Yohanes 9:24 - ALLAH ANE WENW KET MEKE WAROGO WOKNINAKHIKHE WENE

²⁴ Itithogon isukhama it nen ap alebat ileken puk itaklageikhesik welageikhe meke etnogo yabokane waekhukhama wageikhemo, men yogokhukha, “Ap iti ebe weak hagakherek meke nit ninilumo, hat hekaerek nen hane eberogonat Allah etaga hupuk palogo yoknisan o,” iluk yogokhukhama,

Yohanes 9:24 ပူးပေါင်းရင်းမြစ်များ

Markus 15:27

Yesus ebe o baga turlem itithogon meldisukhasik nen, it ap inebe pere akhuni inameke iniki abusak waganhe lagoukha meke, ageikhe iki ebeke, ageikhe iki paike, inom meldisalok inakhukhaat. [

Lukas 15:2

Itithogon wagoukha meke re, it ap Farisi meke men, it ap Allah ane holal waganek iteerek meke men, inileken 'birisalok inane kurlu-kurlu ekhe dogolik, men isukha, “Ap yi nen akhuni weak hagariogei meke woginakherethek hipiri inom opakimo nekharek iti, nayuk e!” iluk isukhama nen,

Lukas 19:7

Yesus ipisak lagunem, it akhuni tha'bokhogonat nen inileken lageisalok, ua palogo inane kurlu-kurlu inabok palhe dogolik, men isukha, “Yesus nen, ap weak hagariogo meke etnogo aila ipisak noge i luogoluk liliogei iti nayuk o!” iluk isukhama mekeat,

Lukas 7:39

Itithogon hagakhunem, ap Farisi meke nen, Yesus ipisak hipiri nuogoluk ayoko 'bisikhe meke etnogo akla nen men apasikhe, “Ap yi Allah ane yogeisekherek meke dogolepma re, He yi weak hagakherek meke nen iki hakneekhe, iluk ekagat hutdilep o,” iluk itithogon akla apasinem,

Yohanes 14:30

Akhuni agat oba meke inoe kok etnogo ebe wiriogo iti nen he, an wene doalegat yokhisagein dek o. At iti wisigin mekeat he, an at iki baga welageidek o.

Yohanes 16:2

Akhuni nen o sembayan egarekma nen hit hiniki korlo lisogo ula'inagagunat o. Nen, yabokane it akhuni hit hinasugun meke inebe dopok inakla nen he, Allah hasik hano inakho, iluk, ugun meke weregat o.

Yohanes 18:30

it nen, men yogokhukha, “At weak hagakhidek dogolepma re, hat hoba wolok wetlo degat o,” iluk yogokhukha,

Yohanes 19:6

it ap Allah iteerek meke inougi koktek men, it ap Allah ai halek therogo welageikharek meke men, Yesus inileken hasukhasik inaneak kogat walhe dogolik, “At ebe o baga meldiluk watno o! O baga meldiluk watno o” iluk inane obatnerogonat yogokhukhama, at Pilatus nen, men yogeisasikhe, “An nen, at weak hagakhe meke ageikhe higi motok dek iti nen, hit hinekaerek hinoba dopok at ebe waganogo o baga meldiluk watno o,” iluk yogeisasikhemo

Yohanes 8:46

An nen weak hagakhunem, hit aperek nen hinileken neegep halok he, yoknitni ta. Dek o. An nen wene ebe weneat yakulhisekhe korlek, hutdekhe lagap dek iti nenaluk.

Yohanes 8:49

at Yesus nen, men yogeisasikhe, “An mokat obabut weak meke nakla ukigidek o. An nen nopase hogorakho korlek mekeat, hit nen an netaga weak hagarogo 'bekhe lagap o.

Yohanes 9:16

it ap Farisi meke aperek nen he, men isukha, “Niniki 7 baga Allah hasik werlegat dogosak iluk, wene palek meke iti thagalogo 'bekhesik hagakhe iti nen, at ebe Allah werekma nen wageikhe meke re, dek o,” iluk isukha mekeat he, it ap aperek nen, “At ebe weak hagakherek meke dogolepma, wene hutduagaluk elalin meke yigithogon hagasusak a? Dek o,” iluk it inakla itithogon inasokhotek tomok apasukhasik inaneak thagalogo inebe mikikhukha iti.

Yohanes 9:25

at nen men yogeisasikhe, “At ap iti ebe weak hagakherek meke a? Dek a. An nokodek mekeat he, an alebat nen nileken puk welagei meke re, yogotak ya hano agarik welagei iti anek an nilu o,” iluk yogeisasikhemo,

Roma 8:3

Alep he, wene Allah nen ninasuk wakhikhe wene etnogo, nit akhuni ninobabut ninobatne dek iti nen, hano hagatninabusak erlok dek ageikhe. Erlok dek ageikhemo, nit akhuni ninobabut weak hagakho werekma, Allah ekaerek a'but nit hakene hagatlatluk, nit weak hagakhorek meke iti wene oba 'biluk obatne degetdisoagaluk la'i ageikhemo obatne degetdisikhe iti.

2 Korintus 5:21

Nit Kristus ninom hunekho halok, at Allah nen ekaerek ninom hano ninapuke dapukhogon 'binanigiluk, nit ninobasigat nit ninobabut weak hagakhorek meke iti, at Kristus weak hagakhidek meke oba 'bisikhe iti o.

A'bikaka 11:13

Etanem, dugul kok inayuk meke ageikhe luk-lagathekhe dogolik, o kota iti ebe 10 baga mikirlogo 'biluk, kokmake here'ekhe dogolik, opakiat ageikhe motok misak dapukhogon 'bekhe dogolik, akhuni inebe 7.000 baga inakhunem, it ebetlake inakhidek meke inayuk motok kogat atluk, it nen, “Allah pogot oba meke nayuk,” iluk hogorakhunem hisigi o.