Yohanes 9:28 - ALLAH ANE WENW KET MEKE WAROGO WOKNINAKHIKHE WENE

²⁸ it nen inane sagun yogokhe dogolik, “Hat at agot agatik ekhe lagan higi. Nit he, ap Musa agarumi welago o.

Yohanes 9:28 ပူးပေါင်းရင်းမြစ်များ

Matius 27:39

Itithogon arat o baga meldisasukhama werekma, akhuni inapmake lageik, wageik, inut kinik inut konok hagakhe dogolik Yesus men yogokhe lagoukha,

Matius 5:11

Hit aban werek korlek, haganeat it ap Allah ane yogeisekhe lagoukha meke weagarinakhe lagoukha hagat, hit an nebe hasik, it akhuni aperek nen wenakhisigik, weagathinakhik, inekalat nenat hinabok palhe dogolik, yi weak ti weak hinoba 'bigik, hagakho halok he, hinakla arleken akhekhe dogosagat o. Yabokane ninopase pogot ona meke nen oko kok meke woknisagein iluk, hinakla hano ageik, hinakla arleken akhigik, kokhogon hagakhe dogono,” iluk yogeisasikhe.

Yohanes 7:19

Nen, Allah nen wene ninasuk wakhikhe wene iti, Musa nen holal waganogo wokhisasikhe dek nogo? Wokhisasikheat apigi. Meke re, ap hit meke ageikhe nen wene iti mothogon hagakhidek dogolik an nasuogoluk abok palhe lagap iti nenaluk,” iluk yogeisasikhemo,

Yohanes 9:34

it nen he, men yogokhukha, “Hat hobabut weagat itaklagagitik, weak motok hagakhetek mekeat, hat nen wene nit yakulnisausak a? Motok erlok dek o,” iluk yogokhukhasik nen, o sembayan egarekma nen iki korlo lisogo leget itikmanke ula'isukha.

Roma 2:17

Itithogon mekeat he, hit nen, “Nit ninebe Yahudi ebe Yahudi meke,” iluk ekhe dogolik, hinetaiken wene Allah nen ninasuk wakhikhe wene etnogo baga hakotdiluk dogolik, “Allah iti nit ninopase o,” iluk hogorakhekhe lagap yoma re!

1 Korintus 4:12

Itithogon nekhe dogolik, yi meke ti meke horlauwogoluk, yabu niniki baga nen, ninobatnerogon waganogo horlogorek. Akhuni nen homan 'binanhunem, nit nen inalonerinakhik, yi aik ti aik hagatninakhunem, ninobakhanini hapugutdiluk welageik,

1 Korintus 6:10

iniki abusak waganharek meke inom, inamikmak weak hagakharek meke inom, apusu hunu-hunu asuogoluk nekarek meke etnogo nasi motok welageikharek meke inom, inabok weak wene inekalat inoba 'bisegarek meke inom, nukhetdisegarek meke inom, it akhuni itithogon hagakharek meke iti tha'bokhogonat Allah apma 'bisekherekma iti iteerek asugun motok dek o.

1 Petrus 2:23

Akhuni nen inane sagun weak yogokhe korlegat, at nen oko ane sagun yogeisigidegat. It nen yi aik ti aik hagakho korlegat, at nen, “An yabokane oko ageikhe hinasigin,” iluk yogeisekhe lageikhe degat. At he, “Allah nen wene inoba 'bigik, kokhik, mothogon hagasigin meke werek o,” iluk, at iki baga 'biluk, ane oko igidek huk aga lageikhe.