Yohanes 8:39 - ALLAH ANE WENW KET MEKE WAROGO WOKNINAKHIKHE WENE

³⁹ Itithogon yogeisekhe lageikhemo, it nen, “A! Nit ninopase Abraham at ha yoma re,” iluk isukhama, at Yesus nen he, men yogeisasikhe, “Hit hinebe Abraham nen itago meke eberogonat dogolepma, Abraham hagakhe lageikhe mekeat hagakhe dogolep o.

Yohanes 8:39 ပူးပေါင်းရင်းမြစ်များ

Matius 3:9

Nen, hinakla nen, Abraham iti nit ninopase iluk, apugup o. At Allah nen Abraham a'buri negen helekit yi meke erlok hagasusak o.

Yohanes 8:33

it nen he, men yogokhukha, “Nit he, ap Abraham nen itago meke yoma, ninebe akhuni aperek nen thebelogo 'binaniluk inatuaneke ageidek meke anek welago mekeat he, hat nen ekhe dogolik, Hinebe herle hisalogo hinasokne 'binagagin o, iluk egen iti hakla nikithogon apegetik nen egen?” iluk yogokhukhama,

Yohanes 8:37

Itithogon yogeisasikhesik, ageikhe men yogeisasikhe, “Meke re, hit he, ap Abraham nen itago meke welagap iluk, iti an nilu o. Mekeat he, hit hinakla nen an nane waganusak hina'it motok iti nen, hit nenat an nebe nasuogoluk nabok palhe lagap iti.

Yohanes 8:43

Itithogon wagagisik wene yokhisekhe lagei meke hit hutdigidek welagap iti nenaluk. Itithogon welagap iti, an nane holek dogosak hina'it iti nen, hutdigidek welagap o.

Yohanes 8:56

Nen, hit hinopa Abraham etnogo nen, an wisigin hasik ekhe dogolik, At wagunem nileken higin, iluk an narlik halhe lageikhesikmo nogo nen, ileken arat neasikhesik akla arleken akhekhe,” iluk yogeisekhe lageikhemo,

Roma 4:12

Ninopa Abraham iti oado aperlagap meke itithogon palek dek dogolik, etaiken Allah oba hakotdisikhe hak, nit ninoado meke itithogon anek palek halok, Abraham ninopa usak erlok dek o. At he, Abraham obabut waganogo ninetaiken itithogon Allah oba hakotdogo meke halok, Abraham ninopa usagat o.

Roma 4:16

Halok he, Allah obabut hano nen werlegat woknisekherek, iluk uagaluk nen, ninetaiken at oba hakotdisinem abok isikhe meke iti, woknisekherek iti. Nit at nen itago meke wene Allah nen ninasuk wakhikhe wene iti hologo mothogon hagakhe dogolik, ninetaiken Allah oba hakotdogorek meke anek woknisekherek 'buk. Abraham it aperek ninom tha'bokhogonat ninopasema re, it iti at Abraham etaiken Allah oba hakotdisikhe iti hak, inetaiken Allah oba hakotdegarek meke wogeisegaregat o.

Roma 9:7

At Allah nen wene Abraham men yogokhikhe, “An nen Ishak nen itago meke anek hat ha'buri iluk ekhe dogogin o,” iluk yogokhikhe iti nen, Abraham nen itago meke tha'bokhogonat nen, Allah a'buri usak 'buk. Dek o.

Galatia 3:29

Hit hinebe Kristus meke halok he, hinebe Abraham nen itago meke welagap. Halok he, Allah nen Abraham abok yogokhikhe meke etnogo, hit wokhisausak morat o.

Galatia 3:7

Iti nenat, hit hinakla nen, Abraham a'buri ebeat meke, it akhuni inetaiken Allah baga hakotdiluk welageikharek meke itiat o, iluk hutdusak.