Yohanes 9:3 - ALLAH ANE WENW KET MEKE WAROGO WOKNINAKHIKHE WENE

³ at Yesus nen he, men yogeisasikhe, “Erlo ap yi men, agosa opase men, weak hagakhukha baga ileken puk itaklageikhe 'buk. Meke re, Allah nen ap yi hano hagakhunem akhuni nen inileken halok, at Allah nen hagakherek meke inilu asuagaluk itaklageikhemo o,” iluk yogeisasikhesik nen,

Yohanes 9:3 ပူးပေါင်းရင်းမြစ်များ

Matius 11:5

Inileken puk meke 'bekelogo hano ageik, inae la'belek meke holak lageik, inoba u henako hakene inayuk meke werekma hagarinakhunem hano ageik, inasuk dogou meke inasuk huakhogon holhik, akuni warek meke inilugurinakhik, it aperek inameke dek meke hano wene yakulisigik, hagakhunem hinileken neegep etnogo hutukhogon yogosi lano.

Yohanes 11:4

at Yesus yogosi lagoukha. Yogosi lagoukhama, asuk holhikhesik nen, men yogeisasikhe, “U warek iti nen, at ebe motok watlasigin 'buk. An nen hagakhunem, akhuni nen Allah ebe hogorakhik, a'but an hogotnakhik, hagasuagaluk, u warogo 'bekhemo werek iti o,” iluk yogeisasikhe.

Yohanes 11:40

at Yesus nen, men yogokhikhe, “An nen wene yokhekhe dogolik, Hetaiken an noba hakotdegen halok he, Allah hogorakharek meke etnogo ageikhe hagakhunem hileken higinat o, iluk, arat yokhikhidegat? Yokhikhiat o,” iluk yogokhikhemo,

La'isasikhe 28:4

Iki baga hunik werekma, akhuni inaierek meke emenogo inileken halok, it-it ekhe dogolik, “Ap yi akhuni inakherek meke o. Ima nen tilogo dukhi aga mekeat he, su inamokareke etaga Ukum, akhuni inebe inakherek meke etnogo nen, At ebe iluk dogosak dek, iluk, wakhe yi,” iluk isukha.

La'isasikhe 4:21

Itithogon yogeisasukhama, ap etnogo elalin hagakhukha iti hasik, akhuni tha'bokhogonat nen Allah hogorakhe lagoukha iti nen, ukum nikithogon inoba 'bu heat hagatlageikhemo, inasuk anek yabokane warogo werlegat ula'isasukha.

1 Yohanes 4:16

Nit nen, “Allah nen akmutninakherek iti hutdogosik eberogonat,” iluk apekhe lago. At obabut akmutninakho motok welagarek iti nen, tha nen obabut akhuni akmurinakho motogat welagarek halok he, Allah nen at ipisak hunik motok, nen, at nen Allah ipisak hunik motok, welageikharek.

1 Yohanes 4:9

Meke re, Allah nen, “Hit hinebe nakmu welagei,” iluk thelekmatdigiluk, a'but opakiat itago etnogo nen, ninilugutninabuagaluk agat oba usa'i ageikhe iti o.