1 Endagembogut 11:3 - Ala Wone Peenok Peebi Mbanak

³ Perenggolage nagagerik, akuwi aap inendagembogut inapuri tujuh ratus aret wogonake, ndi, akuwi luulu wogo ti, tiga ratus wogonake, eereegerak paga iniki nomoneegerak.

1 Endagembogut 11:3 ပူးပေါင်းရင်းမြစ်များ

2 Mbinineegwaarak 11:21

Ndi, Erekabeyam nogo akuwi abe wogo inom, luulu wogo inom, iniki kunik aganake nagagerak kwe, aap Abatalom apuluk kwe Maaka nogo perak, iniki kundugu lombok eeke nagagerak. At akuwi abe wogo ti, 18 wonogwe, akuwi luulu wogo ti, 60 wonogwe, apuri wologwe 28 wonogwe, ndi, komologwe 60 wonogwe, eerak aret wonogogwaarak.

Etet 1:18

Nit aap o Peritiya o Meriya mendek nagawan-nagawan ninakuwi kat kendagembogut kakwe kwe nggwok yegerak inaruk konenemenggaarak nogo nen, nit kawuri nagawan-nagawan ndak-ndak yo'nirogo logogun me, inogonggelomini nit nogo meek eerogo pinanugwi, inoone andiigwi yo'nirogwe, eeko logogun o.

Wone Alom Kibingga 2:8

aap inendagembogut inom, it inabu'me logonet yi o ndi o unde menggaarak inom, inamendek iniki kundugu mbuti perak inom, emas inom, kuwak eerogo pako menggaarak mendek, an kuwak eerogo pake, ndawi tiyanggak kumi-aap koonogo piige, aap iniki ale'nggen eeppiigak kumi nogo kuwak eerogo piige, eeke nagagirak o.

Wone Alom Kibingga 7:28

Kwaarit nage kwe, kwaakkaga'lek wonage, eerit nage logonet, Aap seribu wonogwe inenggela'me aap ambiret ambi abu obeelom wonage kagagirak kwe, inenggela'me kwe ambi iniki abu obeelom wonage an koolik o.”

Ndawi Iya 6:8

Nendagembogut nakuwi 60 wonogwe, nakuwi luulu wogo 80 wonogwe, Komologwe aap kigin wogonaka'lek ineebe ambik ineenggi lingginiyak meek lombok wonogwe, Eerak menggaarak kwe,

Ndawi Iya 6:9

Kat narowe puume kwak koba ambi aga'lek keebe abu kigirikwe alik mbeenak aret menggendak o. Kat kagalo aagaluk ambolom ndakkabeegerak me, kabuwa lombok mbake menggerak o. Komologwe korewologwe nen inigen keenok, “Kale'nggen o,” yinuk, yokkugwi, Nendagembogut an nakuwi abe wogo inom, luulu wogo inom, nogo nen kat tiyappagagwi, Eeko agaarik o.

Pelaareegerak 17:17

Akuwi paga iniki nomoninuk nookwak, kumi ambik wogonake, ndi, eenggi warak logowak nduk, mbuti emas inom, perak inom, ambik lombok kuwak eekkolage, eeriyak mage o.

Owak Loongga 3:6

Wonogo logonet, it aap Kanan mendek inapurilogwe komologwe nogo it Iterali mendek wogonakwi, ndi, it Iterali mendek nen inapurilogwe komologwe it Kanan mendek inapuri kolaawak nduk, wogorogwe, eeko logonet, Aliku ALA mugurok nogwe obaane'me it Kanan mendek inagugi inayuk wuko logonet, mugurok nogo nogogwaarak.

Owak Loongga 9:5

Wogorage mbareegi, Abimelek inom at ogoba ame o Opara nogo nogogwaarik, Yeru-Mba'an apuri at oreewi ineebe 70 nogo yugum ambit ndoonak paga inoorogo piyareegwaarak. Inoorogo piigwi iigak, Yeru-Mba'an aput enabooluk ndarak, endage Yotam nogo perak, alik kumaa'nari nagagerak me warulik.