Yohanes 8:28 - ALLAH ANE WENW KET MEKE WAROGO WOKNINAKHIKHE WENE

²⁸ Itithogon hutdigidek werek korlek, at nen, men yogeisasikhe, “An abat itaklasi agagi etnogo, hit nen an nebe o baga meldanugun itinem, hit nen, Ikhok motok welagarek meke etnogo ebe yiat o. At nen wene yoknisekhe dogolik, akla nen kagalogo igidek. At opase nen yakulekherek meke anek yoknisekhe lagama, iluk, hinilu asugun o.

Yohanes 8:28 ပူးပေါင်းရင်းမြစ်များ

Matius 24:5

Akhuni inebe doalegat nen inetaga an netaga meke thalogo nen men ilik wisugun, Kristus etnogo nebe wagei yiat o, iluk, inane eberogonat thalek akhuni doalegat nukherinabisugun o.

Markus 13:6

Akhuni inebe doalegat nen inetaga an netaga meke thalogo nen men ilik wisugun, At wisigin isukha etnogo an nebe wagei yiat o, iluk inane eberogonat thalek akhuni doalegat nukherinabisugun.

Lukas 21:8

at Yesus nen, men yogeisasikhe, “Akhuni nen nukhetdinageinogo nen, hinobabut hebelogo dogono o. It akhuni inebe doalegat nen, inetaga an netaga meke thalogo nen men ilik wisugun, At wisigin isukha etnogo an nebe wagei yiat o, igik, Hagatlasigin etnogo arat hakok i aga, igik, ilik wisugun etnaga, it iti inane hinasuk holiluk inoporlik lagup o.

Yohanes 11:42

An nen hat kino yokhugunem, nane hasuk holhetek etnogo, an nilu mekeat, it akhuni yoma nen, hat nen an la'ani agagin iti nebe hutdanuagaluk yokhikhi o, nopase,” iluk isikhesik nen,

Yohanes 13:19

Wene iti yabokane arat eberogonat hagatlaga halok, At ikhok motok welagarek meke etnogo arat o, iluk hutdanubageik nen iluk, yogotak wene iti aban hagatlageidek werek korlek abok yokhisigi o,” iluk yogeisasikhesik nen, wene ageikhe men yogeisasikhe,

Yohanes 16:10

Nen, ageikhe, an nopase werekma lagunem, hit hinileken neagun motok dek iti nen, at yomakhisekhe dogogin meke iti witluk, wene mothogo hagakhe dogosak meke hasik thelekmarogo yokhisasiginat.

Yohanes 18:32

Inane itithogon yogokhukha iti, at Yesus nen wene haganeat yogeisekhe dogolik, “An itithogon hagatnabiluk nasugun o,” iluk ekhe lageikhe meke etnogo, it itithogon hagakhukhama, at ane tak-tagat ageikhe iti.

Yohanes 19:18

Dukhi agoukhasik etoma nen Yesus ebe o baga turlem meldiluk nen, it ap pere ninat meke inom abel ebelak-ebelak meldisasukha.

Yohanes 3:11

Nit nen wene ninilu mekeat yokhisigik, ninileken hogo mekeat eberogonat iluk, pakhogo yokhisigik, ekhe lago mekeat he, ninane iti holhidek hinobakhanini hagakhe lagap iluk, nane eberogonat yokhekhe lagei.

Yohanes 3:14

Nen, ap Musa o limo akhuni dekma etoma dogolik, warlo hakene hagarogo o baga lia'isikhe iti hak, it akhuni yoma inetaiken an abat itaklasi agagi meke yi noba hakotdugun meke, inebe tomogat iniluk motok dogoagaluk, an itithogonat lia'anusak obaat lia'anugunat o.

Yohanes 4:26

Itithogon yogosigin apasikhe, at Yesus nen, men yogokhikhe, “Ap egen iti ebe, an nipisak wenekak ekhe lago nebe yiat o,” iluk yogokhikhe.

Yohanes 5:19

Itithogon abok palhe lagoukhama, at Yesus nen, ap emenogo wene yigithogon yogeisasikhe, “Yi meke ti meke an nopase nen hagakhunem nileken higidek, an nakla nen kagalogo hagasusak erlok dek iti nen he, an nopase hagakherek meke tak-tagat hagakhe lagei o, iluk eberogonat yokhisigi o.

Yohanes 5:30

Itithogon yogeisasikhesik nen, wene ageikhe men yogeisasikhe, “An narligat nakla nen kagalogo yi meke ti meke hagasusak erlok dek iti nen, an nen nakla apalok hagakhe lagei dek o. At an la'ani ageikhe meke akla apekherek meke hagasigiluk hagakhe lagei iti nen, nopase ane mutlugat, akhuni oak denogo wene inoba 'bigik, kokhik, hagakhe lagei iti, mothogonat hagakhe lagei o,” iluk yogeisasikhe.

Yohanes 8:24

Iti nen he, an nen wene alep yokhisekhe dogolik, Weak hagakhe lagap meke wene hinoba werek korlek watlasugun o, iluk yokhisigi etnogo, men hasik igi. Hit nen an nobasik he, At ebe ikhok motok welagarek mekeat o, iluk hinetaiken noba hakotdugun dek halok, wene hinoba werek korlegat watlasugun iti nen igi o,” iluk yogeisasikhe.

Yohanes 8:27

Itithogon yogeisasikhe mekeat, it nen he, “At opase Allah hasik abok yoknisiliogo o,” iluk wene iti hutdigidek welagoukha.

Yohanes 8:58

at Yesus nen, men yogeisasikhe, “An nane eberogonat yokhisak o. Ap Abraham iti ebe aban itaklageidek werek korlek, an nikhok motogat welagarek o,” iluk yogeisasikhe.

La'isasikhe 2:41

Inasuk itithogon wakhikhemo, it wene waganhukha meke ima usa'isasukha. Itinem inebe 3.000 hakene ima usa'isasukhasik nen, yabokane inom dapukhogon welagoukha.

La'isasikhe 4:4

Itithogon meke re, it Petrus Yohanes ipisak itithogon aban kola'isigidek werek korlek, wene akhuni yogeisasukhama, it wene inasuk holhukha meke emenogo inebe doalegat nen, “Wene iti eberogonat,” iluk waganhukhama, it alep meke inom, yabokane meke inom, dapukhogon, ap anek inebe doalegat 5.000 hakene hagatlageikhe iti.