Yohanes 9:35 - ALLAH ANE WENW KET MEKE WAROGO WOKNINAKHIKHE WENE

³⁵ Akhuni nen, “It nen ap etnogo leget abel itikmanke ula'ega,” iluk isukhama, at Yesus asuk hokhikhesik oba nen, yabokane ap etnogo ipisak abuk agoukhasik, men yogokhikhe, “Ap ageikhe ebe abat itaklasi isigin, isukha etnogo, ebe hutdiluk nen hetaiken at oba hakotdegen a?” iluk yogokhikhemo

Yohanes 9:35 ပူးပေါင်းရင်းမြစ်များ

Matius 14:33

Dek ageikhemo, it ku akla welagoukha meke emenogo nen Yesus hogorakhe dogolik, “Hat eberogonat Allah a'but heogo o,” iluk yogokhukha.

Matius 16:16

at Simon Petrus etnogo nen, “Hat hebe, Kristus Allah iluk motok welagarek meke a'but, nit tilninabuagaluk at nen la'isigin iluk abok yoknisasikhe etnogoat o,” iluk yogokhikhe.

Matius 4:3

Itithogon hipiri abu motok werekma, at Iblis inakla kagalik nekherek meke etnogo oba wageikhesik nen, “Hat Allah a'but eberogonat halok he, helekit ethoma hipiri roti meke hakene hagatlasuak nen yogosin o,” iluk yogokhikhemo,

Markus 1:1

At Yesus Kristus Allah a'but wene hano wene hagakhe lageikhe wene yokhisak.

Yohanes 1:18

Akhuni nen Allah ebe inileken motok higidek meke re, at a'but irlagapi itago opase alilu ipisak welageikharek meke iti nenat Allah ebe hutukhogo yakulnisa ageikhe iti.

Yohanes 1:34

at ebe an nileken hutukhogo higirik nen hutdigi o. Itithogon hutdigirik, at iti Allah a'but eberogonat o, iluk, abok hit pakhogo yokhisekhe lagei yi,” iluk yogeisasikhe.

Yohanes 10:36

an nen, Nebe Allah a'but igi iti nen, Allah etaga weagakhe, iluk nenaluk ekhe lagap. Allah nenat nayoko 'biluk eberogonat nebe wenago agat oba yoma la'ani ageikhe mekeat, itithogon nenaluk ekhe lagap.

Yohanes 11:27

at Marta nen he, men yogokhikhe, “Noe. Hat hebe Allah a'but Kristus, Allah nen wenago meldiluk la'isigin isukha etnogo, harat iluk, hutdagagi o,” iluk yogokhikhe.

Yohanes 20:28

Itithogon yogokhikhemo, at Tomas nen, “Eiye! Noe, hebe Hetagapogot Allah at hiigi o,” iluk yogokhikhemo,

Yohanes 20:31

Itithogon meke re, holal waganek werek yi tha'bokhogonat, hit nen, Yesus iti Allah a'but, nit akhuni tilninabuagaluk wenago la'i ageikhe etnogo eberogonat, iluk hutdiluk hinetaiken at oba hakotdiluk, at etaga palhunem hiniluk dogobageik iluk, holal waganogo 'bigi o.

Yohanes 3:36

Halok he, tha nen etaiken Allah a'but oba hakotdiliogo halok, iniluk dogogun meke iti ite agasik werek o. Meke re, tha nen, at a'but iti ane holhidek kolelogo here'isiliogo halok, iniluk motok dogogun meke iti ite asigin dek o. At he, Allah akla aga at oba motok 'biluk dogogin o.

Yohanes 5:14

Itithogon hagakhukhasikmo nen, yabokane at Yesus ap etnogo ipisak Allah ai halekma abuk agoukhasik nen, men yogokhikhe, “Nopase. Yogotak hat hoba u arat dek aga iti yabokane weak kok meke ageikhe hoba asunogo, weak meke ageikhe hagakhun o,” iluk yogokhikhe.

