Yohanes 8:2 - ALLAH ANE WENW KET MEKE WAROGO WOKNINAKHIKHE WENE

² Dageisikhesik, hubuluke hubenat siakhogon usa'ageikhesik, Allah ai halekma ukisikhemo, akhuni doalegat at oba wagoukhama, at ebe hurek lageikhesik nen, wene yakulisasikhe.

Yohanes 8:2 ပူးပေါင်းရင်းမြစ်များ

Matius 26:55

it ap doalegat wagoukha emenogo men yogeisasikhe, “Ap iki abusak waganhunem hageinakharek iti hak, hit nen itithogonat an haknabuogoluk, karok men, payuk men, motok wolok wagap yi re! An hibiku-yogoku Allah ai halekma hurek dogolik wene yakulisugunem, hit nen yigithogon haknakhidek welagasibat he,

Lukas 21:37

Wene itithogon yogeisasikhesik nen, yabokane, at Yesus o wi agunem Allah ai halekma, wene yakulisigik, o hi isinem tom Zaitun ukul oba dageigik, hagakhe lageikhe.

Lukas 21:38

Itithogon isinem, akhuni tha'bokhogonat emenogo at ane holuogoluk, Allah ai halekma huben siakhogon natogosi aga lagoukha.

Lukas 4:20

Arat yakulisalok nen, buku holal waganek meke etnogo dikilogo ap iteerek meke etnogo wogokhikhesik nen, ebe hurek lageikhe. Hurek lageikhemo, it akhuni tha'bokhogonat sembayan uogoluk inom ukisukha meke emenogo inileken at oba 'birogo motok welagoukha.

Lukas 5:3

Ileken hisasikhesik nen, Yesus ebe ku Simon meke akla ukiluk, “Ku yi higilogo ima tumo negen horogat thiokhogon la'in o,” iluk, Simon yogokhikhe. Itithogon yogokhikhesik nen, at ebe ku akla hurek lageikhesik, akhuni doalegat emenogo i aik obake werekma wene yakulisasikhe.

Yohanes 4:34

Itithogon isukhama at Yesus nen, men yogeisasikhe, “At an la'ani ageikhe meke etnogo akla apekherek meke tak-tagat hagakhe lagei iti inom, an hagasuagaluk nayoko bisikhe meke iti yabu ilugun thirliphogon hagasigiluk hagakhe lagei iti inom, an napiri itiat o.

Yohanes 8:20

Wene itithogon yogeisasikhe iti, at ebe Allah ai halekma peti uang Allah hasik 'bisegarekma alilu dogolik isikhe. Itithogon isinem, at ebe hakhausak oba aban asi ageidek werek korlek nogo nen, it akhuni emenogo ageikhe nen hakhigidek tha'bokhogonat kamotdisukha.

Yohanes 8:3

Wene yakulisugunem, it ap Allah ane iteerek meke men, Farisi meke men, he ageikhe param hagakhunem inileken hasukhasik, Yesus oba wolok wagoukhasik, he etnogo ebe turlem meldiluk nen,

La'isasikhe 5:21

Itithogon yogeisasikhemo, inasuk holiluk, o wi aga korlek, Allah ai halekma ukisukhasik wene yakulisekhe lagoukha. Itithogon yakulisekhe korlek, it ap Allah iteerek meke inoe kok etnogo agarumi inom nen ap inarluetek Israel meke wene erlo pilinekhe lagoukha meke tha'bokhogonat, inayoko 'bisukhasik inebe natogotdiluk, inagarumi aperek nen, it Yesus nen inayoko 'biluk la'isasikhe meke iniki herle warek 'bisasukha meke etnogo wogosik wisuagaluk, o 'bisasukhama etnogo la'isasukha.