Yohanes 8:6 - ALLAH ANE WENW KET MEKE WAROGO WOKNINAKHIKHE WENE

⁶ Wene itithogon yogokhukha meke, Yesus ape baga wene oko isinem ekarli warogo wene oba 'buogoluk isukha mekeat, at ut thoma iluk iki sisik nen agat oba holal waganhikhe.

Yohanes 8:6 ပူးပေါင်းရင်းမြစ်များ

Matius 10:16

Itithogon yogeisasikhesik ageikhe men yogeisasikhe, “An nen he, hit yi re, hinobabut domba obabut hakene meke, it akhuni inobabut yeke helo yeke obabut weak meke hakene meke inakerlekla hiakhogo la'inagaginmo iti, hit hinobabut warlo obabut hagakharek iti hak hinobabut hinomarlik-hinomarlokhogon hagakhik, thue yogeik hagakherek hakene, hinobabut enago welageik, hagakhe dogono.

Matius 15:23

at Yesus nen oko motok yogokhidek huk ageikhemo, it ap at ane waganhe lagoukha meke emenogo wagoukhasik nen, “He yi ninoporlik waga dogolik ane motok apik ninoba wiriogo yi re, werlekma horla loak nen la'isan o,” iluk yogokhukha.

Matius 16:1

Dukhi ageikhesik werekma, it ap Farisi meke inom, it ap Saduki meke inom, Yesus obabut paluogoluk oba wagoukhasik, men yogokhukha, “Hat hebe hopase Allah pogot oba meke nen usa'agei agama wagan halok he, nit nen hutdaguok nen ninil oba elalin meke ageikhe hagasin ta,” iluk yogokhukha.

Matius 19:3

U hano hagarinakhe korlek, it ap Farisi meke aperek wagoukhasik nen, Yesus obabut paluogoluk men yogokhukha, “Ap nen he, he waganek meke iti, wene kok meke, 'bugurlagat meke, oba 'bekhe dogolik, Na'it, iluk lologo here'isausak erlok a? Erlok dek a,” iluk yogokhukhama,

Matius 22:18

at Yesus nen it ap inobabut weak ekagat palhikhesik nen, “Hit hinoado baga anek hano thalek dogolik, hinetaiken pere meke yi re! Nenaluk nobabut paluogoluk hagakhe lagap.

Matius 22:35

ap ageikhe Allah ane holal waganek yakulisekhe lageikhe meke nen, Yesus obabut paligiluk oba hinok waganhe dogolik, men yogokhikhe,

Matius 26:63

at Yesus ane igidek thogotdisikhemo, at ap kok Allah iteerek meke etnogo nen he, “Allah a'but Kristus la'isigin isukha etnogo, ebe hat halok he, yoknisanok iluk, at Allah iluk motok welagarek meke etaga hupuk palogo yokhikhi o,” iluk yogokhikhemo,

Markus 10:2

Yakulisugunem, ap Farisi meke aperek Yesus oba wagoukhaat. Wagoukhasik men yogokhukha, “Yesus. Ap nen, he waganek meke lologo here'isausak erlok a? Erlok dek a,” iluk obabut paluogoluk hinok waganhukha.

Markus 12:15

at Yesus nen, “It ap yi an nukhetdanuogoluk inane 'bitokhogon yoknekha,” iluk inobabut ekagat palhikhesik nen, men yogeisasikhe, “An nobabut paluogoluk egep iti nenaluk. Uang perak yabu iniki opaki hasik hagakhunem iniki oko wogeisegarek etnogo meke ageikhe nileken hak nen, wagani lani o,” iluk yogeisasikhemo,

Markus 3:2

Itithogon werekma ukisikhemo nen, it ap aperek inakla nen men apasukha, “Yogotak he, niniki 7 baga Allah hasik werlegat dogolik, at nen ap ithi hano hagasigin a? Dek a. Hagakhe halok he, Hat weak hagakhen, iluk, wene oba 'buok o,” iluk inileken waganhe lagoukha.

Markus 8:11

At Yesus lak o Dalmanuta itali agoukhama ap Farisi meke aperek Yesus inom wenekak ekhe dogolik obabut paluogoluk, oba wagoukhasik, men yogokhukha, “Hat hebe Allah nen la'agei agama wagan halok he, nit nen hutdaguok nen, hat nen elalin meke ageikhe hagasin ta,” iluk yogokhukha.

Lukas 10:25

Wene itithogon yogeisekhe lageikhemo nen, yabokane ap Allah ane holal waganek yakulisekhe lageikhe meke ageikhe Yesus obabut paligiluk oba wageikhesik, men yogokhikhe, “Noe. An niluk motok dogeik nen, nobabut nikithogon hagakhe dogeik,” iluk yogokhikhemo,

Lukas 11:16

it aperek nen, at Yesus obabut paluogoluk, men yogokhukha, “Hat hebe Allah nen la'agei agama wagan halok he, nit nen hutdaguok nen, hat nen elalin meke ageihe hagasin ta,” iluk yogokhukha.

Yohanes 8:2

Dageisikhesik, hubuluke hubenat siakhogon usa'ageikhesik, Allah ai halekma ukisikhemo, akhuni doalegat at oba wagoukhama, at ebe hurek lageikhesik nen, wene yakulisasikhe.

1 Korintus 10:9

Nen, akhuni it meke aperek nen, “Ninopase Etagapogot akla aga werek nogo a?” iluk daluogoluk hagakhe lagoukhama, warlo aik nen palinakhe lageikhemo,watlarik lagoukha iti hak, nit ninasinogo iluk itithogon hagasusak motok dek o.