1 Endagembogut 11:1 - Ala Wone Peenok Peebi Mbanak

¹ Aap endagembogut Talomo nogo Pirawun apuluk iniki kunik wonage kagak, kumi Iterali lek kumi alik it Mowap mendek inom, Amon mendek inom, Erom mendek inom, Tiron mendek inom, Ket mendek inom, apit aret iniki kunik eeginabeegerak.

1 Endagembogut 11:1 ပူးပေါင်းရင်းမြစ်များ

1 Endagembogut 11:8

ndi, at akuwi kumi Iterali mendek lek aakumi alik mendek wogonabeegerak inagugi inaanggo warogo wogorogwe, obari abe kaga nogo mendek inake kani kunggwi, eeko menggaarak nogo nen eeko logowak nduk, inake togop aret ogobakkigirogo piige, eereegerak.

1 Endagembogut 14:21

Aap Talomo aput Erekabeyam nogo ndarak kagak tahun 41 age paga aakumi Yekura inowe endagembogut age mbareegi, at Aliku ALA nen endage ki logowam aakumi Iterali inawi kota-kota abok aret wonogwe iigak, at leenogo pereegim kota Yerutalem nogome logonet, it Yekura mendek wone lengganogo yorage kagak, tahun 17 eereegerak. At agalo ti, kwe Amon mendek endage Naama aret.

1 Endagembogut 14:31

Ti eeko nogogwaarik, at Erekabeyam nogo ombomini kambunuk nogogwam inom yonggonggola nage mbareegi, ombomini kambeegwaarak Ndawut agota piya unggwogogwam nogome inom pi unggwogogwaarak. At agalo ti, kwe Amon mendek endage Naama aret. Ndi, at Erekabeyam obaane'me aput Abiyam nogo inowe endagembogut agagerak.

1 Endagembogut 16:31

At Omiri aput Akap nen aap Nebat aput Yerobeyam maluk eeke nagagerak nogo, eerit nage logonet, “Abu eeki,” mbaka'lek aakumi Tiron mendek inowe endagembogut Etebaan aput kolaga Iteben nogo wagangge, kugi Mba'an mugurok nage logonet alut eeke, eeke nagagerak.

1 Endagembogut 3:1

Ti'nuk, at Talomo nogo aap endagembogut Metit mendek Pirawun apuluk kolaga waganeegerak paga, imbirak kunggolage nagagerik, Pirawun apuluk nogo wonok Ndawut Agota nogome pi wagagerak time wonage kagak, at awi o nggwok abe inom, Aliku ALA awi inom, yugum pak o Yerutalem yendok-wandok inom, abu aret wurogo pereegerak.

Etara 10:44

It yi, abok aret inakuwi kumi alik mendek wogonabeegwaarak me, kumi nogo yorogo logonet, “Kumi yi wae. Kinaagalogwe kinom nanip o,” yinuk, wumbiyareegwaarak o. 1

Etara 9:1

Ti abu aret eeppogo nogogurik, wonogwe me, it aap Iterali inoweewi an nowagam wogo nogogwaarik, yo'nogo logonet, “It aakumi ninaagan-ninambokan wonogwe Kanan nen, Ket nen, Perit nen, Yebut nen, Amon nen, Mowap nen, Metit nen, Amori nen, abu ogole warak maluk eeko menggaarak iigak, it Iterali mendek inom, aap Ala unde inom, it Lewi mendek inom, nen aakumi ti inom ogoorak lek lambunik aret logonet,

Etara 9:2

it aakumi ti inapuri komologwe nogo, it aret kologwe, it inapuri wologwe nen it aakumi ti mendek inapuri komologwe kolaawak nduk, koonogo piigwi, eeko logonet, ninanebunu abu alik leenak nogo nenggelak-kenggelak aret ogoorak o. It aap wone yugu liirogon eeka'lek inaa'nduk eekaarak nogo ti, it ninoweewi inom, aap inengga warak inom, nen inaa'nduk lombok eekaarak o,” yo'nireegwaarak.

Wundeegwaarak 34:16

Kit nen kinapuri yorogo logonet, It kumi time mendek kolaanip o, yoramonggotak wogonakwi iinok, kwe mbabi eeke menggi kwak it kumi ti nen, inagugi eeko logonet, kinapuri ti nomoniren nookwak, wogonako logorak mage o.

Kini Wuppiige 2:16

Kwe ambi lambumbugwi me, “Kat nore lombok aret o,” yinuk, Ala enggaanom paga ore yoremenggerak nogo mbo pege, Tawe paga ogonggelo imbirak lambunik iniki kunik nogo tayoppege, Eeppunuk, Mbabi eerit nege logonet, oone amburu ndik-ndik yokkege kenok, kiniki warak nogo nen, Kwe ti, ogole nen mbaganenok nduk, eeppagage logogin o.

Kini Wuppiige 22:14

Kwe mbabilu oone ari ti, nggween kiiniki paga kabunik kwak aret wonage me, It aap Aliku ALA anini inombake nogo yigeebu time aret wanggo menggaarak.

Kini Wuppiige 23:33

Kenegen mbini-mbani eerogo pagage, Kiniki lek age logomenggendik, kiniki yi koonggak ndi koonggak eerit nage,

Kini Wuppiige 31:3

Kumi muguren nege logonet komaawi lek eerogo pake, It aap inendagembogut inendage maluk eerogo pugwi kumi nogo mban eeginabit nage, Eeriyak mage o.

Kini Wuppiige 6:24

Kumi inobaabut maluk nen yilunogo pagagwi, Kumi inogonggelomini warak nen inoone amburu ndik-ndik yokkugwi, Eerugun lek o.

Ala Unde 18:18

Aap ambi akweegelo eenik wonage kagak, akwe nogo awuluk wagangge logomenggerik, wuriyak mage o.

Pelaareegerak 17:17

Akuwi paga iniki nomoninuk nookwak, kumi ambik wogonake, ndi, eenggi warak logowak nduk, mbuti emas inom, perak inom, ambik lombok kuwak eekkolage, eeriyak mage o.