1 Endagembogut 10:12 - Ala Wone Peenok Peebi Mbanak

¹² Eyo ndiindi nogo paga aap endagembogut Talomo nen Aliku ALA awi wureegerak nogo inom, at endagembogut awi o nggwok abe wureegerak nogo inom, awe eerit nage, ndi, it ndawi yaga nen eeko logorak nggitat mbuuluk mendek inom, nggwok mendek inom, inake ogobakkigike, eereegerak. Eyo ndiindi wonok Talomo wogori wogo nogogwaarak nogo ti, ambik mondok iya lombok wogori wogo nogogwaarak me, ambik togoti wonok wogwe, inigen kogwe, eeka'lek o yogondak kuli wonage aret.

1 Endagembogut 10:12 ပူးပေါင်းရင်းမြစ်များ

2 Tamuwen 6:5

at Ndawut aakumi Iterali mendek abok aret inom inale'nggen alik negen inikime nggelok ari logonet, at Aliku ALA enggaanom paga nggitat mbuuluk mendek inom, nggitat nggwok mendek inom, togolowak oone lobale inom, nggawiwak mbanak inom, togolowak tabak pu ndale eeka inom, oone eekak ti mendek abok aret oone eerit kwirabik-kwirabok agan ndawi warit wogogwaarak.

1 Endagembogut 10:11

Ndi, aap Kiram ayiiro nogo paga o endage Opit nen mbuti emas inom, eyo ndiindi ambik lombok inom, yugum onggo nggwok nogo mendek inom, wonok at Talomo wogori wogo nogogwaarak.

1 Endagembogut 10:13

Ndi, at endagembogut Talomo nogo nen endagembogut logonet amendek ambik agagerak me, oona ngginik kagak, kwe nggwok Tiyeba mendek wogoge logonet, kwe nogo nen uugwe mba'nuk, nggino yoreegerak nogo inom aret wogoge mbareegi, wonok awuri nogo inom aret iname nogogwaarak.

1 Mbinineegwaarak 23:5

Ndi, ineebe empat ribu ti, tu unggwogo menggam arum wakwi, ndi, ineebe empat ribu ti, Aliku ALA alut eeko logonet, ndawi tiyanggwi iigak, yi mendek ndi mendek oone eekak an nen pipuk eerogo pereegirak nogo woppunuk, eekwi, eeko logowak o,” yinuk, yoragagerak.

2 Mbinineegwaarak 9:11

Eyo ndiindi nogo paga aap endagembogut Talomo nen Aliku ALA awi wureegerak nogo inom, at endagembogut awi o nggwok abe wureegerak nogo inom, nda'nggi pit nage, ndi, it ndawi yaga nen eeko logorak nggitat mbuuluk mendek inom, nggwok mendek inom, inake ogobakkigike, eereegerak. Eyo ndiindi wonok Talomo wogori wogo nogogwaarak nogo ti, ambik mondok iya lombok wogori wogo nogogwaarak me, ambik togoti o Yekura paga inigen kaga'lek aret wonogogwaarak.