1 Endagembogut 1:52 - Ala Wone Peenok Peebi Mbanak

⁵² at Talomo nen ari logonet, “At Aroniya iniki abu warak logonet, eerit nage kenok ti, at eeruwak ambiriluk ambi nggween paga wambigin lek kwe, maluk eeriyak koongge yelok kogwe kenok perak, at eebe teppuurak lek mondok aret wariyak o.”

1 Endagembogut 1:52 ပူးပေါင်းရင်းမြစ်များ

2 Tamuwen 14:11

Yoge mbareegi, kwe nogo nen ari logonet, “It aakumi nen oreeluk warak nogo amee'nggo oreeluk eenik wonage nogo waremenggaarak paga maluk nggwok wigak yukwak, non mbambiyaawak nduk, kat nowe kendagembogut at Aliku kogoba Ala endage kumbunuk yu o.” Yoge mbareegi, at Ndawut nen yoge logonet, “Kaagaluk ti, eeruwak ambiriluk ambi wiirogo nggween yi paga wuppugun lek o, yinuk, at eenik menggerak Aliku ALA endage paga yokkigi o.”

1 Endagembogut 1:51

“At Aroniya nogo kat kendagembogut Talomo keebe paga agabiti nen warogo wogogo menggam ogobakkigirik owak mippugu irip-irip to ari nogo, eenggi piga nanuk, ari logonet, Aap endagembogut Talomo nen at ayeloman an yi, Wooluwak paga warigin lek o, yinuk, o yogondak yi aret wone kumbuk mbanogo yo'niruwak o,” yinuk, ari nogo, aap Talomo yori wogo mbareegwa,

1 Endagembogut 1:53

Ari nagagerik, at Aroniya nogo warogo wogogo menggam time wonage me wa nawak nduk nappiyareegerak wonok wogo mbareegwa, at Aroniya nogo aap endagembogut Talomo wonage me unggwi wage nagagerik, abu'me enete wanduk yinuk, ayuk wuke mbareegi, at Talomo nen at yoge, “Kame nak o,” yoreegerak.

Ayup 15:22

O apit kwak aaninggin oba wonage nogo, Lek eerogo patigin lek logogin aret me, Ao, mbake, Wooluwak paga noorugun punik aret mbake, Eeke agaarik o.

Kini Wuppiige 13:6

Aap ambi iniki abe koonak nen obeelom mban eerit nage paga eebe aret unde wakkolage menggerak kwe, Aap maluk eeka nogo nen perak, maluk eerit nage paga eebe aret maluk eekkolage menggerak.

Kini Wuppiige 21:12

At Iniki Abe Koonak nogo nen it aap maluk mendek iname liippiige, It aap maluk mendek nen eeriyak mbakwi nogo lek eerogo piige, Eeke menggerak.

Matiyut 10:30

Ala nen kineeruwak abok aret eenggi lingginik wonage o.

Lukat 21:18

kineeruwak ambiriluk ambi kobak arigin abu lek me,

Nappiigak 27:34

Mbi neenok, kinomaawi paga kinagap ndakko'nok wundubagip nduk, mbi yi aret nanip o. Kineeruwak ambiriluk ambi lek arigin lek o,”

1 Tamuwen 14:45

Yoge mbareegi, it aakumi nogo apit nen Tawun yogo logonet, “At Yonatan nen aakumi Iterali mondok iya tit ninagap ndakerak nogo ti, meek mba'nuk, Yonatan wariyak yagan ya? Ala nen yeenggwaage kagak, ne yogondak yi paga eekerak me, at Yonatan eeruwak ambiriluk ambi nggween paga wambuurak mondok lek o, yinuk, Aliku ALA eenik menggerak endage kumbunuk, yokkogo o.” Yoreegwaarak ti paga Yonatan warulik ili eerogo teppereegwaarak.