Yohanes 8:20 - ALLAH ANE WENW KET MEKE WAROGO WOKNINAKHIKHE WENE

²⁰ Wene itithogon yogeisasikhe iti, at ebe Allah ai halekma peti uang Allah hasik 'bisegarekma alilu dogolik isikhe. Itithogon isinem, at ebe hakhausak oba aban asi ageidek werek korlek nogo nen, it akhuni emenogo ageikhe nen hakhigidek tha'bokhogonat kamotdisukha.

Yohanes 8:20 ပူးပေါင်းရင်းမြစ်များ

Matius 26:55

it ap doalegat wagoukha emenogo men yogeisasikhe, “Ap iki abusak waganhunem hageinakharek iti hak, hit nen itithogonat an haknabuogoluk, karok men, payuk men, motok wolok wagap yi re! An hibiku-yogoku Allah ai halekma hurek dogolik wene yakulisugunem, hit nen yigithogon haknakhidek welagasibat he,

Matius 27:6

Itithogon hagakhikhemo, it ap Allah iteerek meke koktek emenogo nen uang perak meke 30 etnogo waganhukhasik nen, “Uang yi ap amep oko palagasikmo iti, Allah hasik uang 'begarekma etoma 'busak motok dek o,” iluk isukhasik nen,

Markus 12:41

Wene itithogon yogeisasikhesik at Yesus ebe hurek lageikhesik dogolik, peti uang Allah hasik akla 'bisegarek meke itik ebelake werekma, akhuni doalegat nen uang 'bilik lagunem 'birisik welageikhe. Akhuni inikierek meke doalegat nen uang doalegat 'bilik lagoukha.

Markus 12:43

Itithogon 'biluk lagunem at Yesus nen agarumi ane waganhe lagoukha meke emenogo waisasikhemo wagoukhama men yogeisasikhe, “It akhuni tha'bokhogonat iti inameke doelegatma oba hiakhogon 'bisega iti, herlekha'bugat negenat o. Mekeat he, at he thoge ameke dek meke iti anek he, apiri oko palogo nausak meke tha'bokhogonat 'bisekhe iti anek he, motok doalegat negen 'bisekhe o, iluk eberogonat yokhisigi,” iluk yogeisasikhe.

Lukas 20:19

At Yesus nen wene itithogon yogeisasikhemo nen, it ap Allah ane holal waganek iteerek meke men, it ap Allah iteerek inougi koktek emenogo men, inasuk holhukhasik nen, “Wene iti nit ninobasik oba lisogon yoknisekhe higi,” iluk hutdisukhasik itinem, at Yesus ebe hakhauwogoluk hagakhukha mekeat he, akhuni emenogo inayuk nen huk agoukha.

Lukas 21:1

At Yesus nen itithogon yogeisasikhesik nen, elokhe hebenokhogon ileken lageisasikhe meke, Allah ai halekma ap inikierek werek meke aperek uang Allah hasik peti akla 'begarekma kolakhunem ileken lageisekhe lageikhe.

Yohanes 10:39

it nen, at Yesus ebe hakhauwogoluk hagakhukha mekeat, at it iniki agap warek polokhogon dukhisikhe.

Yohanes 2:4

Itithogon yogokhikhemo, at Yesus nen, men yogokhikhe, “Nagosa o. An nen hagasusak oba aban horok asi ageidek werek korlek, hat nen an nenaluk yoknekhen,” iluk yogokhikhe.

Yohanes 7:14

Pesta etnogo nilik laga korlek heisogo Yesus Allah ai halekma ukisikhesik, wene yakulisekhe lageikhe.

Yohanes 7:30

it akhuni nen Yesus ebe hakhauwogoluk hagakhukha mekeat he, at ebe hakhausak oba arat mot asi ageidek iti nen, ebe iniki hakhigidek kamotdisukha.

Yohanes 7:44

Itithogon mikikhukhasik, it aperek nen Yesus ebe hakhauwogoluk hagakhukha mekeat he, iniki hakhigidek kamotdisukha.

Yohanes 7:8

ageikhe men yogeisasikhe, “An hagasusak oba aban werek iti nen, pesta hagasugun iti hagakhunem yogotak yaat usagein dek o. Hit anek usekhe dogoni o,”

Yohanes 8:2

Dageisikhesik, hubuluke hubenat siakhogon usa'ageikhesik, Allah ai halekma ukisikhemo, akhuni doalegat at oba wagoukhama, at ebe hurek lageikhesik nen, wene yakulisasikhe.

Yohanes 8:59

Itithogon yogeisekhe lageikhemo, it ap emenogo nen, at Yesus ebe helekit oba wasuogoluk inikimo waganhukha mekeat, Yesus ebe limak lageikhesik nen, o Allah ai halekma thogotdiluk werlekmake lageikhe.