1 Endagembogut 10:3 - Ala Wone Peenok Peebi Mbanak

³ Kin wakkage mbareegi, at Talomo nen kwe wone yoreegerak nogo, ambi yoriyak meek kenok teppuulik abok li'lak aret yoreegerak.

1 Endagembogut 10:3 ပူးပေါင်းရင်းမြစ်များ

2 Tamuwen 14:17

Ala ayonggo malayikat nen maluk eeriyak obeelom eeriyak abok eenu menggerak ndak-ndak, nowe kendagembogut kat aret me, koone yagandak ti paga niniki kwippanegen o, nogoba. Togop me, at Aliku kogoba Ala kimbirak aret logogin o.”

2 Tamuwen 14:20

Ala ayonggo malayikat ambi yi wone ndi wone abok eenu menggi kwak, kat nogoba kiniki warak lombok logonet, yi o ndi o arit wage menggerak abok aret keenu me, at kayeloman Yowap eekerak nogo ti, kaput kimbirak ogoorak wonogwe nogo kinawone koonogo pinagarak, mba'nuk, yo'negerak o,” yinuk, yoreegwaarak.

1 Endagembogut 10:1

At Talomo nen Aliku ALA endage tiyappege logonet, eerit nage paga endage wiganinuk nage nogo, kwe nggwok o Tiyeba mendek aruk konengge nagagerik, “At Talomo eeke yogwe ti, nonggop ari kaamun? Abut mbani na,” mbake nagagerik,

1 Endagembogut 10:2

aap apit aago inom o Yerutalem wogo logonet, yi mendek ndi mendek ombat abe eeka inom, mbuti emas ambik inom, yugum onggo nggwok mendek inom, apit aret unta amborowak paga nippunuk wonok, aap Talomo wonage me ka wogo nogogwaarik, yi wone ndi wone, “Nonggop togon eeke,” mbake nogo abok aret at Talomo kin wakkagagerak.

1 Endagembogut 10:4

At kwe nggwok Tiyeba mendek nogo nen at Talomo iniki warak lombok nen wone yoge, ndi, at awi o nggwok abe wuppunuk wonage,

1 Endagembogut 3:12

kat mi'naga'lek keegak wonogogwaarak inom, mi'nagandak keegak logorak inom, ti kat ndak-ndak ambi lek aret o. Kat nggino yo'negendak ndak-ndak kiniki warak inom, yi wone ndi wone liippunuk yelok kage logorak inom, eeppagagin o.

2 Mbinineegwaarak 9:2

Kin wakkage mbareegi, at Talomo nen kwe wone yoreegerak nogo, ambi yoriyak meek kenok teppuulik abok li'lak aret yoreegerak.

Kini Wuppiige 13:20

Aap ambi nen aap iniki warak imbirak kunggolage kenok, at iniki warak aret age, Ndi, aap ambi nen aap wi negen imbirak kunggolage kenok perak, at eebe aret maluk eekkolage, Eeko menggaarak.

Yetaya 42:16

It inigen mbuk negen wonogwe nogo tu ineenggo'lek me tu nigiren nage, It tu nogolik nogo paga wogoren nage, Tu apit aago paga nogwe iyo, nambokan wogwe iigak an naa'nduk tu eya eerogo pit nage, Tu tiyak-tebek paga nogwe iyo, an kagaarogo pit nage, Eerigin o. It inake eeriyak nogo ti aret. An mbo piyaagin lek abet aret eerigin o.

Matiyut 13:11

Yogo mbareegwa, at Yetut nen, “Kit aap yi, mbogut paga mendek abu'me pinagarak wone at inikime lubuk wonagagerak nogo, kineenu arubagip nduk, Ala nen kilikkiroorak mbareegerak kwe, it aap ti perak, kiliriroorak mbarulik o.

Yaya 7:17

Ala nen eeriyak mbake nogo, Eeruwok, mbakwi kiinok, an wone mamunggirage nogo ti, Ala nen yo'nege kagak, mamunggirage a, an mbake paga mamunggirage a, nogo ti, kineenu arumunggup o.

1 Korindut 1:30

Ti kenok, at Ala nen Keritut Yetut ninom kunogo pinaneegerak me, ninom kunik logonet, at Keritut eereegerak paga yi wone ndi wone nineenu eeppinanege agaarik o. Niniki obeelom eerogo pinanege, Ala apuri at ake logowok nduk, leenogo pinanege, ndi, nit keele maarak negen wonogogurak nogo, ninonggo mbanogo punuk, wondet agago pinanege, eereegerak nogo ti, Keritut aret o.

Kolote 2:3

Ala iniki warak nen mondok liippinaninuk, eeppinaniyak alom inom, yi wone ndi wone nineenu ariyak alom inom, kumaarak wonage nogo, kin kaawok nduk, tu paake menggerak kunci nogo ti, Keritut eebe aret o.