1 Endagembogut 1:25 - Ala Wone Peenok Peebi Mbanak

²⁵ Togop ari keyoolik kwe, o yogondak yi paga at Aroniya nen lembu-tapi inom, tapi aagalogwe inamok warak kero inom, kambin-ndomba inom, ambik aret inoorogo lake logonet, it kat kapuri inom, aap ineegin warak inoweewi inom, aap Ala unde Abiyatat inom, inayonggo pege nagaarik, inom mbi-niyo nonggo logonet, Aroniya aret ninowe endagembogut mippakoo, yinuk, keekok yogo agaarik o!

1 Endagembogut 1:25 ပူးပေါင်းရင်းမြစ်များ

2 Tamuwen 16:16

Unggwi wogogwaarak wonogwe me, ti eyom paga aap Ariki mendek Ndawut oreeluk iniki kunik Kutayi nogo, Abatalom imbirak lambungge nagagerik, yoge logonet, “Kat aret kendagembogut logowak o. Kat aret kendagembogut logowak o.”

1 Endagembogut 1:19

lembu-tapi inom, tapi aagalogwe inamok warak kero inom, kambin-ndomba inom, ambik aret inoorogo lake logonet, it kat kapuri abok inom, aap Ala unde Abiyatat inom, aap ineegin warak inowe Yowap inom, inayonggo piigerak kwe, kayeloman Talomo perak, ayonggo puulik teppegerak o.

1 Endagembogut 1:24

Ayuk wuppunuk, yoge logonet, “Nowe kendagembogut wae. Kat nen, An aakumi inowe nendagembogut wonage nobaane'me at Aroniya endagembogut a'nuk wone lengganogo yorage logogin o, yinuk, yereegindak ilik, lek a?

1 Endagembogut 1:34

Nogo logomonggotik, kat aap Ala unde Tarok inom, kat Ala nen yoge kagak yoraga Natan inom, kimbirak nen, At Talomo aakumi Iterali inowe endagembogut logowak o, yinuk, mippunuk, amburu eeppogo logomonggotik, oone nggwok eeka trompet nogo oone pu eeko logonet, Talomo nogo ninowe endagembogut aret mippako o, yinuk, keekok yumunggup o.

1 Endagembogut 1:39

Nogo nogogwaarik, aap Ala unde Tarok nen aakumi amburu eerogo mippiiga toolak Ala awooliya wurik me nen wonok nagagerak nogo, at Talomo anobak paga kilippunuk, oone nggwok eeka trompet nogo oone pu eeko logonet, “Aap Talomo ninowe endagembogut mippogo o,” yinuk, keekok yogo nogogwaarik,

1 Endagembogut 1:9

Ne ambi paga at Aroniya nogo niyo eneerime En-Orogen koorok o endage, Yugum Waalo, time Ala alut eeriyak nduk, kambin-ndomba inom, lembu-tapi inom, tapi aagalogwe abu inamok warak inom, inoorogo laago lake logonet, at oreewi aap endagembogut apuri abok inom, it aap Yekura mendek Ndawut inom yabu eeko menggaarak abok aret inom, woraawak nduk, inayonggo piige logonet kwe,

1 Endagembogut 2:15

Yoge mbareegi, at Aroniya nen kwe Mbatiyeba yoge, “Nogoba Ndawut obaane'me an aret Iterali inowe nendagembogut logorak keenu aret o. It aakumi Iterali mendek abok nen inowe nendagembogut logorak nombakaarak kwe, ena laganogo nawuluk Talomo aret nogoba obaane'me endagembogut agaarak ti, Aliku ALA iniki koonggerak paga agaarak o.

2 Endagembogut 11:12

Mi'narit nogogwaarak wonogwe iigak, at Yoyara nen aap endagembogut aput nogo wonok, endekem wundi nage nagagerik, nggare-nggare anobak paga yippege, Ala nen Iterali inom wone abuk nggaruk togon koonogo pereegerak mbuku paga mbanak nogo wogoge, eeppunuk, “Ninowe endagembogut yi aret o,” yinuk, amburu eerogo mippege mbareegi, it aakumi abok aret ineenggi telanggo logonet, “Kendagembogut aret logonok o,” yinuk, keekok yogogwaarak.

