1 Endagembogut 11:20 - Ala Wone Peenok Peebi Mbanak

²⁰ At Tapenet awuluk nogo nen ogonggelo Karat obaane'me aagaluk wulaga Nggenubat ndareegerak. Ndake mbareegi, kwe Tapenet nogo nen tawe eeke kagak, aap endagembogut awi o nggwok abe wurik nogome Pirawun apuri lombok inom wonagagerak.

1 Endagembogut 11:20 ပူးပေါင်းရင်းမြစ်များ

Wakkagagerak 21:7

Ari nagagerik, at Tara nen ambinom ari logonet, “An nabila aga'lek neegak, Tara elege ndappunuk elak kunigin o, yinuk, ta nen Abarakam togop yoriyak op mbakop? Togop yuurak meek tit kagak kwe, an nore abu anggok agaarak kagak obaane'me wulaga aret ndaki o,” yinuk, yereegerak.

1 Endagembogut 11:19

At Pirawun nen aap Karat nogo inikilom mbake nagagerik, at akwe lombok kwe nggwok endage Tapenet awuluk at ebeniluk nogo, Karat kolaawak nduk, wogoreegerak.

1 Endagembogut 11:21

Ndi, “At Ndawut ombomini kambunuk nogogwam wonogwe me inom yonggonggola nage, ndi, awuri ineegin warak unde inowe Yowap nogo kunduk kangge, eekaarak o,” yogwe at Karat nogo aruk konengge nagagerik, aap Pirawun nogo yoge, “An nawi alom paga noorak mbakirak me, E, yo'niru o.”

1 Tamuwen 1:24

At Tamuwen nogo yilak mbambunuk, agalo kwe Kana nogo nen tapi ngguunok ndarak kagak tahun 3 eerak ambi wagangge, gandum anggen yigirik aaninggin 10 wakkagak wagangge, ndi, yiiwak ndomba agabolo ogobakkigirik paga anggur amburu toolak wagangge, eeke nagagerik, Tamuwen nogo eebe awo mbuuluk kagak wonok Aliku ALA alut eeko menggam awooliya wurik me o Tilo woraanuk,