Yohanes 9:4 - ALLAH ANE WENW KET MEKE WAROGO WOKNINAKHIKHE WENE

⁴ ageikhe men yogeisasikhe, “Yabokane o mum asigin o. Itithogon mum agunem, akhuni nen yi meke ti meke hagasusak erlok dek asigin iti nen, at la'ani ageikhe meke hagakherek meke iti, o yogotak o lia werek korlek ya bagaat hagakhe dogouok o.

Yohanes 9:4 ပူးပေါင်းရင်းမြစ်များ

Matius 20:7

it ap emenogo nen, Yabu ageikhe waganuagaluk ninayoko 'bigidek iti nen welago o, iluk yogokhukha. Itithogon yogokhukhama, at ap ayabu iteerek etnogo nen, Halok he, hit hinomat an nayabumo anggur yabumo etoma wagani lani o, iluk inayoko 'bisikhe.

Markus 3:3

Itithogon inileken waganhe korlek, at Yesus nen ap iki lapelek meke etnogo men yogokhikhe, “Hebe, melatluk, tumo ya eme o,” iluk yogokhikhemo

Yohanes 10:32

Itithogon hagakhe lagoukhama, at Yesus nen, men yogeisasikhe, “An nopase nen hano meke doalegat hagasuagaluk nayoko 'bisikhe meke hagakhunem, hinileken neekhe lagap etoma tha'bokhogonat, ageikhe ki hak korlo hagakhi baga nen nebe nasuogoluk hagakhe lagap,” iluk yogeisekhe lageikhemo,

Yohanes 10:37

An nopase nen, Itithogon hagakhe dogono, iluk, nayoko 'biluk la'ani ageikhe meke, ebe hagakhidek dogolema, hit nen nebe hutdaniluk hinetaiken noba hakotdusak erlok dek o.

Yohanes 12:35

Itithogon yogokhukhama, at Yesus nen, men yogeisasikhe, “An nebe o liarinakherek meke etnogo we niki herlekha'bugat ninom dogogun o. Halok he, at tha nen o hibako mummo laga halok he, O koma laga lagei heat, iluk okodegat liliogo iti nen, hit lagunem o mum asinogo, iluk, an o liarinakherek meke ninom werek korlek yaat lia baga laga dogoni o.

Yohanes 17:4

An nen agat oba yi meke ti meke hagasuagaluk meldanhigin etnogo yabu ebe arat hagakhe lagarik tirliphogonat hagakhi iti baga nen kogotdagagi o.

Yohanes 4:34

Itithogon isukhama at Yesus nen, men yogeisasikhe, “At an la'ani ageikhe meke etnogo akla apekherek meke tak-tagat hagakhe lagei iti inom, an hagasuagaluk nayoko bisikhe meke iti yabu ilugun thirliphogon hagasigiluk hagakhe lagei iti inom, an napiri itiat o.

Yohanes 5:19

Itithogon abok palhe lagoukhama, at Yesus nen, ap emenogo wene yigithogon yogeisasikhe, “Yi meke ti meke an nopase nen hagakhunem nileken higidek, an nakla nen kagalogo hagasusak erlok dek iti nen he, an nopase hagakherek meke tak-tagat hagakhe lagei o, iluk eberogonat yokhisigi o.

Yohanes 5:36

an nebe hutdanuagaluk, at nen nabok pilinogo yokhisekhe lageikhe mekeat he, erlok dek negen. At he, an nopase nen, Nayabu ato 'bigidek tha'bokhogon hagatno, iluk nayoko 'bisikhemo hagakhe lagei iti baga anek he, akhuni nen, At ebe opase nen la'i ageikhemo, iluk nabok isinem inasuk holiluk nebe hutdanu hagat, hutdanusak o.

Yohanes 7:33

Itithogon isi korlek, at Yesus nen men yogeisasikhe, “An we, elanma hasik niki pererlagat ninom dogoluk nen, at la'ani ageikhe meke etnogo oba napuke arat ligin o.

Galatia 6:10

Halok he, nit o yogotak hano meke hagasusak erlok welago ya baga, akhuni inebe tha'bokhogonat yomageisekhe dogoligat, kok hakene, ninagarlak lak ninerugi inetaiken Kristus oba hakokthek werek meke hanorogo yomageisekhe dogouok o.

Efesus 5:16

Yogotak ya akhuni inebe doalekmake inobabut weak hagariogei iti nen, hit hinobabut we yugunat alomarogo hagakhe dogunogo iluk, ebekena hano asuak nen iluk hinobabut hano meke itiat hagakhe dogono o.

Kolose 4:5

It akhuni Allah ane inokodek meke hasik he, hit hinakla motok kagalek dogolik, “Nit Allah a'buri hagasusak meke hano asuak nen ya bagaat hagakhe dogouok,” iluk iti mekeat hagakhe dogono.