2 Endagembogut 11:14

aap inowe endagembogut nen wone yoroorak kenok mi'nari laganggo menggam mi'nari laganeegerak wonage, ndi, it aap endagembogut inom eeko menggaarak inom, it aap oone nggwok eeka trompet oone eeko menggaarak inom, eraanu wonogwe, eekwi iigak, it aakumi o time abok aret inale'nggen yogwe, trompet nogo oone pu eekwi, eekwi nogo enegen iige nagagerik, ayum nibinogo patinuk, oone nggwok paga, “Nambokan lagangga o! Nambokan lagangga o!” yinuk, yereegerak.

2 Endagembogut 9:13

Yorage mbareegi, at Yeku oreewi nogo mbet-mbet inayum nggoorogo tu unggwogo menggam at Yeku iyok me taati mbiganogo punuk, oone nggwok eeka trompet nogo oone pu eeko logonet, “Yeku nogo Iterali inowe endagembogut aga o,” yinuk, keekok yereegwaarak.

1 Mbinineegwaarak 29:13

Togop aret me, nogoba Ala o. Yogondak, Wa, lombok yokkugwi, Kat kendage tiyanak mondok iya me, Kalut eekwi, Eeko ogoorik o.

1 Mbinineegwaarak 29:21

Ti eeko nogogwaarik, ko'lu tapi ngguunok seribu inom, ndomba ngguunok seribu inom, ndomba ngguunok ineebe awo mendek seribu inom, abok aret warogo Aliku ALA ake kani kunggo logonet, Ala ake anggur amburu kilirogo pugwi, ndi, Iterali inake ambik aret warogo Ala wogogwi, eereegwaarak.

2 Mbinineegwaarak 23:11

Mippiinet nagagerak arum wonogwe iigak, at Yoyara apuri inom nen aap endagembogut aput nogo wonok, endekem wundi wogo nogogwaarik, nggare-nggare anobak paga yippugwi, Ala nen Iterali inom wone koonogo pereegerak liiru mbanak nogo wogogwi, eeppunuk, “Ninowe endagembogut yi aret o,” yinuk, amburu eerogo mippogo mbareegwa, it aakumi abok aret, “Kendagembogut aret logonok o,” yinuk, keekok yereegwaarak.

Matiyut 21:9

eeko mbareegwa, nogo paga wage kagak, it ando inaa'nduk wogwe, it ando ambo'me wogwe, eeko logonet, “Ndawut ombooluk yi, Otana, yuwok o. Ninogoba Ala endage paga wage yi, wogoppuwok o. It mbogut irimbaga menggaarak kunduk, Otana, yuwak o,” yinuk, keekok agan wogogwaarak.

Matiyut 22:4

Puk ogo mbareegwa, at aap nogo nen, Nerapi inom, nerapi-lembu amok warak lombok inom, warogo lake nagarik, noorak nduk yi mendek ndi mendek abu pipuk eerogo pigirak me, ninom noorak yoragarak nogo, mbet-mbet woraawak nduk, yora nanip o, yinuk, ayeloman mini alik ambi yonggo nappiyareegerak.

Lukat 19:38

Keekok agan wogo logonet, “Ninogoba Ala nen ninowe endagembogut nappi wage yi, endage wogoppuwok o. It mbogut paga menggaarak nogo iniki tayenak logonet, inale'nggen mbakwi, Ndi, it mbogut irimbaga lombok menggaarak nogo Ala tiyappugwi, Eeko logowak o,” yinuk, agan wogogwaarak.

1 Tamuwen 10:24

Kogwe iigak, at Tamuwen nen it aakumi nogo yorage logonet, “At Aliku ALA nen aap leenogo mippegerak yi kogop a? At pogom ambi nit ninenggela'me wonogwe abu lek o.” Yorage mbareegi, it nogo nen, “Ninowe endagembogut mondok-mondok logorak nogo yi aret o!” yinuk, keekok piyanggogogwaarak.