1 Endagembogut 11:34 - Ala Wone Peenok Peebi Mbanak

³⁴ Togop aret eerigin kwe, at abu'me piinok wonage menggim abok aret eenggime nen ndinigin lek o. An miireegirak nayeloman Ndawut, Yogop ee'nu ndogop ee'nu, wone yugu inom, eeko logorak wone yugu inom, liirogon eeke nagagerak paga Talomo kangga'lek eenik awo wonage kagak wone lengganogo yorage logorak mippereegirak me, mbet-mbet ndinigin lek o.

1 Endagembogut 11:34 ပူးပေါင်းရင်းမြစ်များ

2 Tamuwen 7:14

An ti, at ogoba aret age, Ndi, at ti, an naput aret age, eerugun me, maluk eeke kenok ti, aap ambi nen apuluk iniki koonnaruwak nduk, muun yawi paga wake menggi kwak, aakumi nen at togop aret aaninggin oba pogo logowak nduk, eeppiige logogin o.

1 Endagembogut 11:31

Nibinogo pege nagagerik, Yerobeyam yoge, “At Aliku Iterali inogoba Ala nen ari logonet, Aap Talomo abu'me piinok wonage menggim nogo, An unde logokit, mbake kagak, ndik togon eerogo Iterali inanebunu 10 kat wokkirigin, yegerak me, yum 10 kuli nibinogo pigirak yi, wamen o.

1 Endagembogut 11:33

An togop eerigin nogo ti, at Talomo ogoba Ndawut nen niniki mbake nogo eerit nage, nenegen neegak abe mban eerit nage, eeko logorak wone yugu inom, wone lengganak inom, liirogon porogo logonet mugurok nage, eeke nagagerak kokwak, eeka'lek an mbo paninuk, aakumi Tiron mendek inagugigwe Atitoret inom, aap Mowap mendek inagugi Kamot inom, aap Amon mendek inagugi Molok inom, ti mban mugurok nage kenok, togop aret eerigin o.

1 Endagembogut 11:35

Ata, ndi wuninik menggi kwak nendage time mondok-mondok ki logorak miireegim o Yerutalem nenggaanom paga an nayeloman Ndawut endage ki logowak nduk, at Talomo kangge kagak aput obaane'me mi'naremenggerak nogo, anebunu ambiret unde wonage kagak, eenggime nen inanebunu 10 nogo ndinogo kat wokkirigin o.

1 Endagembogut 3:14

Ndi, an yokkege minggirak nogo mugurok nage, eeko logorak wone inom, Yogop ee'nu ndogop ee'nu, yugu inom, kogoba Ndawut liirogon eeke nagagerak nogo kat ndak-ndak eeke, eeke keenok, keenik mondok nggorek logonok nduk eeppagagin o,” yinuk, yoreegerak.

Ndawi 103:10

Ninomaluk onggo aaninggin ndak-ndak eeppinanege, Maluk eerit nugwi niinok, onggo ndak-ndak eeppinangge, Eekeelik o.

Ndawi 89:19

Ne ambi paga kat Ala nen It aap inabinggaanggo paga yorage, It kat koone liirogon yoraga nogo yorage, Eeke logonet, Yoragagindak nogo yi o. “Aap wim eeka wakaa'ngget ambi omaawi eeppege, Aakumi inenggela'me nen aap tawe ambi endage tiyanak logowak nduk miirogo pege,

Yetaya 55:3

At nen wone yo'nirage liippuwok o, yinuk, an neya wogwe, Ineenik logowak nduk, noone inaruk liirogon konenggwi, Eeko logowak o. An kabuwa nen obeelom mban eeppagagak eeke logogin o, yinuk, at Ndawut koonogo yoreegirak nogo ndak-ndak, Wone lek ariyak lek mondok-mondok eeko logorak wone ninom koonogo puwok o.

Abakuk 3:2

“Kaliku ALA wae. Kat eeke menggendak nogo an muk konengge, Kaliku ALA o. Kat eerit nage nogo paga an nagabiti mbake, Eeke agarik o. Kat eeke menggendak ti, nit kaawok nduk, ambinom eeke, Kat eeke menggendak nogo, nit yogondak wonogwe yi paga kin eeppege, Kanini ninoba pinanege logonet kwe, ninabuwa mbake, Eeru o,” yinuk, tamban eereegerak.