Yohanes 8:29 - ALLAH ANE WENW KET MEKE WAROGO WOKNINAKHIKHE WENE

²⁹ At la'ani ageikhe meke etnogo, oba hotokhogon ekherek meke anek an nen hagakherek iti nen, at nen an nebe kolelogo thogotdanhidek nipisak hunik motok welagorek o,” iluk yogeisasikhe.

Yohanes 8:29 ပူးပေါင်းရင်းမြစ်များ

Matius 17:5

Itithogon yogokhunem eranogoat, oisa kut meke thebelinabi ageikhesik, Allah ane oisa etnogo akla nen men yogeisasikhe, “An na'but netaiken hunik meke noba hotok egerek ebe ithiat o. Halok he, at ane holek dogono o,” iluk yogeisasikhemo,

Matius 3:15

Yogokhikhemo, at Yesus nen, “An usa'anusagat o. At Allah nenat yi hasik ti hasik itithogon hagasuagaluk apekherek tak-tagat hagatnabusak o,” iluk isikhemo, “I o,” iluk

Matius 3:17

Oba duk i ageikhemo, Allah ane pogot oba nen, “An na'but netaiken hunik dogolik noba hotok egerek ebe ithiat o,” iluk ane usa'i ageikhe.

Yohanes 14:31

Itithogon mekeat he, an nopase netaiken hunik welagarek iti akhuni agat oba meke inilu asuagaluk, an nopase nen nasuk warogo yoknekherek mekeat hagakhe lagei o,” iluk yogeisasikhesik nen, “Nagarumi. Luok nen melatni o,” iluk yogeisasikhe.

Yohanes 15:10

Nen, an nopase nen, Yigithogon hagatno, tigithogon hagatno, iluk nasuk warogo yoknikhikhe meke iti, an nen at ane hologo hagakhunem, at nen an etaiken hunik welagarek iti hak, hit itithogonat, an nen hit hinasuk warogo, Yigithogon hagatno, tigithogon hagatno, iluk yokhisekhe lagei meke iti, hit nen an nane hologo hagakhe dogogun halok, an nen hit netaiken hunik dogogin o.

Yohanes 16:32

Itithogon yogeisasikhesik nen, ageikhe men yogeisasikhe, “Hit tha'bokhogonat thirlik-pirlikhogon mukhisaumo, an narligat here'aniluk hinailake tomok lo lugun oba aban welago meke re, yogotak arat asi aga o. Hit itithogon thirlik-pirlikhogon lamo, an nopase nipisak dogogun iti nen, narligat dogogin dek o, iluk eberogonat yokhisigi o,” iluk yogeisasikhesik,

Yohanes 17:4

An nen agat oba yi meke ti meke hagasuagaluk meldanhigin etnogo yabu ebe arat hagakhe lagarik tirliphogonat hagakhi iti baga nen kogotdagagi o.

Yohanes 4:34

Itithogon isukhama at Yesus nen, men yogeisasikhe, “At an la'ani ageikhe meke etnogo akla apekherek meke tak-tagat hagakhe lagei iti inom, an hagasuagaluk nayoko bisikhe meke iti yabu ilugun thirliphogon hagasigiluk hagakhe lagei iti inom, an napiri itiat o.

Yohanes 5:30

Itithogon yogeisasikhesik nen, wene ageikhe men yogeisasikhe, “An narligat nakla nen kagalogo yi meke ti meke hagasusak erlok dek iti nen, an nen nakla apalok hagakhe lagei dek o. At an la'ani ageikhe meke akla apekherek meke hagasigiluk hagakhe lagei iti nen, nopase ane mutlugat, akhuni oak denogo wene inoba 'bigik, kokhik, hagakhe lagei iti, mothogonat hagakhe lagei o,” iluk yogeisasikhe.

Yohanes 8:16

Meke re, an nen wene inoba 'bilema re, iti an narligat nen dek o. Nopase nen la'ani ageikhe meke etnogo nipisagat dogolik hagakhe lagei iti nen, wene mothogon akhuni inoba 'bile o.

2 Timotius 4:17

Itithogonat meke re, an nen ebe wene hutukhogon yogeisugunem, it itikmanke meke inebe tha'bokhogonat inasuk holuagaluk, ninoe Etagapogot an nalilu dogolik, nobatnetnakhesik, singa helo yeke hakene anini weak meke etnogo apema werekma tilnabu hak, nasusak meke tilnakhe iti o.

2 Timotius 4:22

Ninoe Etagapogot hetaikenma thekharik dogolik he, at obabut hano etnogo nen, hinebe tha'bokhogonat hakhisik dogoak o.

Ibrani 4:15

Nit ninoe kok Allah iteerek welagarek iti, nit ninobatne dek erlok dek iti, at okodek 'buk. At nit ninobabut waganhikhesik werekma, nit weak hagasuagaluk weak meke etnogo nen ninakla kagalherek hak, at itithogonat yi meke ti meke hasik akla kagali aga lageikhe mekeat he, at weak ageikhe hagakhidek dogolik ninobabut ilu o.

Ibrani 7:26

Nit ninakla nen, “Ap ageikhe Allah iteerek nit ninobasik hano 'bogokhogon yigithogon kok dogolik hagakhe dogolep e,” iluk apogorek mekeat he, Allah nen ninoe Yesus itiat meldisikhemo werek o. At obabut weak korlo ageikhe hagakhidek, hano karelek motok werekma, akhuni weak hagakharek meke inakla nen karelogo pogot abel upuke upu eloma lia'isikhemo nit ninobasik werek o.

1 Yohanes 2:1

Nen, na'buri o. Hit weak hagakhe dogunogo iluk, wene yi holal waganogo hinoba la'i agei o. Itithogonat mekeat he, tha nen weak hagakhe halok, ninopase Allah werekma nit yomaknisekherek meke ap ageikhe turlem heisogo werek. At iti ebe Yesus Kristus obabut mot hagakherek meke etnogoat o.

1 Yohanes 3:22

at nen wene ninasuk wakhikhe wene mothogon hagakhik, at ilhanem akla hanorogon anek hagakhik, hagakhe lago iti nen, nit yi meke ti meke kino yogokhunem, at nen woknisiliogo.