Eyo ndiindi nogo paga aap endagembogut Talomo nen Aliku ALA awi wureegerak nogo inom, at endagembogut awi o nggwok abe wureegerak nogo inom, awe eerit nage, ndi, it ndawi yaga nen eeko logorak nggitat mbuuluk mendek inom, nggwok mendek inom, inake ogobakkigike, eereegerak. Eyo ndiindi wonok Talomo wogori wogo nogogwaarak nogo ti, ambik mondok iya lombok wogori wogo nogogwaarak me, ambik togoti wonok wogwe, inigen kogwe, eeka'lek o yogondak kuli wonage aret.
1 Endagembogut 10:11 - Ala Wone Peenok Peebi Mbanak11 Ndi, aap Kiram ayiiro nogo paga o endage Opit nen mbuti emas inom, eyo ndiindi ambik lombok inom, yugum onggo nggwok nogo mendek inom, wonok at Talomo wogori wogo nogogwaarak. အခန်းကိုကြည့်ပါ။ |
1 Endagembogut 10:11
9 ပူးပေါင်းရင်းမြစ်များ
Togop aret me, o yogondak yi paga aret kat nen aap mbuti emas paga, mbuti perak paga, mbuti tembaga paga, mbuti owak paga, yum maa'ngga anggup kunik paga, yum maa'ngga amu kunik paga, yum mbogut mili kunik paga, eenggi amburu eeke, ndi, yi mendek ndi mendek ayo wagangge, eeke menggerak abu eenu kero, nappi wage keenok, nogoba Ndawut nen it aap ineenggi amburu paga eeko menggaarak leenogo piyareegerak ninom o Yekura paga, o kota Yerutalem paga, wonogwe nogo, inom nen eeko logowak o.
Ndi, nogoba kat wonage me time it aap kayeloman mini aap eyo muurogo mbangga ineenu wonogwe an neenu aret me, kat nen eyo puut Libanon mendek kilu-kilu inom, nggabina inom, ndiindi inom, mbanogo an wonage me yime nappi woraawak nduk, yorage keenok, an nayeloman mini nen kat kayeloman mini yeenggwa iraawak nduk, nappiya woraagin o.
O time nagagerak wonage me, at Kiram apuri niyo kole yenggenak laut eeke menggerak abu ineenu me, ayiiro it ti nen wonok woraawak nduk, nappiya wage mbareegi, Talomo apuri inom o Opit ari nanuk, mbuti emas aaninggin enam belas ribu wakkagak waganggo nogogwaarik, wonok, aap endagembogut Talomo nogo wogori wogogwaarak.
ကြော်ငြာတွေ