Yohanes 8:47 - ALLAH ANE WENW KET MEKE WAROGO WOKNINAKHIKHE WENE

⁴⁷ Tha nen ebe Allah meke halok, Allah ane iti asuk hokherek mekeat, hit he, hinebe allah meke 'buk. Ninat meke iti nen he, at ane hinasuk holusak hina'it iti o,” iluk yogeisasikhe.

Yohanes 8:47 ပူးပေါင်းရင်းမြစ်များ

Yohanes 12:48

At he, at iti an nebe woknabu a'irat, nen nane hanorogon waganusak a'irat, iti nen, at iti wene oba 'bigin meke werek o. Wene oba 'bigin iti, o ilugun hurli baga karelinabigin iti nen, an nen wene yokhisekhe lagei iti bagaat wene oba asigin o, iluk itithogon yokhisekhe lagei iti,

Yohanes 18:37

at Pilatus nen, “Halok he, hat eberogonat kok hetagapogorat a?” iluk ekhe lageikhemo, at Yesus nen, men yogokhikhe, “An nebe kok netagapogot hat egen itiat o. Iti hasigat an nen ebe wene abok pakhogon yogeisekhe dogeigiluk nebe agat oba yoma itaklasi usa'agagi o. Akhuni wene ebe wene iti werekmake asi lageikha meke inebe dopok an nane inasuk holiogei o,” iluk yogokhe lageikhemo,

Yohanes 5:25

Nen, akhuni warek meke nen, an Allah a'but nane inasuk holugun oba aban werek mekeat he, arat asi agasik werek o. It nane inasuk holugun meke halok, iniluk atluk iniluk motok dogogun o, iluk, eberogonat yokhisigi o.

Yohanes 6:65

Itithogon yogeisasikhesik nen, wene ageikhe men yogeisasikhe, “Itithogon iluk, an nen, Akhuni Allah nen inakla kagalhidek halok, an noba wisusak erlok dek iti nen, wene itithogon yokhisigi o,” iluk yogeisasikhe.

Yohanes 8:37

Itithogon yogeisasikhesik, ageikhe men yogeisasikhe, “Meke re, hit he, ap Abraham nen itago meke welagap iluk, iti an nilu o. Mekeat he, hit hinakla nen an nane waganusak hina'it motok iti nen, hit nenat an nebe nasuogoluk nabok palhe lagap iti.

Yohanes 8:43

Itithogon wagagisik wene yokhisekhe lagei meke hit hutdigidek welagap iti nenaluk. Itithogon welagap iti, an nane holek dogosak hina'it iti nen, hutdigidek welagap o.

Yohanes 8:45

Mekeat he, an nen wene ebe wene yokhisekhe lagei iti nenat, hit nen, Eberogonat, iluk hutdekhe lagap dek.

1 Yohanes 3:10

Allah a'buri inom, Iblis a'buri inom, ninetai ekerlogo inobabut ekagat hagatlariogo yi. Tha nen obabut mothogon hagakhidegat, agarlak lak erugi akmurinakhidegat, hagariogo halok, at iti ebe Allah a'but dek o.

1 Yohanes 5:1

Akhuni nen he, “Yesus iti Allah nen ayoko 'biluk la'i ageikhe meke eberogonat Kristus etnogoat o,” iluk inetaiken at oba hakotdegarek meke inebe tomok he, Allah nen itaginakhemo, at a'buri werek o. Nen, nit ninopase Allah ninakmurogon dogolik halok he, at a'buri itago meke iti ninakmurogon dogosagat o.

2 Yohanes 1:9

Tha nen wene Kristus nen yakulnisasikhe wene iti baga dukhogon hagakho welageidek, ninat meke hagakherek halok he, Allah ebe iteerek ageidek werek o. Itithogon mekeat he, tha nen wene Kristus nen yakulnisasikhe wene iti baga dukhogon hagakho dogogin halok he, ninopase Allah inom, a'but Yesus inom, ipisak iteerek agasik werek o.

3 Yohanes 1:11

Nagarlak o. Hebe nakmu. Hat nen he, it akhuni inobabut weak hagakharek meke iti, inobabut waganhun o. It inobabut hano hagakharek meke halok, inobabut waganhe dogono o. Tha nen obabut hano anek hagakherek meke iti ebe Allah a'but mekeat he, tha nen obabut weak anek hagakherek meke halok, at nen Allah ebe ileken hekerek dek okodek o.