Yohanes 9:39 - ALLAH ANE WENW KET MEKE WAROGO WOKNINAKHIKHE WENE

³⁹ Itithogon hogorakhikhemo, at Yesus nen, men yogokhikhe, “An nen akhuni aperek inileken puk meke hanorinakhik, it aperek inileken hano meke pugutdisigik, hagakhe dogeigiluk nebe agat oba yoma usa'agagi o,” iluk isinem,

Yohanes 9:39 ပူးပေါင်းရင်းမြစ်များ

Matius 11:5

Inileken puk meke 'bekelogo hano ageik, inae la'belek meke holak lageik, inoba u henako hakene inayuk meke werekma hagarinakhunem hano ageik, inasuk dogou meke inasuk huakhogon holhik, akuni warek meke inilugurinakhik, it aperek inameke dek meke hano wene yakulisigik, hagakhunem hinileken neegep etnogo hutukhogon yogosi lano.

Matius 15:14

Inileken puk dogoligat he, holak lirisiliogei iti thogotdisani o. At ageikhe ileken puk meke nen, at ageikhe itithogon ileken puk meke yogokhe dogolik, Holak yike lu! iluk iki hago wolok ligin halok he, ipisagat hurlugu Karluk waganekma usagun o,” iluk yogeisasikhe.

Matius 6:23

Meke re, hinileken weak halok he, hinebe abisakeat o mum hakeneat dogogun o. Meke re, hinakla o lia hakene meke iti mum aga halok he, eiye! Motok ebenageik mumat welagap o,” iluk yogeisasikhe.

Lukas 1:79

O mummo dogolik watlasusak iti ninayuk, iluk apiliogei etnogo o lia hagarogo 'bisigik, ninobakhe palek ninayuk werekma, Holak yi baga hinetaiken hapukhogon lani iluk, yoknisigik, igin o,” iluk Zakharia nen isikhe.

Lukas 13:30

Meke re, lakhani! It akhuni o yogotak inetaga werek meke iti, yabokane inetaga dek asigin o. Nen, it aperek yogotak inetaga dek werek meke iti yabokane inetaga werek asigin o,” iluk yogeisasikhe.

Lukas 2:34

Nen, at Simeon etnogo nen, “Allah nen hanothinabuak o,” iluk, ane hanorogon yogeisalok, elege etnogo agosa Maria oba men yogokhikhe, “Allah nen he, elege yi baga, it ap Israel meke inebe doalegat, aperek usa'isigik, aperek meldisigik, hagasuagaluk meldisikhe o. At yi akhuni tha'bokhogonat hutduagaluk meldisikhe mekeat he, it akhuni tha'bokhogonat nen, Nina'it o, iluk iliogei etnogo,

Lukas 4:18

“It akhuni inameke motok dek inerlageik meke iti hano wene yi yakulisekhe dogoagaluk meldanhikhemo nogo nen, nopase Etagapogot Agoreke usa'i agama an noba dukthek werek o. Nen, nayoko 'bekhe dogolik men yoknikhikhe, It akhuni iniki herle warek werek meke herle hisalinabigin wene inom, inileken puk meke inileken 'bekelasuagaluk hanorinabigin wene inom, yogeisigik, it akhuni inapma negen thebelogo 'bisiliogei make tilogo inasokneat 'bisigik,

Lukas 7:21

Itithogon yogosi agoukhasik werek korlek itinem, at Yesus nen akhuni u warek meke inom, hinet wakhe lagoukha meke inom, hano hagarinakhik, mokat inobabut weak meke inakla ukisikhesik werekma mukhogo ula'isigik, inileken puk meke hano asuagaluk 'bekelogo hano hagarinakhik, hagakhe lageikhesik

Yohanes 12:31

Yogotak Allah nen, akhuni agat oba meke wene inoba 'bigik, kokhik, hagakhe dogolik, ap etagapogot agat oba meke etnogo mukhogo ula'isigik, hagasigin oba arat asi aga o.

Yohanes 12:46

Nen, it akhuni inetaiken an noba hakotdugun meke tha'bokhogonat, o mum oba dogunogo iluk, liarinabigiluk an nebe liarinakherek meke agat oba yoma usa'agagi o.

Yohanes 3:17

Nen, an Allah a'but agat oba yoma la'ani ageikhe iti, yi akhuni ti akhuni wene inoba 'biluk weagarinabuagaluk la'ani ageikhe 'buk. Meke re, inebe tilinabuagaluk la'ani ageikhe o.

Yohanes 3:19

Nen, Allah nen wene inoba 'bekherek iti ebe yigithogon. An nen lia hagarinakherek meke nebe arat agat oba usa'agagi meke re, akhuni inobabut weak hagakharek iti nen, At lia iti nina'it o. At he, o mum itiat warlok, iluk inakla apegarek.

Yohanes 8:12

Yabokane, at Yesus nen it akhuni emenogo wene ageikhe men yogeisasikhe, “Akhuni agat oba meke liarinakherek iti, anat o. Tha nen an noporlik nekhe dogogin halok he, an nebe lia dogolik inilugurinakherek meke etnogoat woknabigin iti nen, at iti o mummo nekhe dogogin dek o,” iluk ekhe lageikhemo,

Yohanes 8:15

Hit nen wene noba 'bekhe lagap iti, hit akhuni-akhuni wene inoba 'bigik, kokhik, 'begethep hagat, wene noba 'bekhe lagap mekeat, an anek wene akhuni inoba 'bekhe lagei motok dek o.

Yohanes 9:25

at nen men yogeisasikhe, “At ap iti ebe weak hagakherek meke a? Dek a. An nokodek mekeat he, an alebat nen nileken puk welagei meke re, yogotak ya hano agarik welagei iti anek an nilu o,” iluk yogeisasikhemo,

Efesus 5:14

Itithogon lia baga 'bisinem ekagat atluk, lia agarek iti nen he, men egarek iti, “Hat noge ekhe lagan iti, hebe hiluk asin o. Nen, warek hakene welagan iti, hiluk asin o. At Kristus nen liathabigin o,” iluk egarek iti o.

2 Tesalonika 2:10

Itithogon elalinat hagakhe dogolik, ebe wene iti akhuni warlok nen waganumo Allah nen tilinabusak mekeat he, at obabut weak meke iti nen dal-kalhogon hagarinakhunem, it nen, “Ebe wene iti nina'it o,” iluk, ekhe dogogun iti baga weagarinabigin o.

1 Petrus 2:9

Meke re, hit anek he, “At Allah nen hano hagatninabiogo,” iluk abok yogeisilik loagaluk, hinebe o mummo werekma, at ebe elalinat lia motok welagarek oba wisuagaluk hinayoko 'bisikhesik, hti at a'buri asuagaluk wenakhinakhik, at ebe iteerek koktek dogoagaluk meldinagagik, hinukuloak etaga at ekaerek ukuloak etaga meke thalogo 'binagagik, “Nekaerek na'buri,” iluk hinebe wokhinakhik, hagakhikhe iti.

1 Yohanes 2:11

Itithogon mekeat he, tha nen agarlak lak erugi motok a'it welagarek halok he, at ebe o mum oba werek o. Itithogon werekma, mum nen ileken mumetdekhemo ebe o mum oba nekhe dogolik, “Koma laga lagei heat,” okodek obakha palek werek o.