1 Endagembogut 1:53 - Ala Wone Peenok Peebi Mbanak

⁵³ Ari nagagerik, at Aroniya nogo warogo wogogo menggam time wonage me wa nawak nduk nappiyareegerak wonok wogo mbareegwa, at Aroniya nogo aap endagembogut Talomo wonage me unggwi wage nagagerik, abu'me enete wanduk yinuk, ayuk wuke mbareegi, at Talomo nen at yoge, “Kame nak o,” yoreegerak.

1 Endagembogut 1:53 ပူးပေါင်းရင်းမြစ်များ

2 Tamuwen 1:2

ko'lu nen aap ambi at Tawun awuri inom inawooliya wuppunuk wonogwe me nen ayum nibinggolage, nggween waganogo anobak paga labunggolage, eeppatinuk, Ndawut owagam ari nage nagagerik, enete nggween paga wanduk ari logonet, ayuk wureegerak.

2 Tamuwen 14:24

Wonok wage mbareegi, aap endagembogut Ndawut nen ari logonet, “Abatalom ti, an nenggaawak paga ya'i unggwi woraagurik o. Ame nugwa aret nayok o.” Yoge mbareegi, aap endagembogut wonage me ungguulik nugwa ame aret nagagerak.

2 Tamuwen 14:28

Aap Abatalom nogo o Yerutalem wonage logonet kwe, at Ndawut imbirak lambungga'lek kagak, tahun mbere eereegerak.

2 Tamuwen 14:33

Yoreegerak nogo at Yowap nen aap endagembogut nogo yori nage mbareegi, aap endagembogut nen at Abatalom wiireegerak owagam wage nagagerik, endobanggun yindumbunuk, etenggen nggween paga wandinik wonage me, aap endagembogut nogo nen keyage wake logonet agandin eyak mbaneegerak.

1 Endagembogut 1:16

Ka unggwage nagagerik, aap endagembogut abu'me tebe yinuk, endobanggun yindumbunuk ayuk wuke mbareegi, aap endagembogut nen kwe nogo yoge, “Kat wone ambi wonage ilik?”

1 Endagembogut 1:31

Yoge mbareegi, kwe Mbatiyeba nogo aap endagembogut owagam taati endobanggun yindumbunuk, enete nggween paga wanduk yinuk, yoge logonet, “Nogoba kendagembogut wa! Kendage mondok-mondok ki aret logogin o.”

1 Endagembogut 1:52

at Talomo nen ari logonet, “At Aroniya iniki abu warak logonet, eerit nage kenok ti, at eeruwak ambiriluk ambi nggween paga wambigin lek kwe, maluk eeriyak koongge yelok kogwe kenok perak, at eebe teppuurak lek mondok aret wariyak o.”

1 Endagembogut 2:1

At Ndawut nogo kambuurak eyom abu panggoni wage mbareegi, aput Talomo eeke logorak awoneninu kilirireegerak nogo yi aret.

1 Endagembogut 2:36

Eeke nagagerik, aap endagembogut nen, “Timeyi omok, yori nanip o,” yoragagerak yori nogogwaarak wage mbareegi, yoge logonet, “Kat o Yerutalem yime o wuppunuk logonet, endekem wundi naga'lek o Yerutalem yime mban logomunggun o.

Kini Wuppiige 24:21

Napuluk yi wae. Yorogwe ineebi mbakwi iinok, it imbirak nen aaninggin mendek yini-panip inoba nappi woraagun me Ndi, nano mendek nappi woraagun nogo aap ta nen eenu wonage mbaken? Lek aret me, Aliku ALA inom, aap endagembogut inom, yorogwe iinok, “Eeriyak nineebi o,” yogo menggaarak nogo kinom ariyak mage o. Ata, it imbirak nogo ti, inayuk wuppunuk, inoone konengge logot o.