Yohanes 6:69

Nit nen, ninoe hat Allah ekaerek hasik meldageiluk, eberogonat at nen la'agei ageikhemo ilu, hutdagagosik ninetaiken hat hoba hakotdiluk welago,” iluk itithogon yogokhikhemo,

Yohanes 9:22

Itithogon yogeisasukha iti, it ap koktek Yahudi meke nen ekhe dogolik, “It akhuni inebe tomok nen, Ap yi re, Allah nen nit akhuni tilninabuagaluk la'isigin isikhe etnogo Kristus ebe yiat o, iluk pakhogon isi halok, o sembayan egarekma nen lisogo ula'uok o,” iluk wene palhukha meke werek iti nen he, ap iti agosa opase it ap koktek Yahudi meke inayuk nen,

Yohanes 9:34

it nen he, men yogokhukha, “Hat hobabut weagat itaklagagitik, weak motok hagakhetek mekeat, hat nen wene nit yakulnisausak a? Motok erlok dek o,” iluk yogokhukhasik nen, o sembayan egarekma nen iki korlo lisogo leget itikmanke ula'isukha.

La'isasikhe 8:36

Yogorik motok holagarlem usekhe dogolik, i werekma usasukhasik, ap kok etnogo nen, “I werek yi 'bikhan. An ima usa'anusak apekhe lagei. E a? At he, ki meke aban welagei apegen,” iluk yogokhikhemo, [

La'isasikhe 8:37

at Filipus nen, “Noe. Hetaiken opakiat dogolik, Yesus oba hakotdegetik welagan halok he, ima usa'agousagat o,” iluk yogokhikhemo, at ap etnogo nen, “At Yesus Kristus iti, eberogonat Allah a'burat o, iluk nakla apigi,” iluk yogokhikhe.]

La'isasikhe 9:20

Itithogon welagoukha itinemat, o it akhuni Yahudi meke sembayan ekhe lagoukhama ukisikhesik, wene Yesus hasik yogeisekhe dogolik, “At Yesus iti, ebe Allah a'burat o,” iluk yogeisekhe lageikhe.

Roma 10:20

Nen, yabokane Allah nen, wene ageikhe men isikhe, “Akhuni an nebe heraknabiogei dek meke nen, heraknakha o. Nen, akhuni an noba nitema waganhidek meke nen, nebe neoagaluk nekaerek nen inelokhoma winam agei o,” iluk isikhemo, Yesaya nen ayuk motok degat yogeisasikhe.

1 Yohanes 4:15

Tha nen, “Yesus iti Allah a'but,” iluk pakhogon yogeisekherek meke halok, at Allah nen at ipisak hunik motok, nen, at nen Allah ipisak hunik motok, welageikharek o.

1 Yohanes 5:10

Akhuni inetaiken Allah a'but oba hakotdiliogei meke nen he, “Wene iti eberogonat o,” iluk inakla nen hutdiliogei. Itithogon mekeat he, akhuni aperek inetaiken Allah oba hakotdigidek meke nen he, “Wene Allah ekaerek nen a'but hasik abok isikhe wene iti eberogonat,” iluk apigidek dogolik, Allah ekalat ekherek meke negen hagarogo 'biliogei o.

1 Yohanes 5:13

Hit hinetaiken Allah a'but oba hakotdiluk welagap meke hinakla nen he, “Naburlal-haburlal iteerek agosik welago,” iluk hinilu asubageik iluk, wene tha'bokhogonat yi holal waganogo hinoba la'i agei o.

1 Yohanes 5:20

At Allah a'but ninoba usa'ageikhesik, Allah ebeat meke ninilu asuagaluk ninetaiken kagalogo yoknisasikhe. Itithogon yoknisasikhemo, nit he, Allah ebeat meke a'but Yesus Kristus ipisak ninom hunik motok welago. Nen, at Yesus ebe Allah ebeat meke dogolik naburlal-haburlal erlo arat welagarek o.

1 Yohanes 5:5

Akhuni inobabut inikhogat dogolik weak hagakharek meke obatne degetdisalok inobatne ageikharek iti thani nen nogo? Iti nit nen, “Yesus iti Allah a'but,” iluk ninetaiken at oba hakotdogorek meke anegat o.

3 Yohanes 1:10

Itithogon hagariogo iti, ageikhe, ekalat nit ninabok weak iliogo. Itithogon ekhe dogolik, akla nen he, “An hagakhe lagei iti, herlekha'bugat. Nakla nen erlok dek. Yabokane ageikhe inomat hagasiginat o,” iluk apekhe dogolik, it Allah a'buri aperek wagunem, at ekaerek nen woginakhidek dogolik, it aperek nen woginabuogoluk hagakhunem wenageisalok, inebe Allah a'buri natogokharekma nen mukhogo ula'isekheregat iti nen, an nebe witluk nen, at hagariogo meke iti hutduagaluk ekarli wasigin o.