Yohanes 9:41 - ALLAH ANE WENW KET MEKE WAROGO WOKNINAKHIKHE WENE

⁴¹ at Yesus nen he, men yogeisasikhe, “Hit hinileken puk dogolepma, hit weak iluk wene hinoba 'bilep dek o. Meke re, hit nen, Nit ninileken hano hekhe lago, iluk ekhe lagap iti nen Allah nen, Hit weak, iluk, wene hinoba 'bekhemo werek o,” iluk yogeisasikhe.

Yohanes 9:41 ပူးပေါင်းရင်းမြစ်များ

Lukas 12:47

Ap atuaneke meke ageikhe akla nen, An noe nen, Itithogon hagarogo 'banilep, iluk akla apekherek meke ilu dogoligat, hagarogo 'bisigidek dogogin halok he, ap iti tugi u werek wasi isigin o.

Lukas 18:14

It sembayan itithogon isukha iti hasik, an wene ageikhe yokhisak. Ap tha nen etaiken siatdakhalok hogorakhekhe halok he, Allah nen thebeldekherek o. Nen ap tha nen etaiken thebeldakhalok, An erlok dek, akla apekhe halok he, Allah nen siatdekherek iti nen, at ap sembayan alebageik ekhe meke iti, Allah nen wene oba meke thagalogo degetdigidek thogotdisikhe. Mekeat he, at ap sembayan yabokane isikhe meke iti anek he, Allah nen wene oba meke thagalogo degetdisikhemo aila lageikhe, iluk yokhisigi,” iluk yogeisasikhe.

Ibrani 10:26

Ebe wene Allah ane yoknisasukha meke ninilu dogoligat, nineram nenat, wene iti thagalogo here'isalok weak motogat hagakhe dogogun halok he, nit yabokane ninako kambing sapi Allah warisumo hotninabigin motok degat o.

Yakobus 4:17

Hit hinakla nen he, “Mot hagasusak he, itithogon,” iluk hinilu dogoligat he, ebe hagakhidek halok he, hit weak hagatluk wene hinoba 'bakhekhe lagap o.