Yohanes 9:11 - ALLAH ANE WENW KET MEKE WAROGO WOKNINAKHIKHE WENE

¹¹ at ap etnogo nen men yogeisasikhe, “At etaga Yesus egarek etnogo nen agat meke iki nen 'bisi negen hagarogo nileken oba dabuldanhesik men yoknekhe, I Siloam yekelekma ili baga helokhoken thobali lan o, iluk yoknekhemo, at nen yoknekhe hagat, lagarik arat thobalhima, nileken hano aga o,” iluk yogeisasikhemo,

Yohanes 9:11 ပူးပေါင်းရင်းမြစ်များ

Lukas 13:4

Nen, hit hinakla nen, O Yerusalem i yekelekma Siloam etoma o helekit meke uanat perlarik dageisukhasikmo, misalogo usa'aga dogolik, inebe 18 oba al debelogo thebelinakhikhe etnogo re, it akhuni ebetlake tha'bokhogonat o Yerusalem welageikharek meke iti, weak herlekha'bugat negen hagakhe korlek, it al debelogo thebelinakhikhe iti anek, weak kogat hagakhe lagoukhama inobabut nen thebelinakhikhe apegep a?

Yohanes 9:10

it nen at oba hinok waganhe dogolik, “Nikithogon nen hileken hano aga,” iluk yogokhukhama,

Yohanes 9:12

it nen at yogokhe dogolik, “Ap iti ebe koma werek?” iluk isukhama at nen, “An nokodek o,” iluk yogeisasikhe.

Yohanes 9:27

at nen, men yogeisasikhe, “Wene haganeat arat yokhisigi mekeat, hinasuk holusak hina'it hagakhe dogolik nen, yabokane hinasuk holuogoluk ekhe lagap iti nenaluk. Hit at agarumi asusak warlok nen ekhe lagap a? E a,” iluk yogeisasikhemo,