun lek, yegerak o,” yinuk, yoreegerak.

1 Endagembogut 11:39 ပူးပေါင်းရင်းမြစ်များ

2 Tamuwen 14:14

Niyo toolak kilirogo punuk, waganogo tookulik nogo kokwak, nit abok aret kambugun kwe, at Ala nen aakumi inooriyak nduk, koonggeelik o. Aakumi mbo piigaatak nogo kobak aago logokwak, wogoren piya wage menggerak o.

1 Endagembogut 11:38

Ndi, an nayeloman Ndawut eeke nagagerak kokwak, kat nen an wone lengganogo yokkege nogo eeke, niniki mbake nogo mugurok nage, an nenegen neegak wone lengganak inom, Yogop ee'nu ndogop ee'nu, wone yugu inom, eerit nage logonet, obeelom mban eeke, eeke keenok, at Ndawut apuri wiganak nen mban inendagembogut mi'narit wundi wogo logowak nduk, koonogo yoreegirak nogo kokwak, kat kapuri nen mban aakumi Iterali inendagembogut mi'narit wunggo logowak nduk, eeppagagin o.

1 Endagembogut 11:40

Yoreegerak nogo konengge nagagerik, at Talomo nen Yerobeyam wariyak nduk, eereegerak mendek, Yerobeyam nogo mbaganit aap Metit mendek inowe endagembogut Titak o Metit wonage me nage nagagerik, time wonage kagak Talomo nogo aret kambeegerak.

1 Endagembogut 12:16

It aakumi Iterali abok aret nen aap endagembogut yoreegwaarak nogo, koneniyak eebi mbake kogo nogogwaarik, aap endagembogut nogo yogo logonet, “At Ndawut nen nit ambi eeppinanege, Aap Itayi aput nen nineyate wo'nirage, Eerigin lek aret me, Aakumi Iterali yi wae. Kinalitak lombok kinawooliyana nogwe, Ndi, kit Ndawut apuri-ombowologwe yi wae. O yogondak kinobaalombok koonggologwe, Eeko logonip o,” yinuk, it Iterali mendek iname nogogwaarak.

1 Endagembogut 14:8

napuri Iterali Ndawut paga wiganak aput abu'me piinok wonagagerak nogo, An unde logokit, mbake kagak, ndinogo at Yerobeyam wogoreegirak kwe, nayeloman Ndawut iniki mondok noba panggombunuk, nenegen neegak abe mban eerit nage logonet, Yogop ee'nu ndogop ee'nu, wone yugu nogo liippunuk, mugurok nage nagagerak kokwak, at togop eeke logolik.

Yetaya 7:14

Kinogoba Ala alik nen kineenu ariyak mendek eeke kaamunggup o. Eeke kaamunggup nogo ti, kolaga aap kigin waka'lek nogo abila age logomenggerik, aagaluk aap aret ndarigin o. Ndi, ndake kenok, at endage Imanuwen aret toonigin o.

Yetaya 9:7

At wone lengganogo yorage logowam nggwok wiganinuk nage, Aakumi inom lambunik iniki ugun tayenak wonogwe nogo lek aga'lek kundugu wonage, Eeke logogin o. At Ndawut paga wiganak aret me, At wone lengganogo yorage menggim mi'na'nuk, At abu'me piige menggim wone lengganogo yorage logogin o. At obeelom mban eeppiinet nage, a'me nggelok mban inawone mbangge, Eeke logomenggerak paga At abu'me piige menggim akom kwippiige, Omaawi nu'lek eerogo pege, Eerogo pege kenok, Mondok-mondok aret logogin o. At Omaawi Lombok Menggerak Aliku ALA nen, “Mondok eerikit aret,” mbarit unggwage me, aret eeke logogin o.

Lukat 2:11

kinagap ndaka ninogoba Keritut nogo Ndawut nda'nagagim amulok paga nogome kinake o yogondak aret nda'naga o.

Lukat 2:4

At Ndawut ombowologwe wiganak mendek Yutup nogo, o Nggalileya yaga'lelo Nataret nen o Yureya Ndawut nda'nagagim kota Mbe'lekem nogome aret wagagerak.